Fréttablaðið - 20.12.2008, Blaðsíða 40

40 20. desember 2008 LAUGARDAGUR
Hvað varð
um Von
Trapp-börnin?
Samkvæmt nýjustu tölum úr Kolaportinu er mest
selda myndin í ár Sound of music: Á notuðum
DVD-diskum. Júlía Margrét Alexandersdóttir
leitaði uppi Liesl, Friedrich, Louisu, Kurt, Brigittu,
Mörtu og Grettl og komst að því að þau hafa
komið við á hinum ótrúlegustu stöðum; í Playboy,
Neverlandi Michaels Jackson og í blómaskreyting-
um McCains.
Elst barnanna var stúlkan sem valhoppaði
og tók lagið í garðskálanum með kærastan-
um; Liesl Von Trapp. Leikkonuna Charmian
Carr dreymdi hins vegar um allt annað en
sviðsframa og var skráð í áheyrnarprufur
fyrir myndina að sér forspurðri. Foreldrar
hennar voru báðir leikarar svo að hún vissi
að hlutverk í kvikmynd myndi gleðja þau
meira en gott einkunnaspjald svo að hún
lét til leiðast.
Hvað kvikmyndir varðar lét Charmian því
nægja að leika Liesl en hennar beið þó
frami á öðru sviði þar sem hún kom á fót
afar farsælli innanhússhönnunarstofu.
Charmian rekur í dag arkitektastofuna sína
en einn hennar þekktasti kúnni er sjálfur
Michael Jackson og hefur hún hannað ýmis-
legt í Neverlandi fyrir hann.
Charmien kynntist fyrrum eiginmanni
sínum, Jay Brent, meðan á kynningar-
ferð fyrir kvikmyndina stóð árið 1967 og
eignaðist með honum tvær dætur. Þau
skildu eftir 24 ára hjónaband og býr hún nú
með þremur labradorhundum. Hún eyðir
frístundum sínum í garðinum eða fer á
skíði, dansar eða hjólar og er víst enn jafn
lipur og létt og hún var í Söngvaseið forðum
daga. Hún hefur skrifað tvær bækur um þá
lífsreynslu að leika Liesl; Forever Liesl og
Letters to Liesl.
➜ LIESL VON TRAPP
Debbie Turner var næstyngst
barnanna, eða aðeins sex ára,
þegar hún kom fram sem Marta
litla. Ferill hennar hófst enn fyrr en
ferill Angelu Cartwright en hún var
aðeins sex mánaða þegar hún fór
að birtast í auglýsingum. Þannig
hafði hún um langt skeið á undan
Söngvaseiði leikið í auglýsingum
og þar af í yfir þrjátíu slíkum fyrir
leikfangaframleiðandann Mattel.
Hún hætti þó alveg að leika eftir
að hafa skilað af sér hlutverki
Mörtu og skellti sér þess í stað á
skíði og varð atvinnumanneskja
um skeið í skíðaíþróttinni.
Þegar skíðaferlinum lauk lagði
Debbie stund á innanhússhönn-
un með blómaskreytingar sem
aðalfag og þykir ansi lunkin í sínu
fagi. Hennar frægustu skreytingar
hingað til eru án efa þær sem
hún hannaði fyrir John McCain á
landsfundi Repúblikanaflokksins
í ár.
Debbie á fjórar dætur og býr í
úthverfi Minniapolis í Minnesota.
Þeir sem vilja kynna sér blóma-
skreytingar Debbie Turner er bent
á vefsíðuna debbieturneroriginals.
com.
➜ MARTA VON TRAPP
Duane Chase
lék yngri Von
Trapp-bróðurinn
og sýndi lipra
takta sem hinn
hrekkjótti Kurt.
Ólíkt Trapp-börn-
unum dreymdi
hann ekki um
frægð og frama
og hefur forðast
sviðsljósið eftir
fremsta megni.
Hann útskrifaðist
með mastersgráðu
í landafræði og lifir
rólyndislífi í Seattle
ásamt eiginkonu
sinni þar sem
hann dundar sér við að hanna tölvuforrit fyrir landa-
fræðinga. Svo vel hefur honum gengið að halda sig til
hlés að almenningur sem og fjölmiðlar vita lítið hvað
drífur á daga hans.
➜ KURT VON TRAPP
Kym Kareth, sem lék
hina yngstu Gretl,
langaði mikið að verða
kvikmyndastjarna og
reyndi fyrir sér sem slík
í nokkur ár. Hún hafði
þó ekki erindi sem
erfiði og tók þess í stað
ákvörðun um að feta
hefðbundna mennta-
veginn, lærði listasögu
og mannfræði og flutti
svo til Parísar þar sem
hún starfaði sem fyrir-
sæta um skeið.
Draumurinn um leikkonuframann hefur þó ásótt hana
alla tíð og hún hefur gert fjölda tilraunir til að eiga end-
urkomu í bransann og fengið lítil hlutverk í sjónvarps-
seríum til að mynda, svo sem Lost in Space og My
three Sons. Í dag er hún einhleyp, á einn son og er um
þessar mundir enn einu sinni að láta reyna á það hvort
fólk hafi nokkuð virkilega gleymt henni sem Gretl.
➜ GRETL VON TRAPP
1
1
2
Elstur drengjanna var hinn fagurlimaði Friedrich
von Trapp. Nicholas Hammond datt í lukku-
pottinn þegar hann fékk hlutverkið því hans
átrúnaðargoð í æsku var sjálf stjarna kvikmynd-
arinnar; Julie Andrews.
Ólíkt Liesle var hann staðráðinn í því að verða
leikari og hafði reyndar fengið nokkur lítil
hlutverk í sjónvarpi áður en hann sló í gegn
í Söngvaseið. Leikaraferillinn varð þó heldur
brösóttur eftir Alpadvölina og ætli toppurinn
þar sé ekki þá helst sjónvarpsseríur um Spider
Man sem sýndar voru á árunum 1977-79. Þegar
ekkert gekk í Hollywood ákvað Hammond að
flytjast til Ástralíu og býr þar nú, kvæntur en
barnlaus, í Sydney og skrifar handrit að sjónvarpsmyndum.
➜ FRIEDRICH VON TRAPP
2 3
Heather Menzies fór með hlutverk hinnar fjörugu
Louisa von Trapp. Heather var þrettán ára þegar
hún fékk hlutverk Louisu en þá hafði hún getið
sér góðs orðs fyrir frammistöðu sína í leikritinu
My Three Sons. Segja má að lífsferill Louise sé
hvað einna dramatískastur þeirra Trapp-syst-
kina. Hún ákvað að veðja á leiklistina eins og
Hammond og lék meira að segja aftur með Julie
Andrews – í kvikmyndinni Hawaii.
Eftir það byrjaði brasið. Fleiri spennandi rullur
dúkkuðu ekki upp en þess í stað sat Heather fyrir
nakin í tímaritinu Playboy árið 1973 og birtist á
heilum fimm síðum fáklædd. Fljótlega eftir þá
myndatöku skildi hún við fyrri eiginmann sinn, John Cluett, eða á sama ári
og segir sagan að eiginmanninum hafi mislíkað uppátækið.
Tveimur árum síðar kynntist Heather hinum geðþekka sjónvarpsleikara
Robert Uric og dró sig þá smám saman í hlé og varð á skömmum tíma
þriggja barna móðir.
Urich dó hins vegar fyrir sex árum eftir 28 ára hjónaband og á sama tíma
sigraðist Heather á leghálskrabbameini. Hún starfar nú við krabbameins-
deild háskólans í Michigan en býr í Los Angeles ásamt krökkunum sínum.
➜ LOUISA VON TRAPP
3
4
4
5
Angela Cartwright hafði öðlast frægð löngu áður
en Söngvaseiður kom inn í spilið og áður en hún
varð fjögurra ára. Hún var orðin það sem kallast
barnatískumódel þegar hún var aðeins þriggja
ára og jafngömul lék hún dóttur Paul Newman´s
í Somebody Up There Likes Me. Ári síðar var hún
orðin heimsþekkt meðal tískuritstjóra og ljós-
myndara í Bretlandi sem og Bandaríkjunum.
Eftir að hafa marserað með Von Trapp-börnunum
hélt hún áfram að leika um sinn, gekk vel og kom
víða við. Má þar meðal annars nefna sjónvarps-
þættina Lost in Space og Make Room for Daddy.
Þó kom að því að Angela missti áhugann á leiklist og sneri sér, eins og fyrr-
um fyrirsætum finnst gjarnan heppilegt, að ljósmyndun og starfar hún sem
slíkur í Los Angeles í dag.
Angela hefur verið gift í rúm þrjátíu ár og á tvö börn. Þess má geta að
Angela er ein fyrsta kvikmyndastjarnan sem tók veraldarvefinn upp á sína
arma og er með heimasíðuna angela-cartwright.com.
➜ BIRGITTA VON TRAPP
5
6
6
7
7