Tíminn - 07.10.1988, Blaðsíða 2
' 2 Tíminn
Föstudagur 7. október 1988
Marel hf. flytur út tölvuvogir og flokkunarkerfi til Ástralíu og Nýja-Sjálands:
Flokkar fiskinn á íslandi,
kjúklingabita á N-Sjálandi
Það er nú liðið hartnær eitt ár frá því tölvufyrirtækið Marel hf. hóf
útflutning á tölvuvogum til Ástralíu og Nýja-Sjálands. Andfætlingar okkar
láta mjög vel af framleiðslu fyrirtækisins og að sögn Þórólfs Árnasonar,
markaðsstjóra þess, er ástæða til að ætla að á næstu 2-3 árum verði hlutur
Ástralíu og Nýja-Sjálands í útflutningi Marels hf. um 10-15% af veltu
fyrirtækisins. Tölvuvogirnar eru komnar nú þegar í 15 skip í Ástralíu og
Nýja-Sjálandi. í Ástralíu eru Marel-vogir um borð í rækjuskipum við norður-
og norðvesturströndina og við eyjuna Tasmaníu fyrir sunnan Ástralíu. Á
Nýja-Sjálandi hafa vogirnar hinsvegar verið seldar til botnfískveiðiskipa, sem
eru að veiðum víða í landhelgi landsins.
„Það er gaman að geta sagt frá því
að annar þeirra tveggja útgerðarað-
ila í Ástralíu, sem kaupa af okkur
tölvuvogir, gerði prófanir á öllum
helstu framleiðendum tölvuvoga fyr-
ir skip í jieiminum. í framhaldi af
þessari athugun tók hann ákvörðun
um að kaupa vogir frá okkur þrátt
fyrir að þær séu um 30% dýrari en
vogir frá sumum samkeppnisaðilum
okkar. Það er greinilegt að okkar
vogir stóðu framleiðslu samkeppnis-
aðilanna nokkuð framar hvað gæði
snertir," segir Þórólfur.
Nýjabrumið í útflutningi Marels
hf. á þessu ári til Nýja-Sjálands eru
flokkunarvélar fyrir kjúklingabita.
Hér eru á ferðinni samskonar flokk-
unarvélar og eru notaðar hér á landi
og víðar til flokkunar á fiski. Þórólf-
ur Árnason segir að flokkunarvélun-
um þurfi nánast ekkert að breyta til
þess að nýta þær einnig við flokkun
á kjúklingabitum. Einungis þurfi að
breyta stillingum lítillega.
Þess ber að geta að dótturfyrirtæki
Marels hf. í Kanada hefur einnig
nýverið selt tvær flokkunarvélar til
kjúklingavinnslu, aðra í Arkansas í
Bandaríkjunum og hina í Ontarío í
Kanada.
Tvær flokkunarvélar hafa farið til
kjúklingasláturhúsa á Nýja-Sjálandi
í þessu skyni, í Auckland og
Christchurch, og sú þriðja er á
leiðinni til New-Plymouth. Þórólfur
segir að glöggskyggni umboðsmanns
Marels hf. á Nýja-Sjálandi hafi gert
það að verkum að reynt var með
góðum árangri að nýta flokkunarvél-
ina fyrir kjúklingabita á þessum
markaði. „Við höfum alltaf verið í
fiskinum hér á íslandi af því að við
þekkjum ekkert annað. En þetta
sýnir að tækin frá okkur standa sig
vel í alhliða matvælavinnslu," segir
Þórólfur. Hann segir að vissulega
séu fyrir hendi möguleikar á mark-
aðssetningu þessarar flokkunarvélar
í kjúklingaframleiðslu víðar ,en á
Nýja-Sjálandi. Til dæmis væru menn
að þreifa fyrir sér í Ástralíu. „Það er
verið að vinna að þessum málum án
þess þó að maður vilji segja of mikið
að svo komnu máli,“ segir Þórólfur.
Hann bendir á að árangur fyrirtækis-
ins í markaðssetningu ráðist ekki
síst af útsjónarsemi og atorku 10-20
umboðsmanna fyrirtækisins út um
allan heim og dótturfyrirtækis í Kan-
Starfsmaður klúklingasláturhúss í Auckland á Nýja-Sjálandi við flokkunarkerfi frá íslenska tölvufyrirtækinu Marel
. hf. Mynd: Þórólfur Ámason.
ada. „Við höfum verið mjög heppnir
með samstarfsaðila á Nýja-Sjálandi
og Ástralíu. Þeir eru mjög ferskir og
útsjónarsamir og þeim ber að þakka
að nokkru leyti þann árangur sem
við höfum náð á þessum markaði.“
Marel hf. hefur fyrir löngu haslað
sér völl á erlendum mörkuðum með
sína framleiðslu auk sölu á tækni-
þekkingu sem starfsmenn fyrirtækis-
ins hafa aflað sér. Um 70% af
framleiðslu fyrirtækisins er nú flutt
út á erlenda markaði en til þessa
hefur stærstur hluti framleiðslu Mar-
els hf. verið tölvuvogir fyrir sjávarút-
veginn. Reyndar má óhikað segja að
fyrirtækið sé leiðandi í heiminum á
því sviði. „í Ástralíu og Nýja-Sjá-
landi er okkur tekið sem ráðgjöfum
og menn kunna mjög vel að meta
þær upplýsingar sem við getum veitt
um fiskveiðar og fiskvinnslu. Við
höfum t.d. yfir að ráða mikilli þekk-
ingu á vinnslu og henni getum við
óhikað miðlað til Nýsjálendinga og
Ástrala," segir Þórólfur Árnason.
óþh
Reglur um útflutning á ferskum fiski munu standa áfram:
Utanríkisráðuneytið
fær ráðgjöf erlendis
Utanríkisráðuneytið hefur
ákveðið að leita eftir ráðgjöf hjá
aðilum sem starfa við ferskfisk-
markaði þá sem íslendingar selja
á. Hugmyndin er að ráðuneytið fái
vikulega ráðgjöf varðandi það
magn sem markaðarnir eru álitnir
þola og mun þeim upplýsingum
komið á framfæri við þá sem út-
flutning þennan vilja stunda. Eftir
sem áður verða því engin leyfi veitt
til útflutnings á gámafiski nema
umsókn hafi borist ráðuneytinu
árdegis á föstudegi í næstu viku á
undan þeirri sem útflutningur er
fyrirhugaður í.
Þá hefur stjórn LÍÚ ákveðið að
breyta reglum sínum um siglinga-
leyfi til Þýskalands á þann hátt að
einn stóru Reykjavíkurtogaranna
fær forgang til siglingar í viku
hverri. Rökstuðningur LÍÚ við
þessa ákvörðun er sá að með þessu
sé tryggt að aðeins einn stóru
togaranna fjögurra fái siglingaleyfi
í viku hverri og dragi þannig úr
hættu á sveiflum. Mikil óánægja er
meðal aðstandenda minni togara
vegna þessa máls en eftir sem áður
verða þeir nú að sækja sérstaklega
um hin eftirsóttu siglingaleyfi og
standa til þess í Iöngum biðröðum.
-BG
Leikfélag Akureyrar frumsýnir í kvöld:
Skjaldbakan kemst þangað líka
I kvöld verður fyrsta frumsýning
Leikfélags Akureyrar á þessu leik-
ári. Ér það leikritið „Skjaldbakan
kemst þangað líka“ eftir Árna Ibsen.
Samkvæmt upplýsingum Viðars
Eggertssonar leikstjóra fjallar
leikritið um skáldin Ezra Pound,
sem Þráinn Karlsson leikur, og Will-
iam Carlos Williams í höndum Theo-
dórs lúlíussonar. Það greinir frá
ólíkum viðhorfum þeirra til lífsins
og starfsins, og ekki síst segir það frá
ótrúlegri vináttu þeirra sem stóð í 60
ár, og í sýningunni fylgjumst við
með þeim þann tíma.
Williams er læknir og skáld, og er
sannfærður um að læknirinn og
skáldið séu óaðgreinanlegir. Að
deila kjörum með fólki gefur skáld-
skap hans gildi.
Hann bjó í smábæ allt sitt líf, og
ást hans á sínum samastað gerði
hann að paradís á jörðu, og ljóð
hans fjölluðu um allt það smáa líf
sem hrærðist í nánasta umhverfi
hans. Ezra var aftur á móti á sífelldu
flakki um heiminn, og gat hvergi fest
rætur. Hann vildi kynnast öllu sem
hafði verið hugsað og ort í heiminum
til að geta fellt það inn í einn
Ijóðabálk. Hann fann sér loks sama-
stað í hugmynd, fasismanum, og í
seinni heimsstyrjöldinni tók hann að
sér að útvarpa áróðri fyrir ítali til
Bandaríkjanna. Fyrir áróður sinn
var hann kærður fyrir landráð, og til
stóð að dæma hann til dauða. Það
kom í hlut Williams að verja hann,
þó hann gæti ekki varið skoðanir
hans. Þessi átök eru þungamiðjan í
leikritinu.