Lesbók Morgunblaðsins - 22.04.2006, Blaðsíða 9
Lesbók Morgunblaðsins ˜ 22. apríl 2006 | 9
tveggja ungra listamanna, sem eignað er eitt
af verkum tvíæringsins. Mismunandi lista-
menn koma að vinnu þessarar Silvíu Nætur
myndlistarinnar og listsköpun hennar spann-
ar svið málverksins, skúlptúra, gjörninga og
tónlistar. Sýningar Spaulings og þessi sam-
runi galleríistans og listamannsins hafa vakið
töluverða eftirtekt í borginni. Framtakið þyk-
ir spennandi ögrun við alræði faggalleríanna
og listmarkaðsafla sem gat af sér ungu lista-
mannsstjörnuna. Svo virðist þó sem gagn-
rýnin á kerfið sé einnig að komast í ógöngur
því eins og til að sanna mátt umræddra afla
hefur Reena Spaulings nú slegið rækilega í
gegn og spurning hvað verður um grasrót-
arbraginn í því umhverfi sem honum var
stefnt til höfuðs.
Friðarturninn endurreistur
Fjöldi annarra listamanna tekur þátt í tveim-
ur hliðarverkefnum tvíæringsins. Annars veg-
ar er um að ræða endurgerð Marks di Suve-
ros og Rirkrit Tiravanija á Friðarturninum
sem áður var reistur í Los Angeles árið 1966
til að mótmæla Víetnam-stríðinu og er sam-
settur strúktúr af framlögum frá 200 alþjóð-
legum listamönnum, m.a. Ólafi Elíassyni.
Hins vegar var And-galleríinu, The Wrong
Gallery, sem stofnað var af listamanninum
Maurizio Cattelan ásamt fleirum, boðið að
setja upp sérstaka sýningu innan sýning-
arinnar. Á sýningu þeirra, Down by law, er
helstu ódæðismönnum og andhetjum banda-
rískrar menningar stefnt saman í verkum
fjölda listamanna. Dregin er fram sú tvöfeldni
sem felst í þráhyggju Bandaríkjamanna gagn-
vart annars vegar þeim sem halda lög og
reglur og hins vegar þeim sem brjóta regl-
urnar. Einkenni sem rekja má aftur til villta
vestursins og greina má í dag í þeim ótta sem
menningarheimur Mið-Austurlanda vekur
með þjóðinni.
Tvíæringi Whitney-safnins lýkur 28. maí
nk.
Dagur fyrir nótt Málverk Peter Doig og auglýsing fyrir eina af fjölmörgum kvikmyndasýningum lista-
mannsins á vinnustofu sinni í Trinidad. Titill verksins er einnig yfirskrift tvíæringsins og sóttur til kvik-
myndar Francois Truffauts, La Nuit Americaine. Birt með leyfi Contemporary Fine Arts í Berlín. Verk í
eigu TK Collection.
merísk nótt
Ljósmynd/Tom Powel Imaging
Ferð sem aldrei var Frá sviðsetningu söngleiks Pierr-
es Huyghes „Ferð sem aldrei var“ í Central Park í
New York 14. október 2005. Samnefnt kvikmynda-
verk, sem byggir á sviðsetningunni og ferð lista-
mannsins til Suðurskauts, er til sýnis á Tvíæringi
Whitney-safnsins um þessar mundir. Birt með leyfi
Marian Goodman Gallery, New York og París.
Ljósmynd/Blaise Adilon
Heildarsaga Síð-samtímamyndlistar Verkið er eftir
Josephine Meckseper. Verk í eigu listamannsins;
birt með leyfi Elizabeth Dee, New York. Höfund-
arréttur Tvíæringsins í Lyon, 2005.
Höfundur er myndlistarmaður.
Stöðvið Bush Teikning skúlptúristans Richards Serras ́Stöðvið Bush var upphaflega ætluð til fjölritunar og
dreifingar í fjöldamótmælum í New York gegn Íraksstríðinu fyrir 2 árum. Birt með leyfi listamannsins.