Morgunblaðið - 15.12.2006, Blaðsíða 28

hönnun
28 FÖSTUDAGUR 15. DESEMBER 2006 MORGUNBLAÐIÐ





  
Okkur hefur verið rosalegavel tekið hérna í Hafn-arfirði,“ segir Þóra Ein-arsdóttir myndlistar-
maður, ein tíu listakvenna sem
standa að rekstri Gallerís Thors í
Hafnarfirði. „Já, þetta hefur vantað í
Hafnarfjörð,“ bætir Halla Bogadóttir
við. Hún er gullsmiður og er líka ein
af listakonunum. „Galleríið stendur
hérna við þetta torg, Thorsplan, og er
í miðbæ Hafnarfjarðar. Það er nýbúið
að taka þetta allt í gegn, komið svið
og hérna er jólaþorpið,“ bætir hún við
og bendir í átt að glugga þar sem við
blasa lágreistir kofar jólaþorpsins. „Á
sumrin er líka æðislegt að vera með
borð hérna fyrir utan, við rekum sko
kaffihús samhliða galleríinu,“ segir
Halla og bætir glettin við „við náðum
í skottið á sumrinu, hér var mjög gott
veður í ágúst og mögnuð stemning.“
Fyrirkomulag samstarfs kvenn-
anna í galleríinu er þannig að þær
skiptast á um að vera á staðnum tvær
í senn, og hver þeirra vinnur þannig
einn dag í viku.
„Þetta hófst þannig að ein úr hópn-
um, María Ólafsdóttir, keypti þetta
húsnæði ásamt manninum sínum,“
segir Halla um tilurð samstarfsins.
„Hún er leirlistakona með meiru, og
ákvað, í stað þess að vera ein með
verslun, að fá til liðs við sig hóp af
konum,“ heldur hún áfram. „Þau
hjónin innréttuðu húsnæðið og gerðu
það klárt og buðu okkur níu til sam-
starfsins. Fjórar eru í myndlist, þrjár
eru í leir, tveir gullsmiðir og tvær
konur eru í textíl og leðri ásamt ýmsu
öðru,“ segir Halla.
„Við leigjum plássið af Maríu,“ út-
skýrir Þóra. „Svo er allur rekstrar-
kostnaður sameiginlegur.“
Í hjarta nýs miðbæjar
Hafnarfjarðar
Gallerí Thors er í nýbyggingu á
Thorsplani. Nýr miðbær er að mynd-
ast í hjarta Hafnarfjarðar með til-
komu nýrra bygginga og má eig-
inlega segja að verslunarmiðstöðin
Fjörður sé upphafið að hinum nýja
miðbæ. Nýtt bryggjuhverfi rétt niður
af Thorsplani styrkir svo enn frekar
myndina.
Þar sem galleríið er svo að segja
nýtt segja þær stöllur ekki alveg
komna reynslu á hvernig reksturinn
mun verða. „Við vitum auðvitað ekki
alveg hvernig sumrin eiga eftir að
verða,“ segir Þóra. „Við erum enn
sem komið er ekki með þessa túr-
istatraffík,“ bætir hún við. „Það getur
þó vel verið að það eigi eftir að koma
með ferðum eins og í Fjörukrána og
hvalaskoðun. Það er þó frábært ef
meirihluti okkar kúnna er Íslend-
ingar, miklu betra.“
Að sögn Höllu og Þóru er nokkuð
jafnt keypt af þeim listmunum sem í
boði eru í galleríinu. Miðað við fjöl-
breytnina í því sem konurnar vinna
við er í það minnsta úrvalið mikið og
breiddin góð, hvort sem litið er til
verðs eða gæða. „Stór málverk og litl-
ir hlutir sem kosta innan við fimm
þúsund fara jöfnum höndum,“ segir
Halla. „Skartgripirnir hafa líka selst
vel, en þó er greinilegt að fólk er mik-
ið að kaupa gjafir og notar sér gjarn-
an gjafakortin okkar.“
Kaffihúsið í galleríinu hefur líka
verið vel sótt og fleira er þar í boði en
kaffi. „Eina helgi nýlega vorum við
með upplestur. Aðalsteinn Ásberg
kom og las upp úr bók eftir amer-
ískan rithöfund. Með honum var
djassgítarleikari og jólaþorpið var
auðvitað opnað þá sömu helgi og
stemningin var mjög skemmtileg,“
segir Halla. „Við tökum líka inn
gestalistamenn, sem eru þá hálfan
mánuð í senn með sölusýningu,“ bæt-
ir hún við.
Enginn launakostnaður
Með því fyrirkomulagi sem lista-
konurnar tíu hafa á starfinu, þ.e. að
þær skiptast á að standa vaktina,
gefst þeim færi á að halda kostnaði í
lágmarki. „Við stillum verðinu í hóf af
því að við erum sjálfar að afgreiða,“
segir Þóra. „Þannig er enginn launa-
kostnaður og reksturinn verður þess
vegna að sumu leyti hagstæðari.“
Fund halda þær einu sinni í mán-
uði til að fara yfir reksturinn og þau
mál sem koma upp hverju sinni. „Þá
leysum við þau og afgreiðum,“ segir
Þóra. „Það er svolítið mikið talað á
fundunum, þegar tíu konur koma
saman vill það fara þannig,“ segir
Halla og uppsker hlátur Þóru, „já,
þetta er ekki svona stíft málfunda-
félag,“ klykkir hún út með og samtal-
inu lýkur með enn meiri hlátri.
Þær konur sem eru í hópnum eru
auk Þóru og Höllu Fríða Jónsdóttir
gullsmiður, Helena Sólbrá textíl-
listamaður, Ingibjörg Klemenz, leir-
list og glerlist, Lilja Bragadóttir
myndlistarmaður, Maja Ólafsdóttir,
leirlist, textíll, Ragnheiður Guð-
mundsdóttir textíll, Sólveig Hólm-
arsdóttir, leirlist og skúlptúr, og Þóra
Ben myndlistarmaður.
sia@mbl.is
Ekki stíft málfundafélag
Gullsmiður og myndlistarmaður Halla Bogadóttir og Þóra Einarsdóttir eru meðal tíu lista-
kvenna sem starfa í Galleríi Thors í Hafnarfirði. Listakonurnar tíu skiptast á að standa vaktina.
Fjölbreytni Ýmissa grasa kennir í galleríinu og listin er af ýmsum toga.
Textíll List birtist í ýmsu formi, því ekki að klæðast
henni þegar flíkin er bæði hlý og glæsileg?
Góð hugmynd Skartgripir eru
hafðir til sýnis ofan á glerbúri.
Þeim er haldið niðri með ýmsu sem
til fellur eins og brotnum bollum og
ullarkúlum sem óvænt grípa augað.
Gallerí Thors í Hafnar-
firði er í nýbyggingu við
Thorsplan. Sigrún Ás-
mundar leit þangað inn
einn kaldan morgun ný-
lega, þáði kaffi og spjall-
aði við tvær af tíu lista-
konum sem þar starfa.
Morgunblaðið/Ásdís