Morgunblaðið - 22.12.2006, Blaðsíða 15
MORGUNBLAÐIÐ FÖSTUDAGUR 22. DESEMBER 2006 15
FRÉTTIR
HELDUR hafði dregið úr rennsli í Ölfusá í gær-
kvöldi og efst á vatnasviði Hvítár var vatn tekið
að sjatna. Vatn flæddi inn í kjallara Selfoss-
kirkju, verslunar Nóatúns og fjölbýlishúss við
Grænumörk 2 en skemmdir voru ekki taldar
stórvægilegar. Þá unnu slökkviliðsmenn við að
dæla vatni úr drenlögnum með Hótel Selfossi.
Vatn hafði ekki komist í kjallara Hótel Selfoss en
vart varð við raka neðst í bíósölum Selfossbíós
sem orsakast af því að dælur höfðu ekki undan.
Ólafur Helgi Kjartansson, sýslumaður á Sel-
fossi og formaður almannavarnanefndar, sagði
að upplýsingum um tjón hefði ekki verið safnað
saman en það yrði gert fljótlega, væntanlega í
sambandi við hugsanlegar tryggingabætur.
Morgunblaðið/RAX
Heldur dregur úr tröllvexti Ölfusár
FLUGVÉL British Airways á
leið frá Gatwick-flugvellinum í
London til Keflavíkur þurfti
frá að hverfa vegna veðurs og
lenda á Egilsstöðum í gær.
Vélin lenti á Egilsstaðaflug-
velli um hálfþrjú í gær og gekk
lendingin þar vel, að sögn Ing-
ólfs Arnarsonar, flugvallar-
stjóra.
Vélinni var svo flogið til
Glasgow á sjöunda tímanum í
gærkvöldi.
Alls voru um 130 farþegar
um borð, þar af um tíu Íslend-
ingar. Flestir þeirra ákváðu að
verða eftir á Egilsstöðum og
freista þess að komast á leið-
arenda í dag en nokkrir ferða-
menn tóku þann kost að verða
eftir.
Aðspurður hvort vélinni hafi
verið einhver hætta búin
vegna veðurs segist Ingólfur
ekki vita til þess, heldur hafi
flugmaðurinn einfaldlega met-
ið stöðuna með þessum hætti.
Ingólfur segir það gerast
öðru hverju að vélar á leið til
Keflavíkur lendi á Egilsstaða-
flugvelli, þótt þetta hafi verið í
fyrsta sinn á þessu ári sem vél
á leið til Keflavíkur lendir þar.
Hins vegar hafi það gerst
nokkrum sinnum í fyrra og
það sem af er árinu hafi nokkr-
ar vélar á leið til Færeyja þurft
frá að hverfa og lent á Egils-
stöðum.
Vél British Airways
lenti á Egilsstöðum
Ljósmynd/Ellert Grétarsson
Fauk til 400 tonna flutningavél af gerðinni Antonov færðist til um 40 gráður í aftakaveðri á
Keflavíkurflugvelli í gær en mestu hviðurnar á flugvellinum mældust 30 metrar á sekúndu.
Flaug til Glasgow í Skotlandi í gærkvöldi
ÞAÐ leggst allt á eitt. Mikil rigning,
hiti, vindur og snjór sem féll á freðna
jörð þannig að þarna verður flóð, eitt
það mesta sem orðið hefur,“ sagði
Snorri Zóphóníusarson, jarðfræð-
ingur hjá vatnamælingum Orku-
stofnunar um hina miklu vatnavexti
á Suðurlandi og Norðurlandi undan-
farna daga.
Orkustofnun er með vatnamæli í
Hvítá við Fremstaver en aukist
rennsli þar eru um 30 klukkustundir
í að þess verði vart í Ölfusá. Snorri
sagði að hjá Orkustofnun hefðu
menn í raun mátt sjá vöxtinn í ánni á
þriðjudag en enginn hefði hins vegar
litið á hann fyrr en á miðvikudags-
morgun. Hefði mælirinn verið búinn
sjálfvirkum innhringibúnaði hefðu
menn orðið varir við flóðið fyrr.
Mælar með slíkum búnaði væru
helst í nágrenni Kröflu og sendu þeir
sjálfvirk boð um vatnavexti til Neyð-
arlínu og sagði Snorri að það væri
ástæða til að koma þannig mælum
fyrir víðar. Þannig mætti koma við-
vörunum fyrr til fólks sem þyrfti að
huga að skepnum sínum og húsum.
Mælarnir sjálfir væru ekki ýkja dýr-
ir en þess yrði að gæta að þjálfaður
mannskapur yrði að vera til staðar
til að meta upplýsingarnar sem bær-
ust frá mælunum.
Aðspurður sagði Snorri að Ölfusá
hefði vaxið mjög hratt og hið sama
ætti raunar við um Þjórsá sem hefði
þó haldið sig innan farvegarins.
Ástæðan væri hinar sérstöku að-
stæður sem voru fyrir hendi, þ.e.
mikil rigning, heitur vindur og snjór
sem hefði fallið á freðna jörð.
70 hrossum bjargað
Við Vorsabæ I var um 70 hrossum
sem höfðu orðið innlyksa bjargað í
gærmorgun. Litlu munaði að illa
færi. „Þau leituðu alltaf undan og
voru í töluverðri hættu á að lenda of-
an í Hvítánni sjálfri og þá hefði ekki
þurft að spyrja að leikslokum,“ sagði
Ingvar Guðmundsson, formaður
Björgunarfélags Árborgar.
Þá sagði Ingvar að hrossum sem
urðu eftir á brúnni yfir Litlu-Laxá í
fyrradag hefði öllum verið bjargað í
gærmorgun.
Rigning, hiti, vindur og snjór
lögðust á eitt og ollu flóðum
!
Vöxturinn í Ölfusá
var óvenju hraður
„ÉG ER í fjárhúsunum og aðkoman
var ágæt,“ sagði Gísli Jónsson, bóndi
á Ytri-Húsabakka í Skagafirði, í
samtali við Morgunblaðið undir
kvöldmat í gær. Hann þurfti að yf-
irgefa heimili sitt seint í fyrrakvöld
vegna vatnavaxta í Héraðsvötnum.
Bærinn á Ytri-Húsabakka stendur
örstutt frá fljótsbakkanum. Gísli
sagði að mikið væri farið að sjatna í
vötnunum og ljóst að flóðið hefði
valdið miklum spjöllum. Girðingar
væru ónýtar svo næmi hundruðum
metra eða kílómetrum.
Gísli telur að vatnavextir í Hér-
aðsvötnum hafi aðeins einu sinni frá
1940, eða svo langt sem hann man,
jafnast á við það sem nú varð. Þetta
væri eitt af því versta og leiðinleg-
asta sem hann hefði lent í um ævina.
„Þetta kom svo snöggt nú að það var
alveg með eindæmum,“ sagði Gísli.
Björgunarsveitarmenn komu á
tveimur upphækkuðum jeppum í
fyrrakvöld að sækja hann. Gísli
sagði að illa hefði gengið að komast
suður bakkann, því svo mikið af jök-
um var komið á veginn. Hann sagði
að jakaburðurinn hefði skemmt bíl-
ana. „Það lá við að það væri lífsháski
að komast þarna suður eftir,“ sagði
Gísli.
Hann er með á þriðja tug hrossa
og kvaðst hann hafa verið í öngum
sínum yfir þeim þar til birti í gær-
morgun. „Þau eru þarna á hrói, sem
stendur svolítið uppúr á parti,“ sagði
Gísli. „Þau voru á besta stað og
stóðu ekki í vatni.“
Lá við að
það væri
lífsháski
♦♦♦
HEIMAHROSSIN í Auðsholti forð-
uðu sér á þurrt undan flóðinu, meðan
hestar sem voru þar í hagagöngu
stóðu í vatninu, að sögn Steinars
Halldórssonar, bónda í Auðsholti 4.
Svo er að sjá að heimahrossin kunni
að forða sér undan flóðum.
„Þetta er alveg staðreynd,“ sagði
Steinar. „Ef það gerir svona mikla
rigningu færa heimahestarnir sig
þangað sem hærra er. Nú voru
heimahestar á lokuðu stykki við hlið-
ina á hól í landinu sem getur ekki
flætt upp á. Um morguninn voru þeir
komnir upp á hólinn. Þeir bara syntu
yfir skurðinn og komu sér af lokaða
stykkinu þegar vatnið jókst.“
Í Auðsholti voru um hundrað hest-
ar í hagabeit. „Þeir hreyfðu sig ekki
neitt, ekki fyrr en komið var á báti og
þeir voru reknir,“ sagði Steinar.
Hann á sjálfur tólf hross og var bú-
inn að færa þau upp á hól um síðustu
helgi. Hann sagði að það hefðu verið
fyrirbyggjandi ráðstafanir því hann
taldi útlit fyrir að gæti flætt.
Steinar sagði síðdegis í gær að
vatnið væri að sjatna í Auðsholti.
Ekki sást þá hvort vegurinn hefði
skemmst en þó var orðið ljóst að
girðingar voru farnar.
Heimahrossin
forðuðu sér