Morgunblaðið - 26.06.2007, Blaðsíða 27

MORGUNBLAÐIÐ ÞRIÐJUDAGUR 26. JÚNÍ 2007 27
 Fleiri minningargreinar um Susie
Rut Einarsdóttur bíða birtingar og
munu birtast í blaðinu á næstu dög-
um.
álitið að Susie hafi verið ætluð til mik-
ilsverðra verka. Ég veit núna að þetta
var rétt hugsun. Hún mótaði forvarn-
arstarf á margvíslegan hátt, talaði af
sannfæringarkrafti um mikilvæg mál,
hjálpaði mörgum með sama sjúkdóm
og hún og var traustasta bakland
sumra. Hún hreyfði við öllum sem
hún kynntist og kom með hlýju inn í
líf fólks. Vera hennar og barátta hér á
jörðinni var eitt stórt afrek og ég er
stolt af að hafa fengið að taka þátt í
hluta af lífi hennar. Góðu tilfinning-
arnar í garð hennar verða aldrei frá
mér teknar og eftir standa hlýjar
minningar um sjarmerandi fjörkálf,
með mikla lífsreynslu, ótrúlega út-
geislun, gríðarlega samkennd, getu til
að vera „life of the party“ og láta fólki
líða vel í kringum sig. Ef það er til
himnaríki þá situr Susie þar núna á
fallegu heimili með einhvern til að
taka til fyrir sig, mann sem elskar
hana, fallega tónlist sem hljómar all-
an daginn og nóg af súkkulaði. Þessi
minningargrein endar í anda okkar
Susie á 1. erindi úr ljóði Tómasar
Guðmundssonar, Í harmanna helgi-
lundum.
Í harmanna helgilundum
hugur minn unir sér.
Þar líða í laufinu bleika
ljóðin, sem kvað ég þér.
Kæru Einar, Regína, Diljá Mist,
Páll Fannar og Sindri Snær, ég votta
ykkur mína dýpstu samúð.
Ösp Árnadóttir.
Ég kveð þig hugann heillar minning blíð,
hjartans þakkir fyrir liðna tíð,
lifðu sæl á ljóssins friðar strönd,
leiði sjálfur drottinn þig við hönd.
(Guðrún Jóhannsdóttir)
Ég var svo lánsöm að kynnast Su-
sie Rut þegar hún var pínulítil í Su-
zuki-tónlistarskólanum í Reykjavík.
Minn var heiðurinn að kenna henni á
fiðlu. Susie Rut var yndisleg og glað-
lynd stúlka sem geislaði alltaf af gleði
þegar við hittumst. Samband okkar
Susie Rutar þróaðist og styrktist með
árunum. Við bárum virðingu hvor fyr-
ir annarri og við urðum góðir vinir.
Susie Rut var svo fróð og málglöð að
ég hafði mjög gaman af að ræða við
hana um allt milli himins og jarðar.
Mér þótti mjög vænt um hana.
Elsku Regína, Einar, Diljá Mist,
Páll Fannar og Sindri Snær, megi
Guð gefa ykkur styrk í þessari sorg.
Mary Campbell.
Góð vinkona mín er látin, langt um
aldur fram og við vinir hennar erum
harmi slegin.
Ég kynnist Susie Rut Einarsdóttur
og systur hennar Diljá Mist í gegnum
ungliðastarf Sjálfstæðisflokksins.
Starf sem byggist á óeigingjörnu
sjálfboða- og hugsjónastarfi. Starf
sem er þroskandi og gefandi fyrir
alla, ekki síst vegna kynna og sam-
starfs við hæfileikafólk eins og Susie.
Hún var skemmtileg, lífsglöð, kát
og kraftmikil, hugmyndarík með
mjög ákveðnar skoðanir á mönnum
og málefnum. Hún lét sig því þjóð-
félagsmál miklu varða. Grunnafstaða
hennar var jákvæð og bjartsýn og því
leið mér alltaf vel í návist hennar, þó
ég sæti stöðugt undir yfirheyrslum og
aðfinnslum um það sem henni fannst
betur mega fara í borginni, eins og ég
réði þar öllu.
Við tókumst oft á, hún var heldur
hægri sinnaðri en ég. En það var
ávallt í vinsemd.
Annað sem einkenndi okkar sam-
skipti var að hún vildi sífellt leggja
mér lífsreglur. Þegar ég nú kveð vin-
konu mína Susie heiti ég henni að
læra af hennar sviplega brotthvarfi.
Hafa hugfasta þá gjöf sem lífið er,
vera þakklátur fyrir hvern dag sem
mér og þeim sem mér þykir vænt um
gefst. Fara vel með þá daga og leggja
mitt af mörkum til þess að aðrir geri
það einnig. Ég sendi öllum hennar
vinum og aðstandendum mínar inni-
legustu samúðarkveðjur. Vinátta
hennar var mér ómetanleg. Ég mun
sakna hennar.
Bolli Thoroddsen.
✝
Móðir okkar, tengdamóðir, amma og langamma,
HÓLMFRÍÐUR INDRIÐADÓTTIR
frá Skjaldfönn,
lést á hjúkrunarheimilinu Eir, laugardaginn 23. júní.
Hún verður jarðsungin frá Grafarvogskirkju
fimmtudaginn 28. júní kl. 13:00.
Jarðsett verður í Ísafjarðarkirkjugarði föstudaginn
29. júní kl 17:00.
Indriði Aðalsteinsson, Kristbjörg Lóa Árnadóttir,
Kristín Aðalsteinsdóttir, Ólafur M. Håkansson,
Jóhann Aðalsteinsson, Helga Þorvaldsdóttir,
barnabörn og barnabarnabörn.
✝
Elskuleg móðir okkar, tengdamóðir, amma og lang-
amma,
GUÐLAUG ÁGÚSTA VALDIMARS,
Sóltúni 2,
Reykjavík,
andaðist miðvikudaginn 20. júní.
Útförin verður auglýst síðar.
Valdimar Einarsson, Þórdís Richter,
Hildur Einarsdóttir, Örn Kjærnested,
Einar Páll Einarsson,
barnabörn og barnabarnabörn.
✝
Hjartkær bróðir okkar, mágur og frændi,
SVEINN ÁGÚST HARALDSSON,
Álfhólsvegi 121,
Kópavogi,
lést fimmtudaginn 21. júní.
Jarðarförin verður auglýst síðar.
Ingibjörg Haraldsdóttir,
Hulda Haraldsdóttir, Þorgeir Ólafsson,
Hrönn Haraldsdóttir, Trausti Jónsson,
systkinabörn og fjölskyldur.
✝
Okkar ástkæri,
SIGURVIN KRISTJÁNSSON
bóndi,
Fáskrúðarbakka,
Eyja- og Miklaholtshreppi,
andaðist á sjúkrahúsinu á Akranesi, föstudaginn
22. júní.
Steinunn Hrólfsdóttir,
Gunnar Kristjánsson,
Veronika G. Sigurvinsdóttir, Björn H. Kristjánsson,
Sigursteinn Sigurvinsson,
Kristján Sigurvinsson,
Hrólfur Már Helgason, Ársól Ólafíudóttir,
Sandra Dögg, Rakel Ösp og Arnar Freyr.
✝
Elskulegur eiginmaður minn,
BJARNI VILMUNDUR JÓNSSON
vélvirkjameistari,
Jörfabakka 6,
Reykjavík,
lést á heimili sínu að morgni sunnudagsins 24. júní.
Jarðarförin verður auglýst síðar.
Margrét Þorsteinsdóttir
og aðstandendur.
✝
Elskuleg móðir okkar, amma og systir,
GUÐRÚN GEORGSDÓTTIR,
lést á landspítalanum í Fossvogi miðvikudaginn
20. júní.
Útförin fer fram frá Þorlákskirkju föstudaginn
29. júní kl. 14.00.
Magnús Georg Hrafnsson,
Baldvin Agnar Hrafnsson,
Kolbrún Ósk Hrafnsdóttir,
Tanja Mjöll Magnúsdóttir,
Emelía Karen Baldvinsdóttir
og systkini hinnar látnu.
✝ Hulda KristjanaLeifsdóttir
fæddist á Seyðis-
firði 30. janúar
1960. Hún lést á
líknardeild Land-
spítala – háskóla-
sjúkrahúss í Kópa-
vogi að kvöldi 17.
júní. Foreldrar
hennar eru Stein-
unn Jónína Ólafs-
dóttir húsmóðir,
fædd á Seyðisfirði
16.5. 1935, og Leif-
ur Haraldsson raf-
virkjameistari, fæddur á Seyðis-
firði 6.12. 1934, dáinn í Reykjavík
11.9. 1995. Systkini Huldu eru 1)
Haraldur Einar rafmagnsiðn-
fræðingur, fæddur á Seyðisfirði
27.9. 1962, kona hans er Katrín
Helgadóttir markaðsfræðingur,
fædd í Reykjavík 5.7. 1967, börn
þeirra eru Kristjana Lind, Lilja
Guðbjörg og Leifur Logi. 2) Ólaf-
ur Þór viðsk.lögfræðingur, fædd-
ur á Seyðisfirði 13.6. 1966. 3) Sig-
urbjörg Þóra viðskiptafræðingur,
fædd á Seyðisfirði 16.12. 1969.
Maður hennar er Bjarki Viðars-
son kerfisfræðingur, börn þeirra
eru Bragi Karl og óskírður sonur.
Hulda giftist 23. febrúar 2007
Stefáni Jóni Sigurðssyni bók-
bindara, fæddum í
Reykjavík 31.3.
1952. Börn þeirra
eru Steinunn Bóel
og Leifur Geir. Dæt-
ur Stefáns af fyrra
hjónabandi eru
Rúna Kristín og
Una Sóley.
Hulda ólst upp á
Seyðisfirði og gekk
í barna- og ungl-
ingaskóla Seyðis-
fjarðar. Hulda starf-
aði með skóla allt
frá 13 ára aldri,
fyrst í frystihúsi Fiskvinnslunnar
hf. á Seyðisfirði og síðar hjá
Herðubreið á Seyðisfirði. Fór til
náms í einkaritaraskólann í
Reykjavík og starfaði eftir það
hjá Landsbanka Íslands, bæði í
Reykjavík og á Seyðisfirði, allt
þar til hún hóf störf á endurskoð-
unarskrifstofu Tryggva E. Geirs-
sonar þar sem hún starfaði um 12
ára skeið. Þá hóf hún störf hjá
heildverslun TH Stefánssonar
ehf. og starfaði þar um fjögurra
ára skeið, eða þar til hún réðs til
Bernhard ehf. og starfaði þar allt
þar til hún veiktist í upphafi árs
2006.
Útför Huldu fer fram frá Selja-
kirkju í Reykjavík í dag kl. 13.00.
En hvað það er nú ósanngjarnt að
þú sért farin, Hulda mín. En krabba-
meinið er ekkert að spá í það hvað er
sanngjarnt. Þú varst elst af okkur
frændsystkinunum og ég yngst og
pabbi þinn hafði dálæti á mér og minn
pabbi dáði þig. Mikið held ég að faðir
þinn hafi nú tekið vel á móti þér í
himnaríki. Hann fór eins og þú frá
okkur of snemma. Eina skýringin á
þessu brotthvarfi þínu er sú að það
hafi verið skortur á húmoristum hjá
guði.
Það sem þú gast komist skemmti-
lega að orði og alltaf var tekið vel á
móti manni á þínu heimili. Þú og þínir
sýndu ávallt áhuga á því sem var að
gerast í lífi litlu frænku. Ég stend í
þakkarskuld við ykkur vegna hjálp-
arinnar þegar við Siggi vorum í Asp-
arfellinu. Þá var bara hægt að fá bú-
slóð að láni og gardínur líka með.
Enginn smágreiði það.
Síðast þegar við hittumst vorum
við Siggi á leið til Köben og það var nú
þín uppáhaldsborg. Ferðaleiðbein-
ingarnar frá þér voru þær að það væri
„snilld að sjá kerlingar eins og
mömmu komnar á pöbbinn klukkan
tíu á morgnana með rúllurnar í
hárinu.“ Með þessar upplýsingar í
farteskinu fórum við og höfðum aug-
un opin í ferðinni, og manni varð
hugsað til þín þegar gengið var
framhjá krá. En kerlingar sáust eng-
ar með rúllur í hárinu. Ég get líka
ekki gleymt því hvað þú varst hissa á
að bróðir þinn keypti kött. Þú sagðir
að frekar keyptirðu þér peysur og skó
fyrir aurinn. Vandláti bróðir þinn
fékk líka orð í eyra frá þér og var það
spaugilegt í meira lagi.
Sem betur fer eiga börnin þín góða
að sem eiga eftir að aðstoða þau í
framtíðinni. Eins og þeir bræður
Leifur og Addi báru umhyggju fyrir
börnum hvor annars þá eruð þið
systkinin eins með það, gerið allt sem
hægt er fyrir frændfólkið. Braga
Karli fannst nú gott að fara í „hunda-
bað“ hjá frænku sinni.
Elsku Stefán, Rúna, Una, Steinunn
Bóel, Leifur Geir og amma Steinunn.
Megi guð gefa ykkur bjarta daga og
þið eruð alltaf velkomin á mitt heimili.
Ykkar frænka,
Harpa Gunnur.
Það var dapurt að vakna að morgni
18. júní og fá fréttir um það að hetjan
okkar Hulda Leifsdóttir hefði kvatt
okkur á þjóðhátíðardaginn 17. júní.
Ég sit hér og læt hugann reika. Það
eru margar góðar minningar sem láta
á sér kræla. Ég kynntist Huldu þegar
ég flutti til Seyðisfjarðar árið 1973.
Hún var strax sem unglingur mjög
ábyrgðarfull og þegar ég þurfti að
skreppa til Reykjavíkur í nokkra
daga þá víluðu þær frænkur Hulda og
Odda ekki fyrir sér að taka að sér tvo
fyrirferðarmikla stráka og tveggja
ára stelpu. Þegar ég kom til baka aft-
ur var húsið tandurhreint, allur þvott-
ur frágenginn og búið að fylla frysti-
kistuna af bakkelsi. Þetta var Hulda.
Hún var líka til staðar þegar ég flutti
með fjögur börn í Ferjubakkann, þar
sem hún bjó líka, þá bretti hún upp
ermarnar og kom öllu í stand. Það var
oft glatt á hjalla á kvöldin þegar Seyð-
isfjarðar-stelpurnar mínar með
Huldu í fararbroddi sátu í kaffi. Við
eldhúsborðið fóru fram mjög upp-
byggilegar umræður. Hulda var ekki
allra en hún var trú þeim sem hún
tók, allt til dauðans. Hún var heið-
arleg, góð dóttir, eiginkona, móðir,
myndarleg húsmóðir og mjög vel gef-
in. En nú þurftir þú, Hulda mín, að
játa þig sigraða eftir heiftarlega bar-
áttu við sjúkdóminn. Elsku Stefán og
börn, Steinunn mín, Silla, Halli, Óli og
fjölskyldan öll, ég þakka fyrir að hafa
átt smáhlutdeild í lífi Huldu. Ég,
Steindór og börnin mín vottum ykkur
öllum innilega samúð vegna ótíma-
bærs fráfalls hennar.
Hér hvílir væn og göfug grein
af gömlum, sterkum hlyni:
hún lokaði augum hugarhrein
með hvarm mót sólarskini.
Hún dæmdi ei hart, hún vildi vel,
í vinskap ætt og kynning.
Hún bar það hlýja, holla þel,
Sem hverfur ekki úr minning.
(E. Ben.)
Guðrún Sólveig (Dollý )
og fjölskylda.
Hulda mín, þá er þetta búið. Þú
varst þvílík hetja og kvaddir þetta líf
með reisn. Aldrei sá ég merki um
uppgjöf hjá þér. Þú tókst veikindun-
um af æðruleysi, hafðir alltaf einhver
markmið í framtíðinni og lifðir lífinu
til síðasta dags. Við ræddum þetta
einu sinni, ég var að hrósa þér og fjöl-
skyldunni fyrir hvað þið væruð dug-
leg, samheldin og tækjuð skynsam-
lega á málunum. Þá sagðir þú ,,að það
væri ekkert annað að gera“. Það er
svo sem ekkert annað í boði í þessari
stöðu. Mikið á ég eftir að sakna þín
eftir áratuga vináttu. Lífið er ein-
kennilegt, en núna standa minning-
arnar eftir. Ég þakka þér fyrir allt og
allt.
Guð geymi þig.
Þín vinkona,
Sigrún Harpa.
Hulda Kristjana
Leifsdóttir
 Fleiri minningargreinar um Huldu
Kristjönu Leifsdóttur bíða birtingar
og munu birtast í blaðinu á næstu
dögum.