Morgunblaðið - 09.07.2007, Blaðsíða 4
4 MÁNUDAGUR 9. JÚLÍ 2007 MORGUNBLAÐIÐ
FRÉTTIR
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Barcelona
í júlí
frá kr. 39.990
Vikuferð ótrúlegt verð!
Heimsferðir bjóða frábært tilboð á vikuferðum til Barcelona í júlí.
Barcelona er einstök perla sem Íslendingar hafa tekið ástfóstri við. Frá-
bært mannlíf og óendanleg fjölbreytni í menningu og afþreyingu að
ógleymdu úrvali fjölbreyttra verslana í borginni. Gríptu þetta frábæra tæki-
færi - takmörkuð gisting og sætafjöldi í boði!
Verð kr. 39.990
Netverð á mann, m.v. gistingu í tvíbýli
á Travelodge Hospitalet í 7 nætur með
morgunverði, 13. , 20. og 27. júlí.
Verð kr. 49.990
Netverð á mann, m.v. gistingu í tvíbýli
á Hotel NH Numancia ***+ í 7 nætur
með morgunverði, 13. , 20. og 27. júlí.
KARLMAÐUR á þrítugsaldri var fluttur á slysadeild
Landspítala – háskólasjúkrahúss með þyrlu Landhelg-
isgæslu Íslands eftir bílveltu á Sólheimavegi í Gríms-
nesi á laugardagskvöld. Maðurinn hlaut töluverða
áverka, s.s. höfuðhögg og beinbrot, en er ekki í lífs-
hættu.
Samkvæmt upplýsingum frá lögreglunni á Selfossi
var tilkynnt um slysið laust fyrir klukkan tíu. Maðurinn
sem er af erlendu bergi brotinn var einn í lítilli fólks-
bifreið þegar slysið átti sér stað. Hann virðist hafa
misst stjórn á bifreiðinni með þeim afleiðingum að hún
fór út fyrir veginn og fór margar veltur.
Maðurinn var í bílbelti og talið er það hafi orðið til
þess að ekki fór verr.
Ljósmynd/Guðmundur Karl
Fluttur með þyrlu eftir bílveltu
Eftir Baldur Arnarson í Moskvu
ÞAÐ VAR glatt á hjalla þegar Vil-
hjálmur Þ. Vilhjálmsson borgar-
stjóri afhenti starfsbróður sínum
Júrí Luzhkov tvo íslenska gæðinga
í reiðhöllinni á Bitsa-hestagarðinum
í suðvesturhluta Moskvu í gær. Vil-
hjálmur gerði langa sögu samskipta
Íslands og Rússlands að umtalsefni
í ávarpi sínu, gjöfin væri táknræn
fyrir aukna samvinnu ríkja sem
ættu margt sameiginlegt í menn-
ingararfi sínum. Hestarnir væru
ágætt dæmi enda hefði sú kenning
verið sett fram að íslenski hest-
urinn væri upprunninn í Rússlandi.
Borgarstjóri Moskvu þakkaði höfð-
inglega gjöf, sem Norvik og Glitnir
kostuðu, en Icelandair sá um flutn-
inga á, með þeim orðum að hann
óskaði gefendunum „þykkra seðla-
veskja“ í framtíðinni. Luzhkov lýsti
jafnframt yfir dálæti sínu á íslenska
hestinum, en hestamennska er
áhugamál sem hann deilir með eig-
inkonu sinni. Búist er við að eig-
inkona Vladimírs Pútíns Rússlands-
forseta muni einnig nýta sér
gæðingana.
Rússneskir fjölmiðlar sýndu at-
höfninni mikinn áhuga en Luzhkov
er talinn afar valdamikill hér í borg.
Fjölmargir lífverðir gættu öryggis
borgarstjórans sem var svarinn í
embætti á föstudag en hann var
fyrst kjörinn borgarstjóri árið 1992.
Var borgarstjórunum ekið í rútu til
hádegisverðar og fylgdu þeim eftir
minnst tíu svartir eðalvagnar ör-
yggisvarða og starfsfólks, auk lög-
reglubifreiðar.
Kolstakkur og Freyr
Hestarnir sem borgarstjóri
Moskvu fékk að gjöf heita Kol-
stakkur frá Þóreyjarnúpi og Freyr
frá Voðmúlastöðum, báðir gelding-
ar. Knaparnir Hörður Gunnarsson
og Páll Bragi Hólmarsson riðu
gæðingunum umhverfis reiðhöllina
áður en afhendingin fór fram.
Gæðingar til Moskvu
Borgarstjóri Reykjavíkur afhenti starfsbróður sínum tvo gæðinga við hátíð-
lega athöfn Luzhkov óskaði þeim sem gáfu hestana „þykkra seðlaveskja“
Gæðingar Borgarstjóri afhenti starfsbróður sínum gæðingana tvo.
TÍU MANNA áhöfn norska gáma-
skipsins Eline var bjargað um borð í
þyrlu í gærmorgun eftir að leki kom
að vélarrúmi. Skipið var statt í
Kattegat, á leið frá Árósum í Dan-
mörku til Íslands á vegum Eimskips.
Í tilkynningu sem barst frá Eim-
skip kom fram að áhöfnin hefði ekki
verið í bráðri hættu en af öryggis-
ástæðum, þar sem ekki var ljóst
hversu alvarlegur lekinn var kölluðu
skipverjar eftir aðstoð. Enginn Ís-
lendingur er í áhöfn skipsins sem er í
eigu norskra aðila.
Skipið var dregið til hafnar í
Grenå í Danmörku og kom þangað
um miðjan dag. Í gærkvöldi var enn
verið að meta hversu mikill lekinn
er, hvort skipið verði fljótlega haf-
fært á ný eða hvort nýtt skip verði
fengið til að flytja farminn áfram til
Íslands. Engar skemmdir urðu á
farminum og unnið er að því að valda
sem minnstri röskun á flutningun-
um, samkvæmt því er segir í tilkynn-
ingu Eimskips.
Skipið var tekið á leigu til að anna
umframeftirspurn í flutningum frá
Rotterdam og Árósum til Íslands.
Tíu bjargað
af leiguskipi
Eimskips
Skipið dregið til
hafnar í Grenå
BENEDIKT Lafleur var um miðjan
dag í gær á mjög erfiðum kafla á
Ermarsundi en hann lagði snemma í
gærmorgun upp
frá Englandi og
hugðist synda yfir
til Frakklands.
Sundið er um 20
mílur eða röskir
32 kílómetrar að
breidd.
Samkvæmt
upplýsingum
Hermínu Ólafsdóttur, aðstoðarkonu
hans, tókst Benedikt ekki að nærast
sem skyldi á sundinu og voru skipu-
leggjendur sundsins ekki bjartsýnir
á að honum tækist að ljúka því.
Benedikt hóf sundið klukkan 4.50
að staðartíma um morguninn. Hann
hafði synt um 14 mílur og átti um
sex mílur eftir þegar síðast fréttist.
Hermína sagði vatnið á svæðinu sex
til sjö gráða heitt og að erfiðir
straumar væru undan strönd
Frakklands. Ekki náðist í talsmann
Benedikts í gærkvöldi.
Benedikt átti
í erfiðleikum
á Ermarsundi
UM 80% hluthafa í Actavis hafa
gengið að tilboði Novators í öll
hlutabréf í félaginu, samkvæmt
upplýsingum frá Novator. Um
tvær vikur eru frá því Novator
gerði tilboð í Actavis sem stjórn
Actavis mælti með. Tilboðið er í
evrum og miðað við það er mark-
aðsverðmæti Actavis 3,62 millj-
arðar evra, sem jafngildir nærri
322 milljörðum íslenskra króna.
Telur Novator viðtökurnar við til-
boðinu hafa verið góðar, ekki síst
þar sem útboðsfrestur rennur út
síðdegis í dag. Gerir fyrirtækið
ráð fyrir að viðskiptin í dag verði
lífleg.
Novator með
um 80% hlut
í Actavis
VEFRIT Dagbladets í Noregi
skýrði frá því á laugardag að Ice
Crystal, skip á vegum Eimskip-
CTG í Noregi, myndi í vikunni
landa frosnum fiski í Tyrklandi og
væri um að ræða vöru frá Vestur-
Sahara sem er hernumið af Mar-
okkó.
Stuðningsnefnd V-Saharamanna
í Noregi fordæmdi skipafélagið fyr-
ir að hagnast með „siðlausum
hætti“ á viðskiptum sem kæmu her-
námsveldinu að gagni. Marokkó-
stjórn hefur gegnum árin flutt
fjölda þegna sinna til V-Sahara til
að reyna að festa í sessi yfirráð sín.
Þingmaður norska Verkamanna-
flokksins, Eva Kristin Hansen,
gagnrýndi Eimskip-CGT fyrir þetta
framferði en íslenska móðurfélagið
á meirihluta í Eimskip-CGT.
Norðmenn
gagnrýna
Eimskip
Flytja vörur frá her-
námssvæði Marokkó
LOKA þurfti fyrir rennsli um heita-
vatnsæð í Eyrarlandi í Fossvogi í
gærmorgun vegna mikils leka. Af
þeim sökum var heitavatnslaust í
nærliggjandi hverfum fram á kvöld
og fullkominn þrýstingur ekki kom-
inn á fyrr en um kl. 22 í gærkvöldi.
Samkvæmt upplýsingum frá
Orkuveitunni var um að ræða
fimmtán sentímetra langa rifu sem
hafði komið til vegna tæringar.
Mikill tími viðgerðarmanna fór í að
finna skemmdina, sem gekk erf-
iðlega, og viðgerð hófst ekki fyrr
en upp úr klukkan fimm síðdegis.
Rifa á lögn
vegna tæringar
1.489 BÖRN fæddust á kvennadeild
Landspítala – háskólasjúkrahúss á
fyrstu sex mánuðum ársins, sam-
kvæmt upplýsingum Guðrúnar Egg-
ertsdóttur, yfirljósmóður á deildinni.
Þetta eru aðeins færri börn en fædd-
ust á sama tímabili í fyrra en þá
fæddust 1.508 börn á deildinni, sam-
kvæmt tölum kvennadeildar.
Guðrún segir að tölur hafi verið
gefnar út í vor um að mikil fjölgun
fæðinga yrði í sumar. Þær upplýs-
ingar hafi hins vegar byggst á mis-
tökum í útreikningi hjá sónardeild,
sem urðu vegna nýs bókunarkerfis.
Munað hafi um 100 fæðingum á mán-
uði „og það er nú eitthvað sem við
hefðum ekki ráðið við“, segir Guð-
rún.
Hún segir að í september sé gert
ráð fyrir að 276 börn fæðist á spít-
alanum en í fyrra voru fæðingar í
þessum mánuði 271. „Í október eiga
fæðingar að vera 263 en voru 254 í
fyrra,“ segir Guðrún.
1.489 börn fædd-
ust á LSH
fyrri hluta árs
Morgunblaðið/Ásdís