Morgunblaðið - 07.08.2008, Blaðsíða 8
8 FIMMTUDAGUR 7. ÁGÚST 2008 MORGUNBLAÐIÐ
FRÉTTIR
Eftir Helga Bjarnason
helgi@mbl.is
Garður | Leikmenn gamla stórveld-
isins Víðis í Garði taka sjálfir upp
veskið til að geta tekið þátt í Evrópu-
keppni. Annarrar deildar liðið fer til
Frakklands um helgina til að leika í
forkeppni Evrópukeppninnar í inn-
anhússknattspyrnu – Futsal – fyrir
hönd Íslendinga og er fyrsta liðið
sem það gerir. Stjórn félagsins og
leikmenn líta á þetta sem ævintýri en
þjálfarinn er staðráðinn í því að
vinna og komast að minnsta kosti í
aðra umferð. Stemning er í kringum
liðið vegna góð árangurs þess.
Víðismenn stóðu sig vel í innan-
hússknattpyrnunni sl. vetur. Þeir
komust í undanúrslit en töpuðu þar
fyrir ÍBV. Hins vegar tefldu Eyja-
menn fram ólöglegum leikmanni og
Víðir komst í úrslitaleikinn sem
þurfti að endurtaka. Þar tapaði liðið
fyrir Val og hafnaði í öðru sæti.
Leiðin var grýtt
Valur er nú í miklum önnum og af-
salaði sér réttindum til að taka þátt í
Evrópukeppninni í innanhússknatt-
spyrnu. Þá var röðin komin að Víðis-
mönnum. „Leiðin sem við fórum var
grýtt en þótt ekki hafi mikið verið
um það rætt þá var það alltaf fjar-
lægur draumur hjá okkur að taka
þátt í Evrópukeppninni,“ segir Einar
Jón Pálsson, formaður Víðis.
Þegar sú staða kom upp að félagið
gæti tekið þátt í Evrópukeppninni
þurfti að huga að ýmsum málum.
Ákveðið var að skrá liðið til leiks að
ósk leikmanna og aðstandenda liðs-
ins enda voru þeir tilbúnir til að taka
sér frí úr vinnu og greiða hluta ferða-
kostnaðar úr eigin vasa.
„Markmiðið er að leyfa leikmönn-
unum að upplifa það hvernig það er
að leika í Evrópukeppni. Ég veit að
út úr þessu verkefni fáum við ánægð-
ari leikmenn sem hafa um eitthvað
sérstakt að tala við börnin og barna-
börnin þegar þeir verða eldri. Með
þessu erum við líka að koma félaginu
og Garðinum á spjöld sögunnar,“
segir Einar Jón.
Leikið til sigurs
Leikmannahópur Víðis er sam-
hentur, að sögn Georgs Sigurðssonar
leikmanns, og vildi komast í þetta
ævintýri í Evrópu. „Það er alltaf
gaman að komast út með strákunum.
Svo er þetta í fyrsta skipti sem ís-
lenskt lið tekur þátt í þessu móti og
við verðum að reyna að standa okkur
fyrir klúbbinn og landið,“ segir
Georg.
Steinar Ingimundarson er að gera
góða hluti með Víðisliðið. Það vann
sér rétt til keppni í annarri deild í
fyrra og er þar í þriðja sæti, í góðum
málum, og hefur möguleika á að
vinna sig strax upp í fyrstu deild.
Hann lítur ekki á ferðina til Frakk-
lands sem skemmtiferð. „Við förum í
þetta til að ná árangri. Við teljum
okkur alveg eiga möguleika á því,“
segir Steinar. Hann hefur raunar
litlar upplýsingar um liðin frá Frakk-
landi, Kýpur og Armeníu sem Víðir
mun leika við á sunnudag, mánudag
og miðvikudag. „Við erum í fínu
líkamlegu standi og erum á miðju
keppnistímabili. Strákarnir fá þarna
tækifæri til að taka þátt í ævintýri og
leggja sig sérstaklega mikið fram.“
Hann vekur athygli á því að leik-
mennirnir hafi notað verslunar-
mannahelgina til að æfa innanhúss-
knattspyrnu og það sýni að menn séu
að fara í þetta af fullri alvöru. Þeir
munu einnig nota tímann til að æfa
sig á grasi í ferðinni, til að koma und-
irbúnir í seinasta hluta Íslandsmóts-
ins hér heima. „Allt fer þetta í
reynslubankann og menn koma
sterkari til baka,“ segir þjálfarinn.
Markmið hans er að sigra í for-
keppninni enda fer sigurliðið eitt
áfram á næsta stig, sem er riðla-
keppni í Rúmeníu í september.
Evrópukeppninni lýkur síðan með
úrslitakeppni á vormánuðum.
Taka þátt í ævintýri
Morgunblaðið/Helgi Bjarnason
Skemmtilegt Tuttugu til tuttugu og fimm manna hópur leikmanna og aðstoðarliðs hjá Víði fer til Frakklands um
helgina til að taka þátt í forkeppni Evrópumótsins. Margir eru um hverja stöðu því fimm eru inná í einu.
Stemning í Garðinum vegna góðs gengis Víðis í annarri deildinni Liðið tekur þátt í Evrópukeppni
Futsal fyrir hönd landsins fyrst íslenskra liða Þjálfarinn ætlar sér sigur í forkeppninni
Í HNOTSKURN
»Futsal er knattspyrna semleikin er innanhúss sam-
kvæmt samræmdum alþjóð-
legum reglum. Vinsældir Fut-
sal hafa aukist ár frá ári og nú
eru mót KSÍ leikin eftir þess-
um reglum.
»Knattspyrnufélagið Víðir íGarði var í efstu deild á ár-
unum 1985 til 1987 og aftur
1991 en hefur annars flakkað
á milli neðri deilda. Liðið lék
til úrslita í bikarkeppni KSÍ
1987 og varð í öðru sæti.
„ÞETTA verður óvenjuleg upplifun
fyrir strákana, getur ekki orðið
annað en skemmtilegt. Ég er enn
að heyra sögur frá pabba og fé-
lögum hans frá gullaldarárum Víð-
is,“ segir Eva Rut Vilhjálmsdóttir,
starfsmaður leikskóla. Hún er talin
einn harðasti stuðningsmaður Víð-
is ásamt Jóni Ögmundssyni að-
stoðarskólastjóra. Hún ræðir um
Evrópuævintýri Víðismanna.
Eva er dóttir Vilhjálms Einarssonar
sem lék með Víði á árum áður. Hún
á raunar tvo bræður í liðinu nú,
Björn Bergmann og Einar Karl, auk
frænda. Fyrirliði liðsins, Knútur, er
sonur Jóns.
Margir strákar úr Garðinum eru í
Víðisliðinu þótt þar séu einnig er-
lendir leikmenn og úr öðrum
byggðarlögum. Jón og Eva Rut
segja þetta mikilvægt. Þessir
strákar leiki með hjartanu og leik-
gleðin smitist til hinna. Þá komi
bæjarbúar frekar til að fylgjast
með leikmönnum sem þeir þekkja
og geta tengt sig við. Jón segir að
leikmennirnir kunni að meta það
þegar fólk sýni þeim áhuga. Vel
hefur gengið í tvö ár og fólk flykk-
ist á völlinn og stemningin í bæn-
um góð.
Eva fer oft á völlinn með því hug-
arfari að reyna nú að stilla sig einu
sinni. „Það endar alltaf með ein-
hverju góli,“ viðurkennir hún.
Pabbi er enn að segja sögur
MUN meira var keypt af áfengi í vik-
unni fyrir verslunarmannahelgi en í
sömu viku fyrir
ári. Samtals seld-
ust 783 þúsund
lítrar af áfengi í ár
en í sömu viku í
fyrra seldust 698
þúsund lítrar. Er
þetta aukning um
12,2%.
Fram kemur á vef ÁTVR, að 127
þúsund viðskiptavinir hafi komið í
vínbúðirnar í vikunni fyrir verslun-
armannahelgina, en í sömu viku í
fyrra komu 113 þúsund viðskiptavin-
ir, sem er fjölgun um rúm 12%.
Föstudaginn fyrir verslunar-
mannahelgi komu 44 þúsund við-
skiptavinir í vínbúðirnar en 38 þús-
und heimsóttu búðirnar sama dag
fyrir ári.
Í vínbúðina í Vestmannaeyjum
komu um 1.400 viðskiptavinir föstu-
dag og laugardag um verslunar-
mannahelgi í fyrra, en í ár heimsóttu
um 2.100 viðskiptavinir búðina.
Aukningin er því um 55% milli ára. Á
Akureyri komu um 3.600 viðskipta-
vinir sömu daga fyrir ári en 4.300 í ár
og er aukningin milli ára því um 20%.
Meiri
áfengis-
sala í ár
Jókst um 12,2% fyrir
verslunarmannahelgi