Morgunblaðið - 28.08.2008, Blaðsíða 28

28 FIMMTUDAGUR 28. ÁGÚST 2008 MORGUNBLAÐIÐ
dagbók
Í dag er fimmtudagur
28. ágúst, 241. dagur ársins 2008
Orð dagsins: Lækna mig Drottinn, að
ég megi heill verða; hjálpa mér, svo að
mér verði hjálpað, því að þú ert minn
lofstír. (Jer. 17, 14.)
Víkverji er áhugamaður um vel-ferð barna og fjölskyldna þeirra.
Hann verður þess vegna hugsi á
hverju hausti þegar fréttir taka að
berast af manneklu á frístundaheim-
ilum. Hvers vegna er aldrei reynt að
finna varanlegar lausnir á vandan-
um? Af hverju er það talið boðlegt að
börn og foreldrar búi í fullkominni
óvissu um hvað taki við að loknum
skóladegi? Víkverji á auðvelt með að
ímynda sér að helstu ástæður þess
hversu illa gengur að fá fólk til að
vinna á frístundaheimilum séu óboð-
leg vinnuaðstaða og lág laun. Í skóla
sonar Víkverja fer starfsemi frí-
stundaheimilisins fram í gömlu húsi
sem má muna sinn fífil fegurri. Vegna
ófullnægjandi aðstöðu í húsinu fer
hluti starfsins fram í gámi við húsið.
Launin sem fólki eru greidd fyrir að
vinna með börnunum eru heldur ekki
til að hrópa húrra fyrir og því líklegt
að hugsjónamennska sé nauðsynleg
hverjum þeim sem tekur að sér starf
á frístundaheimili. Víkverja finnst
skólabörnin eiga betra skilið.
x x x
Víkverji er líka hugsi yfir ófædd-um þegnum landsins og fjöl-
skyldum þeirra. Um þesssar mundir
eru samningar ljósmæðra við ríkið í
uppnámi. Í síðustu viku sagði stað-
gengill hjúkrunarforstjóra Landspít-
ala að nægur tími væri framundan til
þess að ná samningum við ljós-
mæður. Víkverji er ekki sammála
þessu. Fyrsta verkfall ljósmæðra
skellur á 4. september, takist ekki að
semja, svo ekki eru margir dagar til
stefnu. Þótt tryggð verði aðstoð við
fæðandi konur hlýtur ástand sem
þetta að valda fjölskyldum barnshaf-
andi kvenna áhyggjum. Slíkt er ef-
laust mjög óþægilegt að upplifa í því
viðkvæma ferli sem meðganga og
fæðing eru. Ennfremur er ljóst, að
komi til verkfalls mun önnur þjónusta
við barnshafandi konur, svo sem óm-
skoðanir, skerðast.
Víkverji vonar að stjórnvöld taki
við sér í báðum þessum málum og
tryggi með því velferð barna og
barnafjölskyldna í landinu.
víkverji@mbl.is
Víkverjiskrifar
Krossgáta
Lárétt | 1 svil úr fiski,
4 fást við, 7 viðureign,
8 hamagangur, 9 virði,
11 sigaði, 13 band,
14 tappi, 15 þarmur,
17 verkfæri, 20 tíndi,
22 lagði á flótta,
23 hindrun, 24 týna,
25 barefla.
Lóðrétt | 1 rotnunar-
skán, 2 ósvipað, 3 varn-
ingur, 4 stúlka, 5 borða,
6 flýtirinn, 10 ráfa,
12 greinir, 13 op,
15 eðalborin, 16 slíta,
18 vottar fyrir, 19 missa
marks, 20 mjúka,
21 rændi.
Lausn síðustu krossgátu
Lárétt: 1 silakepps, 8 falið, 9 lútan, 10 gái, 11 runna,
13 neita, 15 stegg, 18 skróp, 21 ryk, 22 launa, 23 refir,
24 lundarfar.
Lóðrétt: 2 iglan, 3 auðga, 4 eplin, 5 putti, 6 æfir, 7 unna,
12 nóg, 14 eik, 15 sæll, 16 efuðu, 17 grand, 18 skrár,
19 rifja, 20 pára.
1
7
11
15
22
24
12
14
3
9
20
10
4
8
21
23
25
13
17
5
18
6
19
2
16
Sudoku
Þrautin felst í því að fylla út í
reitina þannig að í hverjum 3x3-
reit birtist tölurnar 1-9. Það verð-
ur að gerast þannig að hver níu
reita lína bæði lárétt og lóðrétt
birti einnig tölurnar 1-9 og aldrei
má tvítaka neina tölu í röðinni.
Lausn síðustu Sudoki.
www.sudoku.com
© Puzzles by Pappocom
Skák
Helgi Áss Grétarsson | ritstjorn@mbl.is
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 a6 6. f3 e5 7. Rb3
Be6 8. Be3 Be7 9. Dd2 O–O 10. O–
O–O Rbd7 11. g4 b5 12. g5 b4 13.
Re2 Re8 14. f4 a5 15. f5 Bxb3 16.
cxb3 a4 17. bxa4 Hxa4 18. b3 Ha3
19. Rg3 Da5 20. Kb1 Rc7 21. Dc2
Ha8 22. Hd2 d5 23. Hg2 Rb5 24.
Bxb5 Dxb5 25. De2 Da5 26. Dc2 d4
27. Bc1 d3 28. Dxd3 Hxa2 29. Re2
Ha1+ 30. Kc2 Da2+ 31. Kd1
Staðan kom upp í stórmeistara-
flokki Olomouc-skákhátíðarinnar í
Tékklandi sem lauk fyrir skömmu.
Pólski alþjóðlegi meistarinn Mic-
hal Luch (2412) hafði svart gegn
Svíanum Alex Smith (2427). 31…
Hxc1+! 32. Kxc1 hvítur hefði einn-
ig tapað eftir 32. Rxc1 Dxg2. 32…
Rc5 33. Dc4 Rxb3+ 34. Kd1 Dd2
mát.
Svartur á leik.
Brids
Guðmundur Páll Arnarson | ritstjorn@mbl.is
Bresk fyndni.
Norður
♠5
♥DG1083
♦ÁKG10742
♣--
Vestur Austur
♠K10964 ♠D732
♥ÁK ♥--
♦D63 ♦985
♣G62 ♣Á107543
Suður
♠ÁG8
♥976542
♦--
♣KD98
Suður spilar 6♥.
Breski eðalspilarinn Boris Schapiro
(1909-2002) var lítt snokinn fyrir „ný-
móðins sagnvenjum“. Honum þótti því
bæði fyndið og mátulegt á vin sinn
Jonathan Cansino að hann skyldi ekki
geta doblað 6♥ með ÁK í trompi. Spil-
ið kom upp í breskri sveitakeppni 1968
og 6♥ voru melduð á báðum borðum.
Harrison-Gray doblaði á öðru borðinu
og mátti greina dauft bros á bak við
pípustertinn. Cansino varð hins vegar
að passa, því samkvæmt sagnvenjunni,
sem þá var „nýjasta nýtt“, hefði doblið
sýnt áhuga á fórn. Schapiro vakti í suð-
ur á 1♥, Cansino kom inn á 1♠ og
norður krafði með 2♠. Austur stökk í
4♠ og sú sögn gekk til norðurs, sem
skaut á slemmu. Pass yfir til Cansino,
en hann gat ekki doblað, því að hefði
neitað varnarslag og stungið upp á
fórn í 6♠.
(21. mars - 19. apríl) 
Hrútur Hvaðan sem hugmyndirnar koma
hlýtur hlið að hafa verið skilið eftir opið.
Heilt herlið hugmynda marserar í gegn-
um huga þinn núna.
(20. apríl - 20. maí) 
Naut Þér finnst alltaf skemmtilegra að
eiga fyrir því sem þú kaupir þér, en í dag
freistast þú til að breyta út af þeirri venju.
Og samt gengur dæmið upp.
(21. maí - 20. júní) 
Tvíburar Munurinn á sveitarómaga og
kóngi felst í málinu og siðunum sem hann
temur sér. Hlustaðu og taktu eftir fín-
pússuðum stíl „kónganna“, og lærðu.
(21. júní - 22. júlí) 
Krabbi Þú færð ekki bestu leiðbeiningar í
heimi. Þú þarft sjálfur að túlka þær.
Haltu fast í þá hluta sem þú skilur hvað
best. Þér verður vísað veginn.
(23. júlí - 22. ágúst) 
Ljón Á hverjum degi kynnistu sjálfum þér
pínulítið betur. Þú sérð þig á hlutlausan
hátt og færð skilið hvatir þínar. Haltu í
kímnigáfuna og hafðu gaman af sjálfum
þér.
(23. ágúst - 22. sept.) 
Meyja Þú gætir eytt peningum í til-
raunum þínum til að spara peninga. Það
er þess virði að borga fyrir bestu lausnina
á vandanum. Bogmaður veitir þér heppni.
(23. sept. - 22. okt.) 
Vog Falda hliðin á þér kemur út til að
skemmta sér. Hvað kallarðu þessa stuð-
hlið persónuleika þíns? Hafðu skoðanir á
málunum og fáðu þér gælunafn.
(23. okt. - 21. nóv.)
Sporðdreki Þú þarft ekki að reyna að vera
umhyggjusamur núna. Þú hefur sannan
áhuga á öðrum og hugar því að tilfinn-
ingum þeirra. Þér verður sýnt mikið
þakklæti.
(22. nóv. - 21. des.)

Bogmaður Móðir þín myndi hneykslast ef
hún vissi undan hvaða hvötum þú lætur í
dag! Sem betur fer eru hugmyndir þínar í
ódýrari kantinum miðað við undanfarið.
(22. des. - 19. janúar) 
Steingeit Fólk sem þú þekkir í vatns-
merkjunum (krabba, sporðdreka og fiska)
hefur sterkar hugmyndir um hvað þú átt
að gera næst. Hefur það skyggnigáfu?
(20. jan. - 18. febr.) 
Vatnsberi Þú hefur ferðast með ein-
hverjum undanfarið og þroskinn er sýni-
legur. Segðu fólki frá og þú munt skilja að
frásögn þín og framlag skiptir máli.
(19. feb. - 20. mars)

Fiskar Smekkur þinn fellur eins og flís við
rass hjá fólkinu í kringum þig. Auk þess
er þetta einn af þessum fágætu dögum
þegar fólk hlustar og tekur ráðum. Vertu
viðbúinn vinsældum.
Stjörnuspá
Holiday Mathis
28. ágúst 1967
Tólf manna áhöfn Stíganda
frá Ólafsfirði fannst heil á
húfi eftir að hafa verið í
björgunarbátum á fimmta
sólarhring. Stígandi sökk 24.
ágúst á síldarmiðunum, um
sjö hundruð sjómílur norður í
höfum. Í kjölfar þessa slyss
var tilkynningaskyldunni
komið á.
28. ágúst 1981
Hallgrímur Marinósson lauk
við að bakka allan hringveg-
inn í fjáröflunarskyni fyrir
Þroskahjálp. Ferðin tók tvær
vikur.
28. ágúst 1986
Bylgjan hóf útsendingar.
Þetta var fyrsta útvarps-
stöðin í einkaeign sem tók til
starfa eftir að einkaréttur
Ríkisútvarpsins var afnum-
inn.
Dagar Íslands | Jónas Ragnarsson
Þetta gerðist þá …
Anna Jóhanns-
dóttir varð átt-
ræð 31. júlí síð-
astliðinn. Af því
tilefni býður hún
ættingjum og
vinum til gleði-
fundar í Versöl-
um, Ráðhúsi Þor-
lákshafnar,
laugardaginn 30. ágúst frá kl. 18 til
23.
80 ára
Aðalheiður
Lárusdóttir frá
Sjávarborg, Nes-
kaupstað, verður
áttræð í dag, 28.
ágúst. Aðal-
heiður mun
fagna deginum
með fjölskyldu
og vinum í húsi
eldri borgara í Neskaupstað í dag,
frá kl. 15 til 18.
80 ára
TÓNLISTARMAÐURINN Magnús Þór Sigmunds-
son fagnar í dag sextugsafmæli sínu. Hann segist
ekki ætla að gera mikið úr deginum, heldur vera
heima og hella upp á kaffi. Þá kíki kannski ein-
hverjir ættingjar, sem ekki eru of vant við látnir, í
heimsókn. „Ég ætla ekki að gera neitt stórmál úr
þessu, engir konsertar eða neitt slíkt,“ segir
Magnús en viðurkennir að helst myndi hann vilja
vera við einhverja veiðiána.
Fluguveiði er einmitt eitt aðaltómstundagaman
Magnúsar en í sumar veiddi hann nokkrum sinnum
og gekk einna best í Veiðivötnum. Þar veiddi hann
níu punda urriða. Magnús segir þó fjölskylduna vera aðaláhugamálið,
hún skipi stærstan hluta lífs síns en í öðru sæti sé tónlistin.
Aðspurður segist hann hafa samið mikið af tónlist í sumar og verð-
ur hljómplata vonandi gefin út seinna á þessu ári. Hann segist þó ekki
vera að stíla á jólaplötuflóðið. Þá er Magnús að vinna að ákveðnu
verkefni, í samstarfi við Þráin Lárusson, skólastjóra Húsmæðraskól-
ans á Héraði, sem varðar einelti en um er að ræða verkefni sem stend-
ur Magnúsi nærri. Mikla athygli vakti á menningarnótt þegar Magnús
og Jóhann Helgason komu fram saman í fyrsta skipti í langan tíma.
„Við Jóhann höfum verið að rifja upp gamla takta. Eftir menningar-
tónleikana fundum við að þetta er enn mjög skemmtilegt og getur
verið ferskt ef menn nálgast það þannig.“ ylfa@mbl.is
Magnús Þór Sigmundsson tónlistarmaður 60 ára
Rifjar upp gamla takta
;) Nýbakaðir foreldrar?Sendið mynd af nýja ríkisborgaranum ásamtupplýsingum um fæðingarstað og stund,þyngd, lengd og nöfn nýbakaðra foreldra,á netfangið barn@mbl.is