Sjómannablaðið Víkingur - 01.06.2002, Page 16

FJ0LNIR
Ljósmyndakeppni sjómanna
Eins og kynnt var í síðasta tölublaði
Víkingsins hefur verið hrundið af stað
ljósmyndasamkeppni sjómanna á veg-
um blaðsins. Sjómenn hafa i gegnum
árin verið iðnir við að munda mynda-
vélar sínar meðan þeir eru úti á sjó og
hafa margir þeirra orðið landsmönn-
um kunnir fyrir birtingar ljósmynda
sinna á síðum dagblaða og tímarita.
Nú viljurn við hvetja sjómenn til að
taka þátt í ljósmyndakeppninni og
annað hvort byrja að mynda í gríð og
erg eða að fara í gegnum ljósmynda-
safnið sitt í leit að efnilegum ljós-
myndum. Ljósmyndakeppnin verður
tvíþætt þ.e.a.s. landskeppni og Norð-
urlandakeppni. í landskeppninni
verður keppt til þriggja verðlauna og
þurfa myndir að hafa borist Víkingn-
um 15. nóvember n.k. Verða úrslit birt
í jólablaði Vikingsins en það verður
þriggja manna dómnefnd sem mun
velja vinningsmyndirnar auk tólf ann-
arra mynda sem síðan halda áfram og
taka þátt í norrænni ljósmyndakeppni
sjómanna. Þar mun þriggja manna
dómnefnd velja bestu ljósmyndir nor-
rænna sjómanna í byrjun janúar á
næsta ári. í þeirri keppni taka dansk-
ir, sænskir, norskir og finnskir sjó-
menn og nú loks við íslendingar.
Reglur keppninnar eru
svohljóðandi:
* Allir sjómenn á norrænum
skipum geta tekið þátt í keppn-
inni.
* Myndir íslenskra sjómanna
keppa fyrst í landskeppni þar
sem keppt er til þriggja verð-
launa.
* Hver keppandi má senda inn
allt að 10 ljósmyndir sem mega
vera svarthvítar, litmyndir eða
litskyggnur.
* Myndaefnið verður að tengjast
sjó eða sjómennsku.
* Myndir skal merkja með nafni
og heimilisfangi ljósmyndara.
* Smá lýsingar á myndaefninu,
hvenær myndin var tekin og á
hvaða skipi ljósmyndarinn var,
eru vel þegnar.
Hvetjum við ykkur enn og aftur
til dáða bak við myndavélina en
myndir skulu sendar til Sjó-
mannablaðsins Víkings merkt:
Sjómannablaðið Víkingur,
Ljósmyndakeppni 2002
Borgartúni 18
105 Reykjavík
16 - Sjómannablaðið Víkingur