Sjómannablaðið Víkingur - 01.06.2007, Blaðsíða 8
Aflabrögð hafa oftsinnis verið góð á Kleifaberginu.
við Granda á sínum tíma og voru þá
bæði gerð út undir merkjum þess síðar-
nefnda. Undir lok þess tima sem Grandi
gerði Engey út var skipið sent til smokk-
fiskveiða við Falklandseyjar þar sem fyr-
irtækið hugðisl hasla sér völl. Sú útgerð
gekk hins vegar ekki eins og til var
ætlast af ýmsum ástæðum. Undir lokin
voru menn þó farnir að ná lökum á þvi
verkefni undir stjórn Guðmundar Mugga
Kristjánssonar sem nú er hafnarstjóri
á ísafirði. En þolinmæði útgerðarinnar
var þrotin og skipið selt til Þormóðs
ramma - Sæbergs í Ólafsfirði sem þá
var nýtt félag eftir sameiningu Sæbergs
hf. í Ólafsfirði og Þormóðs ramma hf á
Siglufirði, sem Grandi var m.a. hluthafi
í. Það var því ekki um annað að ræða
fyrir Mugga og félaga en að sigla aftur til
norðurs, heim til íslands og færa nýjum
eigendum skipið.
Kleifaberg ÓF-2
Engey RE-1 var afhent nýjum eig-
endum í júlí 1997 og hélt þá strax til
karfaveiða á Reykjaneshrygg. Til að byrja
með hélt skipið sama nafni og númeri
en fékk fljótlega nafnið Kleifaberg ÓF-2.
Nalnið vísar til lítillar byggðar vestan og
utarlega í Ólafsfirði sem heitir Kleifar og
var áður gert út frá. Bergsnafnið er lil-
komið frá Sæbergi og skipum þess sem
öll hafa borið bergs-nöfn, t.d. Sólberg,
Múlaberg, Hvannaberg og Mánaberg.
Útgerð Kleifabergs hefur alla tíð geng-
ið afar vel og skipið ætíð verið í hópi
aflahæstu skipa landsins og þeirra sern
skilað hafa mestu verðmæti á hverju ári.
Kleifabergið var gert úl undir merkjum
Þormóðs ramma - Sæbergs hf. í tæp tíu
ár og aflaði á þeim tíma ríflega 50.000
tonna að verðmæti meira en 8 milljarða
króna.
Söngelsk áhöfn
Við sameiningu Sæbergs og Þormóðs
ramma urðu allnokkrar breytingar á
högum áhafna skipa félaganna. Sólberg
og Múlaberg sem áður voru í eigu
Sæbergs og höfðu verið á bolfiskveið-
um fóru nú á rækju sem skip Þormóðs
ramma, Stálvík, Sigluvík og Sunna, höfðu
stundað um árabil. Áhöfn Kleifabergsins
var því að mestu samtíningur af skipum
Sæbergs auk annarra sem bættust í hóp-
inn.
Fljótlega fór áhöfnin að láta á sér
bera á öðrum sviðum en fiskveiðum
og vinnslu, svo eftir var tekið. Stofnuð
var um borð hljómsveitin, Roðlaust og
beinlaust, sem í dag hefur sent frá sér
þrjá geisladiska sem seldir hafa verið lil
stuðnings björgunar- og öryggismálum,
sér í lagi þó Slysavarnaskóla sjómanna.
Geisladiskarnir þrír, Bráðabirgðalög,
Brælublús og Sjómannasöngvar hafa allir
selst feyki vel og verið í hópi söluhæstu
diska hverju sinni. Auk þess hefur
8 - Sjómannablaðið Víkingur