Fréttablaðið - 24.09.2009, Blaðsíða 50

34 24. september 2009 FIMMTUDAGUR
bio@frettabladid.is
> ENRON VERÐUR KVIKMYND
Kvikmyndaframleiðandinn Laura Ziskin
hefur tryggt sér kvik-
myndaréttinn að leik-
riti um ris og fall
orkurisans Enron
eftir Lucy Prebb-
le. Þegar er uppselt
á allar sýningar í leik-
húsinu Royal Court
í London þar sem
verkið verður frum-
sýnt en það verður
einnig sett upp á
Broadway.
Úrvalið sem kvikmyndaþyrstum
kvikmyndahúsagestum býðst
um helgina er nokkuð fjölbreytt.
Þeir allra yngstu ættu að finna
sitthvað við sitt hæfi því ofur-
stjarnan Algjör Sveppi mætir
til leiks í sinni fyrstu kvik-
mynd; Algjör Sveppi og leitin að
Villa. Eins og nafnið gefur til
kynna kemur eitthvað fyrir
besta vin Sveppa, Villa, og
hann ákveður að hafa uppi
á honum ásamt nokkrum
góðum hjálparhellum. Sverr-
ir Þór og Vilhelm Anton Jóns-
son leika aðalhlutverkin
ásamt Ingó Veðurguði
og Ragnhildi Steinunni.
Til að gera góða kvik-
myndahelgi aðeins betri
fyrir smá-
fólkið
má
einnig benda á frumsýningu Bion-
icle-teiknimyndarinnar.
Þeir sem aðeins eldri eru ættu
ekki heldur að þurfa að kvíða
helginni. Táningsdrengir eiga
eflaust eftir að flykkjast á Jenni-
fer‘s Body þar sem Megan Fox er
í aðalhlutverki en hún er eflaust
einhver þekktasta leikkonan
meðal ungu kynslóðarinn-
ar um þessar mundir. Hinir
aðeins fágaðri og eldri geta
skellt sér á Funny People þar
sem leikstjóri The 40 Year Old
Virgin, Judd Apatow, situr
við stjórnvölinn. Aðal-
leikarar eru Adam
Sandler, Eric Bana og
Seth Rogen.
Sveppi og Megan
Fox mæta til leiks
FJÖLBREYTT ÚRVAL Öll
fjölskyldan ætti að geta
fundið sér eitthvað við
sitt hæfi í kvikmynda-
húsum borgarinnar;
unglingurinn getur séð
Jennifer‘s Body með
Megan Fox, smáfólkið
Algjöran Sveppa en
fullorðna fólkið gætt sér á
poppkorni yfir Funny People.
Mennirnir sem eiga peningana
virðast hafa tröllatrú á að sann-
kallað Sherlock Holmes-æði muni
ganga yfir heiminn þegar kvik-
mynd Guys Ritchie um þennan
breska leynilögreglumann verður
frumsýnd um jólin. Í það minnsta
er sterkur orðrómur á kreiki í
Hollywood um að þegar sé byrjað
að undirbúa kvikmynd númer tvö
um þessa þekktustu persónu Art-
hurs Conans Doyle. Handritshöf-
undar sitji nú sveittir við skrift-
ir og að menn ætli sér að hamra
járnið á meðan það er
heitt. Frá þessu grein-
ir kvikmyndatímaritið
Empire.
Fram kom í fjölmiðl-
um fyrir skemmstu
að flogið hefði verið
með Brad Pitt til Lund-
úna og að hann hefði
brugðið sér í hlut-
verk prófessors
Moriartys, sem
er erkióvinur
Sherlocks Hol-
mes, í nokkr-
u m senu m .
H i ns vega r
bendir allt til að
þær tökur verði
hreinlega ekkert
notaðar í mynd-
inni. Og því verði
einfaldlega ráðist í
gerð Sherlock Hol-
mes 2. Þetta þykir
auðvitað nokkuð
djarft af fram-
leiðendum kvik-
myndarinnar þar
sem Guy þykir
ákaflega mistæk-
ur leikstjóri eins og
dæmin sanna.
Sem betur fer
er fyrrverandi
eiginkonan Mad-
onna víðs fjarri
og Robert Dow-
ney Jr. leikur
aðalhlutverkið.
Þannig að í raun
ætti þetta að vera
nokkuð örugg
gullnáma.
Holmes 2 í vinnslu
ERKIÓVINIR Robert Downey Jr.
og Brad Pitt verða væntan-
lega erkióvinir þegar og
ef Holmes 2 verður gerð.
Downey verður Sherlock
en Pitt prófessor Moriarty.
Miklar vonir eru bundnar við gaman-
myndina The Other Guys sem skartar
grínkónginum Will Ferrell og Mark
Wahlberg í aðalhlutverkum. Leik-
stjóri er Adam McKay en þeir Fer-
rell og McKay gerðu saman Anchor
Man og Talladega Nights: The
Ballad of Ricky Bobby. Sem báðar
kitluðu hláturtaugarnar svo
um munaði. The Other Guys
segir frá tveimur frekar
mislukkuðum lögreglu-
mönnum sem fá óvænt
tækifæri til að feta í fót-
spor hetjanna sinna þegar
eitthvað skelfilegt kemur
fyrir. Illmennið verður
leikið af breska gaman-
leikaranum Steve Coogan
en meðal annarra leikara má nefna Evu
Mendez og Michael Keaton.
Ekki er hægt að segja að væntingarn-
ar hafi eitthvað dvínað í gær þegar til-
kynnt var að Dwayne „The Rock“ John-
son og Samuel L. Jackson hefðu bæst í
hópinn. Þeir munu að sjálfsögðu leika
ofurlöggurnar sem Wahlberg og Fer-
rell reyna að herma eftir. Tökur eru
hafnar en ráðgert er að myndin verði
frumsýnd eftir tæpt ár eða í byrjun
september 2010.
Forvitnileg viðbót við Ferrell-mynd
SKEMMTILEGUR LEIKARAHÓPUR
Samuel L. Jackson, Mark
Wahlberg, Will Ferrell og Michael
Keaton auk Steves Coogan og
Evu Mendez leika aðalhlutverkin
í nýrri gamanmynd sem heitir
The Other Guys.
Þriðja kvikmynd banda-
ríska leikstjórans Judds
Apatow, Funny People,
verður frumsýnd á morgun.
Í símaviðtali við Fréttablað-
ið segir hann að jafnvel al-
varlegustu augnablik lífsins
séu fyndin.
Judd Apatow sló í gegn með sinni
fyrstu mynd, The 40 Year Old Virg-
in og fylgdi henni vel á eftir með
Knocked Up. Hann er í dag einn
áhrifamesti leikstjóri og framleið-
andi gamanmynda í Hollywood en
í Funny People kveður við alvar-
legri tón, þótt grínið sé aldrei fjarri.
Myndin fjallar um vinsælan leik-
ara og uppistandara (Adam Sand-
ler) sem þykir full sjálfselskur og
upptekinn af frægðinni. Eftir að
hann kemst að því að hann er hald-
inn banvænum sjúkdómi kynnist
hann ungum og upprennandi grín-
ista (Seth Rogen) og býðst til að ger-
ast aðstoðarmaður hans.
Fyndin en alvarleg mynd
„Mig langaði að gera mynd um
alvarlegt viðfangsefni þar sem
atburðir gerast hjá náunga sem
horfir á lífið með gamansömum
augum, fyndna mynd um viðfangs-
efni sem er vanalega ekki mjög
fyndið,“ segir Apatow.
Hann vill ekki meina að það sé erf-
iðara að semja dramatísk atriði
heldur en fyndin. „Jafnvel alvar-
legustu augnablik lífsins eru fynd-
in. Mér finnst vera þunn lína á milli
gríns og dramatíkur, að minnst
kosti í mínu lífi. Ég hugsa aðallega
um að semja eitthvað sem kemur
frá hjartanu, þannig að ef ég sem
bara um eitthvað sem er satt og rétt
þá kemur það oftast út á fyndinn
hátt.“
Slapp með skrekkinn í skjálfta
Aðalpersóna Funny People kemst
afar nálægt dauðanum í myndinni.
Apatow slapp sjálfur með skrekk-
inn þegar stór jarðskjálfti gekk
yfir Kaliforníu árið 1993. „Ég hafði
nýkeypt mér hús en ég flutti ekki
strax inn í það því ég vildi mála það
fyrst. Eftir jarðskjálftann skoðaði
ég húsið og sá að þakið yfir svefn-
herberginu hafði hrunið og múr-
steinar voru úti um allt,“ segir
hann. „Ég hefði örugg-
lega dáið ef ég hefði
verið þarna þessa
nótt. Ég kunni
betur að meta
lífið eftir
að þetta
gerðist,
en
bara í svona fjóra daga á eftir,“ segir
hann og hlær. „Ég hef áhuga á fólki
sem lærir lexíu en lætur lærdóm-
inn síðan fjara út, einfaldlega vegna
þess að það er auðveldara að lifa líf-
inu þannig. Það er að hluta til það
sama og myndin gerir. Hún sýnir
einhvern fara í gegnum reynsluna
við að veikjast, fá síðan heilsuna
á nýjan leik og vita ekki hvernig
hann á að vinna úr því. Hann áttar
sig ekki á því hver forgangsatrið-
in eiga að vera því að jafnvel þótt
þú læknist af sjúkdómi ertu allt-
af jafnklikkaður og áður. Þetta er
mikil áskorun fyrir fólk og maður
sér ekki oft fjallað um þetta í bíó-
myndum. Venjulega í myndum þá
er náunginn leiðinlegur, veikist og
verður síðan dýrlingur en hlutirnir
eru bara flóknari en svo.“
Sandler kom á óvart
Adam Sandler, sem fer með aðal-
hlutverkið, hefur framleitt og samið
handritið að mörgum vinsælum
myndum. Apatow er ánægður með
hversu mikill fagmaður hann var.
„Hann sagðist í byrjun ætla að
leggja sjálfan sig í mínar hendur og
láta mig um þetta. Hann stóð við lof-
orðið og það kom mér mjög á óvart.
Við höfum verið vinir í tuttugu ár
en ég hef aldrei unnið svona náið
með honum. Mér fannst flott hversu
þroskaður hann er orðinn.“
Vill heimsækja Ísland
Apatow er kvæntur einni af aðal-
leikkonum myndarinnar, Leslie
Mann. Samt virðast hjónabönd
ekki vera hátt skrifuð í myndum
hans og hann hefur skýringu á því.
„Ég myndi ekki borga fyrir að sjá
bíómynd um tryggt hjónaband. Það
kemur ekkert grín út úr hamingju-
sömum aðstæðum heldur miklu
frekar úr vandamálum. Fólk spyr
mig af hverju persónurnar í mynd-
unum mínu séu vanþroskaðar karl-
rembur. Ég vil sýna fólk í kring-
umstæðum þar sem það veit ekki
hvernig það á að haga sér. Venju-
legt fólk er bara ekki skemmtilegt í
bíómyndum.“
Spurður hvort hann hefði ein-
hvern tímann áhuga á að heim-
sækja Ísland hafði Apatow þetta að
segja: „Ég hefði mjög gaman af því
að koma til Íslands. Ég hef beðið
lengi eftir þessu boði,“ segir hann
hress. „Eitt það skemmtilegasta við
að gera svona myndir er að maður
getur ferðast um heiminn og og
kynnt myndir í mismunandi lönd-
um. Ef það er einhver kvikmynda-
hátíð þarna sem þarf á ræðumanni
að halda er ég til.“ freyr@frettabladid.is
Stutt á milli gríns og drama
JUDD APATOW Bandaríski leikstjórinn hefur sent frá sér myndina Funny People.
FRAMLEIÐANDINN
APATOW:
Funny People (2009)
Year One (2009)
Pineapple Express (2008)
Step Brothers (2008)
Forgetting Sarah Marshall (2008)
Knocked Up (2007)
Superbad (2007)
Talladega Nights (2006)
The 40 Year Old Virgin (2005)
Anchorman (2004)
JONAH HILL
PAUL RUDD SETH ROGENLESLIE MANN
JASON
SEGEL
WILL FERRELL
APATOW-GENGIÐ
Judd Apatow er mjög gjarn á að nota sama fólkið aftur og aftur í myndum sínum. Svo sem ekki skrítið þar sem hann
og gengi hans hefur vart stigið feilspor hingað til. Seth Rogen á metið, hann tengist ellefu myndum Apatows.