Bjarmi - 01.04.1995, Blaðsíða 7

Helga Vilborg Sigurjónsdóttir
VITNISBURÐUR
Guð elskaði okkur mennina svo mikið að hann sendi Jesú í
heiminn til að deyja á krossinum þannig að við gætum fengið
fyrirgefningu á öllu því sem við höfuin gert rangt og að við
gætum eignast eilíft líf með honum!“
Frá blautu barnsbeini hef ég oft heyrt setningar í
líkingu við þessa og ekki get ég talið hversu oft ég
hef sagt eitthvað á þessa leið sjálf, bæði við lítil
börn og unglinga sem ég hef starfað nteð. En allt of
sjaldan held ég að ég hafi hugleitt hvaða máli þessi
boðskapur í raun og veru skiptir mig, boðskapurinn
unt pínu, dauða og upprisu Jesú Krists frá dauðum,
grundvallaratriði kristinnar trúar. Af hverju er ég að
segja börnunum frá þessum atburði? Hvaða máli
skiptir hann í lífi mínu?
Guð setur mig stundum í óþægilegar aðstæður
sem ég er ekki alltaf sátt við. En þessar óþægilegu
aðstæður knýja mig til að hugsa um það hver hann
er og hvers virði hann sé mér. Undanfarið finnst mér
Guð hafa sett mig nokkuð oft í aðstæður sem koma
mér til að hugsa urn þá fórn sem hann færði fyrir
mig. Ekki fyrir löngu síðan þurfti ég að skrifa bréf
þar sern ég varð að útskýra afstöðu tnína fyrir fólki
sem ekki á trúna á Jesú. í fyrstu óx það mér í
augum, ég var ekki viss unt að ég gæti útskýrt
þannig að þau skildu hvað trú mín skiptir mig miklu
máli. Þá þurfti ég að spyrja sjálfa mig þeirra
spurninga sem ég er að velta fyrir mér hér. Þegar ég
leitaði svara rifjaðist upp fyrir mér sú stund þegar
ég fyrst eins og rankaði við mér og áttaði mig á því
hvað það var í rauninni sem Jesús hafði gert fyrir
mig. Ætli ég hafi ekki verið um 10 ára gömul þegar
ég sá í fyrsta skipti kvikmyndina „Jesús frá
Nasaret". Myndin lýsir þeim atburðum í lífi og
starfi Jesú hér á jörðinni sern greinir frá í
guðspjöllunum. Þessi kvikmynd hafði mikil áhrif á
mig og sérstaklega sá hluti sem skýrir frá
krossfestingunni. Það varð allt svo lifandi,
þjáningin, niðurlægingin og óttinn. Svartur himinn
og rigning og grátandi konur og karlar. Sorg. Jesús
dó kvalarfullum dauðdaga og hann fann til því hann
gerðist rnaður. Ég tnan að ég grét því ég gerði inér
grein fyrir því að það sem ég hafði heyrt var ekki
bara falleg saga heldur raunveruleiki, jafnmikill
raunveruleiki og það að ég er ég. Jesús þjáðist rnín
vegna. Hann dó ekki syndlaus því að mínar syndir
hvíldu á herðurn hans. Allt í einu var ekkert erfitt
lengur að skrifa þetta bréf því ég komst að því að
fórn hans skipti mig öllu máli.
Svo fór ég að leiða hugann að upprisunni. Þegar
ég hugsa um páskadagsmorgun sé ég alltaf fyrir mér
sólskinsbjartan vormorgun. Jesús gerði meira en að
deyja því hann sigraði dauðann. Hann breytir myrkri
í ljós, vetri í vor. Hann gaf inér líf! Þetta líf getur
enginn annar en Jesús gefið mér. Hann hefur sýnt
inér nteiri kærleika en ég á skilið. Meiri kærleika get
ég ekki fengið því hann lagði líf sitt í sölurnar fyrir
mig. Hann hefur lagt þá ábyrgð á herðar mér að ég
gefi öðrurn af þessum kærleika og segi þeim sent í
kringum mig eru frá honum svo þeir geti líka
eignast hlutdeild í því lífi sem ég á í honum.
Drottinn, þú barst mínar byrðar
og bugandi syndir og dramb,
á herðum þér hvíldi minn dómur,
þú heilaga Guðs fórnarlamb.
Drottinn þú barst mína bölvun
og borgaðir skuldabréf mitt
með blóði á kyalanna krossi,
í kœrleik þú gafst líftð þitt.
Undrandi krossinwn undir
í augum þér sé: Ég á líf!
Ég glötun ei lít því ég lifi
í lausnarans blessun og hlíf
Guilm. Gudm.
Helga Vilborg
Sigurjónsdóttir.
7