Valsblaðið - 01.05.1979, Side 14

ingunni væri breytt, jafnvel þótt ekki væri leikið á
eigin velli. Liðin ættu að fá allan ágóða af heimaleik
og eiga möguleika á að auglýsa leiki upp eftir eigin
höfði og á eigin ábyrgð. Það skipulag, að tekjum sé
skipt á milli liða, þekkist hvergi nema á íslandi.
...heldur safna liði
Valsblaðið: Við erum búnir að koma víða við i þessu
spjalli okkar, en rétt er að láta orðið ganga einn hring
áður en við sláum botninn í þetta, og huga þá sérstak-
lega að framtíðinni.
Bjarni: Ég vil aðeins segja það í sambandi við komandi
keppnistímabil, að Valur hefur það góðan hóp knatt-
spyrnumanna að við eigum ekki að þurfa að kvíða. Auk
þess eru að koma upp mjög efnilegir leikmenn. Ég trúi
ekki öðru en að með réttu hugarfari og réttum þjálfara
getum við snúið blaðinu við og byrjað að vinna titlana
aftur næsta ár.
Ólafur: Markmiðið er auðvitað að endurheimta
íslandsmeistaratitilinn og bikarmeistaratitilinn og að
því munum við ótrauðir vinna, bæði stjórn og leikmenn
og ég er mjög bjartsýnn á framhaldið.
Ingi Björn: Ég hef raunar litlu við þetta að bæta. Að
sjálfsögðu stefnum við að því að taka okkur á og vinna
stærstu mótin næsta sumar. Ég vona bara að við vinnum
ekki Reykjavíkurmeistaratitilinn, því það er óheilla-
merki. Við munum nota veturinn í vetur til þess að
byggja upp sjálfstraustið og viljann til þess að vinna og
þá munum við vinna sigra næsta sumar.
Albert: Ég vil aðeins koma inn á það að ég hef heyrt
það utan að mér að andinn í Valsliðinu hafi ekki verið
góður í sumar, sérstaklega eftir að miður tók að ganga.
Þetta er alrangt. Það er alls ekki sundrung í liðinu,
heldur þvert á móti hefur félagsandinn alltaf verið
góður. Ég hef ekki ástæðu til annars en að vera bjart-
sýnn. Við höfum góðum mannskap yfir að ráða og í 2.
flokki félagsins er hópur af efnilegum strákum. Við
höfum lært af mistökunum í sumar og látum þau ekki
koma fyrir aftur. Ég vil líka nota þetta tækifæri til
þess að þakka stjórn deildarinnar. Hún hefur staðið sig
frábærlega. Það vorum við sem brugðumst inni á vellin-
um, en stjórnin gerði sannarlega allt sem hún gat til
þess að aðstoða okkur og vinna knattspyrnunni í Val
gagn.
Ingi Björn: Ég tek undir það sem Albert var að segja.
Dýri: Ég er sammála Albert bæði hvað varðar starf
stjórnarinnar og einnig það að andinn í liðinu hefur ekki
beðið hnekki við ófarirnar í sumar. Fáum við nú góðan
þjálfara höfum við allt til þess að rífa okkur upp aftur
og ég er sannfærður um að við gerum það.
Valsblaðið: Það er greinilegt að bœði leikmenn og
forystumenn gera orð Ólafar ríku að sínum: “Ekki
tjáir að gráta Björn bónda, heldur safna liði.“, og með
það í huga að sú liðssöfnun gangi sem allra best látum
við þessu spjalli lokið.
Ingi Björn í baráttu við Diðrik markvörð Víkings og hefur belur.
I