Alþýðublað Hafnarfjarðar - 29.05.1970, Page 5
ALÞÝÐUBLAÐ HAFNARFJARÐAR
5
Hvað er þér efst í huga
þegar komið er að kjördegi?
Spurning á fornum vegi
Alþýðublað HafnarfjarSar lagði þessa
spurningu fyrir fólk, þegar blaðið var að fara
í prentun. — Svörin birtast hér é eftir:
Síðast Þorgeir - Nú Einar
Fyrir síðustu bæjarstjómarkosningar hélt Hamar, blað Sjálf-
stæðismanna, því mjög á lofti að Þorgeir Ibsen, sem þá var í 5.
sæti á lista flokksins, ætti að móta stéfnu flokksins í skólamálum.
A kjörtímabilinu, sem nú er að líða, befur Þorgeir nokkrum sinn-
um mætt á bæjarstjórnarfundi sem varabæjarfulltrúi. Á flestum
þessara funda hefur hann séð sig knúinn til að ávíta meirihlutann
fyrir framkvæmda- og áhugaleysi á sviði skólamála. Flokksfor-
ingjarnir tóku ekkert tillit til hans eða annarra skólamanna inn-
an flokksins eftir kosningar. Nú er Þorgeirs hvergi getið.
Nú á að leika sama leikinn, en á öðru sviði og með annan mann
í aðalhlutverki. Einar Þ. Mathiesen, er nú skipar 5. sæti á lista
flokksins, sama sæti og Þorgeir síðast, er áhugamaður á sviði
íþróttamála eins og Þorgeir á sviði skólamála. Einar er í von-
lausu sæti á lista Sjálfstæðisflokksins, en ef til vill fær hann að
mæta tvisvar á ári sem varabæjarfulltrúi. Ef Sjálfstæðisflokkur-
inn verður þá í meirihluta með Öháðum, eins og þessir flokkar
hafa boðað, veitir ekki af fyrir Einar að byrja strax að semja
skammarræðurnar, því eftir kosningarnar núna missir Sjálfstæðis-
flokkurinn áhuga á íþróttahúsinu, eins og hann gerði eftir kosn-
ingarnar 1962 og 1966.
„Við œtlum að sigra..."
Elías Jónasson,
iðnnemi:
Þetta er i fyrsta skipti, sem ég
kýs. Mér er Ijóst að kosningarétti
fylgir mikil ábyrgð. Ég hef því reynt
að kynna mér málin efiir beztu föng-
um. Ég er iðnnemi og því er mér
iðnskólinn ofarlega í huga. Ég treysti
Alþýðuflokknum bezt til framkvæmda
í iðnskólamálinu. Þá finnst mér líka,
að ungir menn eigi að sitja í bæjar-
stjórn. Ég tel því, að unga fólkið eigi
að kjósa Kjartan Jóhannsson. Með
því tryggir það, að unga fólkið eigi
verðugan fulltrúa í bæjarstjórn Hafn-
arfjarðar næsta kjörtímabil.
Sigurður Símonarson,
kennari:
Það, sem mér er efst í huga við
þessar kosningar er, að við þurfum
að yngja upp í bæjarstjórninni. Það
má segja, að mörg ný viðhorf hafi
skapazt í ýmsum málum á síðustu ár-
um, og er það hagsmunamál bæjar-
búa, að bæjarstjórnin sé þvi viðbúin
að taka upp þær breytingar, sem nú
eiga sér stað í atvinnu-, skóla- og
félagsmálum.
Við sjáum einnig fram á það, að
bærinn mun hafa töluverðar tekjur af
Straumsvík, og er þá aðalatriðið að
nýta þá fjármuni sem bezt. Til þess
að svo megi verða þarf góða skipu-
lagningu, en forðast að framkvæma
af handahófi, eins og núverandi
meirihluti hefur helzt kosið að gera
á siðasta kjörtímabili. Vegna þessa
kýs ég nú listann, sem hefur í bar-
áttusæti þann mann, sem mér virðist
vera hæfasta bæjarfulltrúaefnið' i
dag, Kjartan Jóhannsson.
Grétar Þorleifsson,
húsasmiður:
Mér er ofarlega í huga að samn-
ingar um kjaramálin leysist á sem
farsælastan hátt. Þá þykir mér mikil-
vægt að tryggð sé atvinna í bænum
og þá sérstaklega við byggingavinnu.
Þar held ég að víðtæk skipulagning
þurfi að koma til. Ég tel nauðsynlegt
að byggingaframkvæmdir séu sem
jafnastar milli ára. Reynslan sýnir
mér að í þessum málum er Alþýðu-
flokknum bezt treystandi og því styð
ég hann.........................
Einar Stefánsson,
verkstjóri:
Eg tel skynsamlegast að taka fyrst
og fremst afstöðu til frambjóðenda
flokkanna. Að öðrum frambjóðendum
ólöstuðum tel ég frambjóðendur Al-
þýðuflokksins líklegasta til að leysa
vandamál bæjarfélagsins, þess vegna
veiti ég þeim stuðning minn.
Valgeir Kristinsson,
stud. jur.:
Eg hef trú á jafnaðarstefnunni og
tei bezt að leysa bæjarvandamál á
hennar grundvelli. Mér lízt vel á
frambjóðendur Alþýðuflokksins, sér-
staklega Kjartan Jóhannsson og að
hans sigri vil ég stuðla.
Svanfríður Eyvinds-
dóttir, húsmóðir:
Efling atvinnulífsins og þá sérstak-
lega Bæjarútgerðarinnar er mér efst
í huga. Þá er nauðsyn aðgerða í
barnaverndarmáium. Það er von mín
að Alþýðuflokkurinn nái þeirri að-
stöðu, sem hann hafði hér áður fyrr.
Þá sýndi hann að hann var þessum
vandamálum vaxinn.
„Við ætlum að sigra í 2. deild i ár.“
Þannig er hljóðið í knattspyrnumönn-
um Hauka um þessar mundir. Og vist
er að þeir hafa mikið til síns máls,
því það er ekki fyrir fátækt félag að
leika í 2. deild, þar sem félögin, og í
reynd leikmennirnir sjálfir, verða að
greiða allan ferðakostnað á sama
tíma og 1. deildarfélögin fá hann
greiddan að fullu. Þessi ferðakostn-
aður kemur til með að skipta tugum
þúsunda króna, líklega nálægt 100
þúsund krónum á félag!
Starfsemi knattspyrnudeildar
Hauka hefur verið öflug í ár. Eftir
fremur slakan árangur í vetrarmótum
haustið 1969, hefur starfið verið end-
urskoðað frá grunni. Æfingar hafa
verið mjög vel stundaðar eftir ára-
mót og mikill hugur í mönnum að ná
langþráðu takmarki — 1. deild. Þeir,
sem þekkja sögu félagsins, vita að
þetta er ekki óraunverulegt takmark.
1968 munaði aðeins hársbreidd að
þetta tækist, og nú á að nota þá
reynslu, sem þá fékkst, til hins ýtr-
atsa. Svo er nú komið, að félagið
getur teflt fram tveim góðum liðum í
2. deild, sem er mikill sigur fyrir fé-
lagið, því gera verður ráð fyrir að
stór hópur leikmanna leiki á vegum
Hauka i 2. deild í ár.
A döfinni er stórátak fyrir yngri
flokka Hauka. Ráðinn verður góður
þjálfari og vonast Haukar til að ung-
ir drengir í Hafnarfirði fjölmenni til
félagsins.
Það, sem háir starfsemi félagsins,
og raunar öllum íþróttamönnum í
Hafnarfirði, er skortur á íþróttasvæði.
Alagið á „vellinum" er svo mikið f
ár, vegna leikja í öllum flokkum, að
aðstaða til æfinga verður lítil þar.
Engin önnur aðstaða til knattspyrnu-
æfinga er fyrir hendi í Hafnarfirði,
svo furðuiegt sem það er.
Á þessu alvarlega vandamáli verða
Haukar að ráða bót sem fyrst. Kæmi
til greina að leigja tún á Álftanesi
undir æfingar, og er það mái nú til
athugunar hjá stjórn Hauka.
Haukar bjóða öllum ungum mönn-
um í Hafnarfirði og nágrenni að æfa
með félaginu. Sérstaklega beina þeir
þeim tilmælum til hinna mörgu ný-
innfluttu Hafnfirðinga, að nota sér
þetta tilboð Hauka, sér til ánægju og
heilsubótar.
Æfingar Hauka á íþróttavellinum
eru á msnudögum og fimmtudögum
sem hér segir: 5. og 6. flokkur kl. 5,
4. fl. kl. 7, 3. fl. kl. 8, 2. fl. kl. 9 og 1.
fl. kl. 9. — Auk þess eru æfingar
eftir þvi sem þurfa þykir.
LEIKIR HAUKA í 2. DEILD 1970:
Haukar—Selfoss 30. maí
Haukar—F.H. 8. júni
Þróttur—Haukar 15. júní
Haukar—Breiðablik 20. júní
Isafjörður—Haukar 27. júni
Völsungar—Haukar 4. júlí
Selfoss—Haukar 16. júlí
Haukar—Ármann 23. júlí
Haukar—F.H. 10. ágúst
Haukar—Þróttur 13. ágúst
Haukar—ísafjörður 16. ágúst
Breiðablik—Haukar 20. ágúst
Haukar—Völsungar 23. ágúst
Ármann—Haukar 13. sept.
Hafnfirðingar eru hvattir til að fjöl
menna og hvetja Hauka til dáða.
(Frá Haukum).
Illllllllllllllllllllllllllllllllllllllllllllllllllllllllllllllllllllllllllllillllllllllllllllllllllllllllllllllllllllllllllllllllllllllllllllll
X A-LISTINN
ijiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiim
; ORÐSENDING
frá heimilislæknunum í HafnarfirSi
; Mánuðina júní—september 1970 verður sú breyt- |
I ing á viðtalstímum heimilislæknanna í Hafnarfirði |
I á laugardögum, að tveir læknar verða við hvern laug- 1
ardagsmorgun kl. 10—11.
Upplýsingar um það hvaða stofur eru opnar hverju |
sinni eru gefnar á lögregluvarðstofunni i síma 50131. |
I Heimilislæknarnir í Hafnarfirði. |
IiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiT