Alþýðublað Hafnarfjarðar - 14.01.1950, Blaðsíða 4
4
ALÞÝÐUBLAÐ HAFNARFJARÐAR
— Húsnæðismálin —
Öngþveiti eða sterkur meirihluti
Alþýðuflokksins í Hafnartirði
Framhald af hls. 3.
fremst sú, að stuðla að því á all-
an hátt, að byggðir verði sem flest-
ir verkamannabústaðir til úrbóta
á húsnæðisþörfinni, og styrkja þá
starfsemi og veita henni alla þá fyr-
irgreiðslu, sem kostur er, svo sem
gert hefur verið af hálfu bæjarins
að undanförnu. Ollum almenningi
er orðið ofvaxið að eignast íbúð
á annan hátt, enda hefur reynslan
sýnt og sannað, að íbúðir í verka-
mannabústöðum eru þær ódýrustu,
sem völ er á, jafnframt því sem
allir greiðsluskilmálar eru hinir
hagkvæmustu. Alþýðuflokurinn
kemur ekki auga á aðra heppilegri
og hagkvæmari lausn á húsnæðis-
þörf bæjarbúa, en að stuðla að
aukningu verkamannabústaða bygg
inga, svo sem framast er kostur
og að því mun liann vinna á kom-
andi árum.
íbúðarhúsabyggingar í Hafnar-
firði hafa verið miklar að undan-
förnu, en eru nú að dragast sam-
an af ýmsum ástæðum, en þó sér-
staklega vegna þess háa verðlags,
sem orðið er á öllum hlutum, og
éins vegna erfiðleika á hagkvæmu
lánsfé. Einhverjar ráðstafanir af
hálfu þess opinbera í þessum mál-
úm eru því óhjákvæmilegar, Á síð-
ast liðnum fjórum árum hafa verið
byggðar um 200 íbúðir í Hafnar-
firði, og hafa fjölda margir ein-
staklingar sýnt framúrskarandi
dugnað í að koma upp þaki yfir
höfuðið á sér, þó af litlum efnum
væri. Bærinn hefur í hvert sinn,
sem leitað hefur verið til hans, sýnt
fullan skilning á þessum málum,
Óg hefur hann á síðast liðnum fjór-
um árum veitt 40 einstaklingum
aðstoð við byggingar og kaup á
húsum með því að ganga í ábyrgð-
ir fyrir lánum og greiða götu þeirra
á ýmsan annan hátt. Jafnframt því,
sem Alþýðuflokurinn leggur ríka
áherzlu á fjölgun verkamannabú-
staða, þá mun hann framvegis, eins
og hingað til, veita fátækum ein-
staklingum, sem standa í húsbygg-
ingum, alla þá fyrirgreiðslu og að-
stoð, sem kostur er.
í Reykjavík búa fleiri þúsundir
manna í bröggum og þá fyrst og
fremst mann margar barnafjöl-
skyldur. Iiér í Hafnarfirði býr eng
inn í bragga, enda voru þeir fyrir
ráðstöfun bæjarstjórnarinnar rifnir
fyri nokkrum árum síðan, og mun
enginn sakna þeirra. Þeim íbúðum,
sem bærinn hefur haft ráðstöfunar-
rétt á í verkamannabústöðum, hef
ur verið ráðstafað til barnafjöl-
skyldna og eru sumar þeirra mjög
stórar. Þá hefur bærinn einnig
keypt nokkur hús til að bjarga fólki
af götunni. — Hér hefir í
stórum dráttum verið greint
frá því ástandi, sem ríkt hefur í
húsnæðismálum hér í bæ að und-
anförnu, og þeim aðgerðum, sem
bærinn hefur haft til úrbóta. Stuðl-
að hefur verið að byggingu verka-
mannabústaða, keypt íbúðarhús,
veittar ábyrgðir fjölda manns
vegna húsbygginga og húskaupa,
höfð nefnd á vegum bæjarstjórnar
til að veita fólki fyrirgreiðslu. Allt
þetta hefur bjargað fjölda fólks af
götunni, og ég efast um að nokkur
annar bær hér á landi hafi veitt
meiri opinbera aðstoð í þessum
málum, en gert hefur verið hér.
Alþýðuflokurinn mun stuðla að Jwí
á allan hátt, að ráðin verði bót á
húsnæðiseklunni, og mun þá hverju
sinni fara þær leiðir, er heppileg-
as'tar og hagkvæmastar þykja.
Hverjir greiddu
atkvæði á móti
byggingu Bæjarbiós
Það voru Þorleifur Jónsson og
Stefán Jónsson, sem nú skipa efstu
sæti á lista þeirra íhaldsmanna við
bæjarstjórnarkosningarnar hinn 29.
jan. n. k.
Menn athugi svo að ef ekkert
Bæjarbíó hefði verið byggt, J^á
hefði ekki gefið að líta hina glæsi-
legu byggingu á Hörðuvöllum,
elliheimilið. Þá væri bæjarsjóður
Ilafnarfjarðar nú urn einni milljón
króna fátækari.
Viljið þið Hafnfirðingar svona
ráðsmennsku, sem þeir tvímenn-
ingarnir sýndu í þessu máli
Nei, svarið er þann 29. jan. n. k. :
X A-listinn
Hverjum treystið
þið betur ?
Hvorum treystið þið betur, hafn-
firzkir kjósendur, til að stjórna bæn
um næstu 4 árin, Kristjáni Andrés-
syni eða Alþýðuflokknum með
hreinum meirihluta?
Svarið er auðvelt.
En hvert atkvæði, sem fellur á
lista íhaldsmanna, er Kristjáni
Andréssyni til framdráttar. Hug-
leiðið þetta allt þar til þið hafið
krossað á kjörseðilinn 29. þ. m.
Munið að A-listinn er listi Al-
þýðuflokksins í Hafnarfirði.
X A-listinn
Menn spyrja og spyrja: Hvaða á-
stand skapast hér, ef íhaldið og
kommar ná meiri hluta? Er þá
meint að kommar fái einn kjörinn
í bæjarstj., íhaldið 4. Það er víst að
Alþýðuflokkurinn semur ekki um
að stjórna bænum næstu 4 árin með
kommum. Það er og víst að sam-
vinna við íhaldið af hendi Alþýðu-
flokksins kemur ekki til mála. Til
þess er hugur þeirra íhaldsmanna,
Alþýðuflokksmönnum of kunnur
til ýmsra þeirra framfaramála, sem
nú eru í framkvæmd hér, til þess
að þeir geti gengið inn á nokkra
sanminga við íhaldið um skerðingu
eða stöðvun á nauðsynlegum at-
vinnu- og menningarmálum Hafn-
firðinga. T. d. er íhaldið á móti
rekstri Bæjarbíós, móti Bæjarút-
gerðinni, móti framkv. í Krýsuvík
o. s. frv. Hvernig gætu skoðanir
Alþýðuflokksins og íhaldsins hér
mætst í þessum málum t. d.?
íhaldið mun sjálfsagt segja að
það muni viðhalda Bæjarútgerð-
inni, en trúir nokkur maður þá
að það myndi efla hana?
Nei, því trúir enginn Hafnfirð-
ingnr. Þá er ein leið eftir, og hún
er sú, að íhald og kommar mynd-
uðu hér spyrðuband og þá kæmi
Isafjarðarævintýrið endurfætt í
Hafnarfirði. En það er einmitt
þetta, sem ekki má ske og Hafn-
firðingar láta ekki ske. Það er full
víst.
Hinsvegar, ef íhald og kommar
reikna með að fá hér meirihluta
sameinaðir, þá er bezt að þeir viti
það strax og afdráttarlaust, að þá
verða þeir að bera ábyrgð á þeim
ógæfusama meirihluta, sem þann-
ig skapaðist.
Það er þetta, sem menn verða
að hafa hugfast þegar þeir ganga
í kjörklefann hinn 29. jan. n. k.
Og ef menn hafa þetta vel í liuga,
áður en krossinn er gerður, þá
verður hér ekkert ísafjarðarævin-
týri, heldur áframhald á þeirri
braut, sem Alþýðuflokksmeirihlut-
inn hefur gengið s. 1. 24 ár, Hafn-
firðingum til blessunar.
X A-listinn
42 á fundi
Einsdæmi um lélep
fundarsókn
Síðastliðna daga hafa 3 sjólfstæðisfélögin í Hafnarfirði
haft mikinn viðbúnað, því sameiginlega skyldi halda stóran
fund í íhaldshöllinni s. 1. fimmtudagskvöld. Fundartíminn rann
upp og fundarmenn fóru að týnast að hreiðrinu, og varð
þessi fundur lögmætur þar eð 42 frómar sálir mættu til að
hressa upp hugann. Má segja að rétt naumlega náðist sam-
anlögð tala frambjóðenda og meðmælenda. Mun hér vera
um að ræða eindæma fundarsókn!!! og hreinasta furða að
eftir að búið var að auglýsa fundinn oftsinnis í blöðum og
útvarpi, skulu 3 aðalfélög þeirra íhaldsmanna geta aðeins
náð í 42 FUNDARMENN.
Ekkert e reins sláandi um fylgishrun þeirra íhaldsmanna,
sem þessi fundur. Má segja að með hverjum degi nú, sem
nær kosningum líður, fylki sér fleiri og fleiri til fylgis við
A-listann, en snúi frá íhaldi og kommum.
Það má líka minna á að af þessum 42 voru nokkrir, sem
fóru á fundinn fyrir forvitnissakir, svo að tala þessi gefur ekki
rétta hugmynd um áhugaliðið.
Fylgishrunið af þeim íhaldsmönnum er staðreynd, sem
sannast mun áþreifanlega að loknum kosningum hinn 29.
janúar næst komandi.