Tímarit lögfræðinga - 01.06.1969, Side 67

á og umsjónar með daglegum framkvæmdum sé fenginn
öðrum. Háskólaritari hefur til þessa liaft nokkru hlut-
verki að gegna á þessu sviði, en lögin stefna að því, að
staða hans verði sjálfstæðari um daglega stjórn ýmissa
mála, þótt yfirstjórnin sé í hendi rektors. Ákvæði um
þessi efni eru þó nokkuð almennt orðuð og veltur þvi
mjög ó framkvæmdinni.
Lögin gera ráð fyrir eða opna að minnsta kosti leiðir til
})ess, að stúdentar hafi nokkru meira aðhald en verið hef-
ur, þótt grundvallarreglur um „akademískt“ frelsi séu
hins vegar ekki skertar.
Jafnframt því, sem lögunum hefur verið hreytt, eru á
döfinni ýmsar breytingar á reglugerð Háskólans, einkum
varðandi námstilhögun, námsefni og próf. Að því er laga-
deildina snertir eru fullmótaðar tillögur ekki komnar
fram. Þess má þó geta, að mjög hefur verið rætt um
meiri fjölbreytni og valfrelsi í námi, en verið hefur, jafn-
vel þannig, að námstími til almenns lagaprófs yrði eitt-
hvað styttur, en jafnframt opnuð leið til framhaldsnáms
á sérsviðum og ef til vill próf. Gætu þá eldri kandídatar
tekið þátt i slíku sérnámi. Sumir hafa viljað koma námi
í sérgreinum að, áður en almennt próf er tekið. Eins og'
fyrr var getið, er allt þetta efni í deiglunni og þess getið
hér til umhugsunar.
Nýr rektor.
Ármann Snævarr, sem undanfarin níu ár hefur gegnt
rektorsstarfi af miklum áhuga, dugnaði og ósérhlífni, svo
sem raun her vitni, gaf ekki kost á sér til endurkjörs.
Kjörinn var Magnús Már Lárusson prófessor. Hann er
guðfræðingur að mennt, en hefur mjög hallazt að sagn-
fræði. Á því sviði hefur hann unnið margvísleg rannsókn-
ai'störf og samið merkar ritgerðir. Meðal annars hefur
hann verið í ritstjórn Nordisk Kullurleksikon og ritað þar
margt um íslenzk efni.
Tímarit lögfræðinga
lól