Tímarit lögfræðinga - 01.11.1978, Qupperneq 21

stúlkna átti að hafa allt annan tilgang. Uppeldi þeirra átti að miða
við það, að það væri frumskylda hverrar konu að gera lífið sem
þægilegast fyrir karlmanninn og átti að innræta þeim slíkt frá fyrstu
bernsku.
Þótt liðnar séu meira en tvær aldir síðan bók þessi var skrifuð, þá
hafa skoðanir þær, sem þar voru settar fram um uppeldi og menntun
stúlkna, orðið býsna lífseigar og verið einn stærsti þröskuldurinn í
vegi fyrir raunverulegu jafnrétti kynjanna.
Það er mjög takmarkað hverju löggjöf getur áorkað í þá átt að
breyta viðhorfum manna. Viðhorf manna mótast yfirleitt í barnæsku
vegna áhrifa frá foreldrum, leikfélögum og skólum. Löggjöf getur
haft áhrif á skóla og skólastarfið, en hvað foreldra og leikfélaga snertir
þá verður að reyna að sannfæra þá um að viðhorfsbreytingar séu
æskilegar.
Uppeldi og menntun skipta miklu máli um mótun viðhorfa barna
til jafnréttismála. Það er því afar mikilvægt að kennslubækur og
önnur kennslutæki viðhaldi ekki hefðbundnum skoðunum í jafnréttis-
málum. Að þessum málum er unnið á öllum Norðurlöndunum.
1 7. gr. ísl. jafnréttislaganna segir: „1 skólum og öðrum mennta- og
uppeldisstofnunum skal veita fræðslu um jafnrétti kvenna og karla.
Kennslubækur og kennslutæki, sem þar eru notuð, skulu vera þannig
úr garði gerð og hönnuð, að kynjum sé ekki mismunað."
Óhætt er að fullyrða, að flestir eru sammála um, að það er forsenda
raunverulegs jafnréttis karla og kvenna að bæði kynin hljóti sömu
menntun. Skipting á verklegu námi eftir kyni nemenda hefur átt drjúg-
an þátt í að viðhalda skoðunum um mismunandi hæfni karla og kvenna.
Þetta kemur skýrt fram í mismunandi starfsvali og framhaldsnámi
unglinga. Það er því skylda skólanna að sjá um, að fullt jafnrétti komist
á milli pilta og stúlkna í verklegu námi í grunnskóla og að hvetja
nemendur til að afla sér góðrar starfsmenntunar.
Atvinna.
Menntunarskortur kvenna er stór þáttur í lágum launakjörum þeirra.
Því er mikilvægt að sérstakt átak verði gert til að auka menntun kvenna
m.a. með því að gera þeim auðveldara að afla sér menntunar. Jafnrétt-
islög leysa ekki vanda hinna lægstlaunuðu. Það er verkefni aðila vinnu-
markaðarins og stjórnvalda.
Á öllum Norðurlöndunum eru nú komin lög, sem tryggja konum og
körlum jöfn laun fyrir jafnverðmæt og sambærileg störf og banna at-
vinnurekendum að mismuna starfsfólki eftir kynferði. Laun og önnur
115