Alþýðumaðurinn - 22.11.1949, Side 3

Þriðjudagur 22. nóvember 1949
ALÞÝÐUMAÐURINN
! ALÞÝÐUMAÐURINN
Útgefandi:
AlþýfSuflokksféiag Akureyrar
Ritstjóri:
BRAGI SIGURJÓHSSON
Bjarkastig 7. Sími 604.
VerB 15.00 kr. á ári.
Prentsmiðja Björns Jómsonar h.f.
Jón Sveinsson
sextugur
Næstkoiliandi föstudag 25. þ. m.
veröur Jón Sveinsson fyrrverandi
bæjarstjóri sextugur. Hann kom
bingað til Akureyrar árið 1919, þeg-
ar ákveðið hafði verið, að hér yrði
sett á stofn bæjarstjóraembætti í
stað oddvita bæjarstjórnar, sem áð-
ur var bæjarfógetinn hér. Jón hafði
þá nýlokið lögfræðisnámi, sama
vorið og hann kom hingað, og bæj-
arstjórastarfinu gegndi hann næstu
15 árin á eftir til ársins 1934. Bæj-
arfulltrúi var Jón kosinn árið 1934
til ársins 1938 og 1942 til 1946. Jón
Sveinsson er því einn þeirra manna,
sem lengst og mest afskipti hefir haft
af bæjarmálum hér á síðastliðnum
30 árum, fyrst sem bæjarstjóri og
síðar sem bæjarfulltrúi, enda fer
það ekki milli mála, að hann er öðr-
um mönnum hér kunnugri ýmsum
málefnum bæjarins, og mætti þar
sérstaklega tilnefna lóðamál, enda
hefir honum verið falið það starf af
bæjarstjórn að skrásetja lóðir bæj-
arins, athuga um eignaheimildir að
þeim og fleira. í sambandi við þær,
sem kunnugustum manni í þeim efn-
um. Fram að þeim tíma, er Jón kom
hingað sem bæjarstjóri, hafði verið
venja, að bærinn seldi byggingalóð-
ir undir íbúðarhús og aðrar bygg-
ingar einstaklinga og félaga, en strax
eftir að bærinn fékk bæjarstjóra,
var hætt við að selja lóðirnar og þær
leigðar fyrir mjög lágt eftirgjald. Þá
voru og fyrstu framkvæmdir hafnar
að rafmagnsveitu fyrir bæinn hér
við Glerána, sem leitt hafa af sér
stærri framkvæmdir, vatnsveita bæj-
arins stóraukin, byggð ytri bryggj-
an hér á Torfunefinu ásamt hafnar-
kvínni og hrundið af stað gatna-,
holræsa- og gangstéttagerð í bænum,
byggt stórt barnaskólahús og fleira.
Jón er austlenzkur að ætt, fæddur
að Árnastöðum í Loðmundarfirði
25. nóv. 1889. Foreldrar hans voru
hjónin Sveinn Bjarnason og Sigríð-
ur Bjarnadóttir, er síðar bjuggu í
Húsavík í Borgarfirði eystra. Strax
að fermingu lokinni réðist hann lil
Einars Þórðarsonar prests að Desja-
mýri og dvaldist þar tvö næstu árin,
en að þeim loknum fór Jón að búa
sig undir nám og naut undirbúnings
undir gagnfræðaskólanám hjá séra
Birni Þorlákssyni á Dvergasteini.
Meðan Jón var í skóla, stundaði
hann útgerð á Austfjörðum og afl-
aði þannig fjár til skólanáms.
Jón Sveinsson virðist hafa verið
mjög hneigður fyrir atvinnurekstur
eins og sjá má á útgerð hans á
skólaárunum, því að slíkt mun fá-
títt, að þeir, sem nám slunda að
vetrinum til, reki á eigin spýtur að
sumrinu útgerð, þó að í smáum stíl
sé. Jón var alinn upp við landbúnað
og þekkti því fjórrækt. Ilér á Akur-
eyri varð því landbúnaðurinn eitt af
áhugamálum hans, sem meðal ann-
ars kom fram í því að eignast, á ak-
ureyskan mælikvarða, talsvert mynd-
arlegt sauðfjárbú, meðan hann var
bæjarstjóri, og mun stutt síðan hann
hætti þessari fjáreign sinni.
Eftir að Jón Sveinsson hvarf frá
bæjarstjórastarfinu, setti hann hér
upp lögfræðisskrifstofu, en mun nú
að mestu hættur að stunda lögfræð-
isstörf, enda haft öðrum störfum að
gegna, þar sem hann var skipaður
árið 1942 rannsóknardómari í
skattamálum, og hefir haft með
höndum starf fyrir Akureyrarbæ,
eins og áður hefir verið skýrt frá.
Árið 1920, 25. nóv. gekk Jón að
eiga Fanneyju Jóhannesdóttur verzl-
unarmanns á ísafirði. Eiga þau hjón-
in nú 29 ára hjúskaparafmæli um
leið og Jón á sextugsafmælið.
Þau hjónin Jón og Fanney eiga
miklum vinsældum að fagna hér í
bæ, og munu því margir bæjarbúar
óska þeim heilla á þessum afmælis-
degi þeirra.
Erlingur Friðjónsson.
SYSTRABRÚÐKAUP
S. 1. laugardag voru gefin saman
að Völlum í Svarfaðardal af séra
Stefóni Snævar Rósa María Sigurð-
ardóttir, Sigtúnum, Dalvík, og Þor-
valdur Jónsson, bókbindari, Lög-
bergsgötu 3, Akureyri. Einnig voru
þá gefin saman þar Elín Sigurðar-
dóttir, Sigtúnum, Dalvík, og Óskar
Jónsson, bílstjóri, Dalvík.
Aðalfundur Auslfirðingafélagsins á Ak-
ureyri verður haldinn að Hótel Kea mið-
vikudaginn 30. þ. m. kl. 8.30 síðdegis.
Venjuleg aðalfundarstörf, og að fundi
loknum verður spilað ef tími vinnst til.
Fjölmennið og mætið stundvíslega.
Stjórnin.
TILKYNNING
frá Fjárhagsráði
<c
Frá og með 21. nóv. mun fjárhagsráð veita móttöku nýjutn
umsóknum um fjárfestingarleyfi fyrir órið 1950.
í því sambandi vill ráðið vekja athygli væntanlegra urnsækj-
enda á eftirfarandi atriðum:
1. Eyðublöð fyrir umsóknir er hægt að fá hjá skrifstofu ráðs-
ins í Arnarhvoli, Reykjavík, og hjá oddvitum og bæjarstjór-
um í öllum sveitarfélögum landsins utan Reykjavíkur.
2. Nauðsynlegt er að sækja um fjárfestingarleyfi fyrir öllum
nýbyggingum, sem áætlað er að kosti meira í efni og vinnu
en 10.000.00 kr., og ennfremur til byggingar útihúsa og vot- ■
heysgryfja, enda þótt þær framkvæmdir kosti innan við þá
fjárhæð. Um fjárfestingarleyfi þarf ekki að sækja vegna
•viðhalds eða framkvæmda, sem kosta innan við 10.000,00,
kr., er mönnum þó ráðlagt að senda fjárhagsráði umsóknir
urn efnisleyfi.
3. Fjárhagsráð hefir horfið að því ráði að þessu sinni að .
ókveða ekki sérstakan umsóknarfrest, heldur mun ráðið: ■
veita umsóknum móttöku um óákveðinn: tíma.' Þyki síðar
óstæða til að ákveða annað, verður það gert með nægum
« fyrirvara.
4. Ollum þeirn, sem fjárfestingarleyfi hafa fengið á þessu ári,
hefir verið sent hréf og eyðublað til endurnýjunar. Skal
beiðni um endurnýjun vera konrin til fjárhagsráðs eða póst-
\ V'
lögð fyrir 31. des. þ. á.
Reykjavík, 17. nóv. 1949.
Fjárhagsráð.
Frá Landssímanum
Þeir sem hafa pantað síma á Akureyri fyrir 1. janúar 1949,
þurfa að hafa endurnýjað pöntun sína skriflega fyrir 27. þ. m.,
að öðrum kosti skoðast hún úr gjldi fallin.
Breytingar og leiðréttingar á símaskránni þurfa einnig að
sendast fyrir 27. þ. m.
Símastjórinn.
AUGLÝSING-
Bæjarstjórn Akureyrar hefir samþykkt að leita tilboða urn
leigu á nýju dráttarbrautinni á Oddeyrartanga.
Allar nánari upplýsingar eru gefnar á skrifstofu bæjarstjóra.
Tilboðum sé skilað fyrir 5. desember næstkomandi.
Bæjarsf-jóri.