Vesturland - 30.10.1970, Blaðsíða 2

2
scna aJés'jnœxxn sttAoFSjæsisxioom
VJ sjsns sÆs'jFKzyim sansRsyjssvsmma
Útgefandi: Kjördæmisráð Sjálfstæðisflokksins í Vest
fjarðakjördæmi.
Blaðnefnd: Guðmandur Agnarsson, Bolungarvík, Halldór
Bernódusson, Suðureyri, Sigurður Jónasson, Patreksfirði,
Sigurður Sv. Guðmundsson, Hnífsdal, Úlafr Ágústsson, Is.
Ábyrgðarmaður: Finnur Th. Jónsson
Afgreiðsla: Uppsölum — Sími 3062.
Prentstofan Isrún hf., Isafirði.
--------------—-------------------------—-----------1
Menntaskólinn á Isafiröi
Menntaskólinn á ísaíirði var settur í fyrsta sinn 3. okt. sl.
Þar með hófst nýr þáttur í sögu fræðslumála á Vestfjörð-
um, og á þeirri stundu rættust vonir, sem margir Vest-
firðingar munu hafa alið í brjósti.
Óþarí't er að rekja hér aðdraganda að stofnun Mennta-
skólans á fsafirði, hann er Vestfirðingum kunnur, en skylt
er að þakka þeim mönnum, sem einarðlegast hafa barizt
fyrir framgangi þess máls, bæði þeim fjölmörgu innan-
héraðsmönnum sem ötuiast sóttu fram, og einnig utanhéraðs-
mönnum, er veittu málinu lið.
Þótt Menntaskólinn á ísafirði muni um ófyrirsjáanlegan
tíma gegna stóru hlutverki fyrir Vestfirði og Vestfirðinga,
þá er hann og verður jafnframt skóli allrar þjóðarinnar. Og
um það verður spurt, þegar hann verður dæmdur í fram-
tíðinni, hvern þátt nemendur hans hafa átt í því að hefja
íslenzka þjóð til aukinnar farsældar og aukins þroska.
Þá vaknar sú spurning, á hvern hátt helzt megi hrinda
á leið hag skólans, svo að orðstír hans verði sem mestur í
framtíðinni.
Þessi spurning varðar Vestfirðinga miklu, því að fyrir
þeirra tilstilli var skólinn stofnaður. Eins og fram hefur
komið í ræðu og riti, er gert ráð fyrir því, að auk náms-
kjarna menntaskóla, verði við skólann valfrjálst námsefni
til undirbúnings í þágu atvinnuveganna t.d. fiskiðnaðar. En
til þess að svo megi verða, þarf að útbúa skólann ýmis konar
sérbúnaði. Er ekki ástæða fyrir einstaklinga og þó einkum
atvinnufyrirtæki og sveitarstjómir á Vestfjörðum, að styrkja
skólann með fjárframlögum til að kaupa á þeim sérhúnaði,
jafnhliða fjárveitingum rikis, sem væntanlega fara fyrst
um sinn til nauðsynlegrar uppbyggingu og reksturs skólans?
Þessu er varpað hér fram, sem svari við spumingunni. Á
hvern hátt megi efla hag skólans?, og jafnframt flýta fyrir
menntun sérhæfðra manna til sfcarfa í þágu atvínnuveganna.
sem því miður virðist vera hörgull á í flestum atvinnugrein-
um. Því betur, sem skólinn er búinn kennslutækjum og að-
stöðu til kennslustarfa þeim mun auðveldar verður að fá
góða kennara til starfa við hann.
Skólameistari við Menntaskólann á ísafirði er Jón Baldvin
Hannibalsson, maður fjölmenntaður. Með honum liefur val-
izt til kennslu ungt fólk. Óhætt mun að fullyrða, að þetta
unga fólk mun halda ótrautt á merki skólans til vaxandi
virðingar, svo lengi sem þess nýtur og viðunandi starfsað-
staða er fyrir hendi.
Að lokum er það ósk Menntaskóanum á lsafirði til handa,
að hinn fámenni hópur nemenda, sem hóf nám sitt í skól-
anum nú í haust, verði vísir að margfallt stærri hóp nem-
enda, er hefiir göngu sína við skólann ár hvert, og þeir
æskumenn, sem þaðan hverfa, verði íslenzku þjóðfélagi til
gagns og virðingar.
Meiritalutaflokkarnir gefast...
Framhald af 1. síðu
Reiðileysið i meðferð bæjar-
málanna, skortur á samstarfs
vilja og bæjarstjórakjörið eru
orsakir samvinnuslita meiri-
hlutaflokkanna.
ÞEIR HAFA GEFIST UPP.
TYLLIÁSTÆÐA
Til þess að dylja framan-
greindar staðreyndir, er nú
sett á svið sú tylliástæða fyr
ir samvinnuslitunum, að Barði
Ólafsson, bæjarfulltrúi Fram-
sóknar, hafi svikið samkomu-
lag meirihiutaflokkanna varð
andi ráðningu í starf skrif-
stofustjóra bæjarins.
Barði lýsti þó strax yfir
stuðningi við Magnús Reyni
Guðmundsson í starfið, en
umsókn þess manns, sem hin-
ir bæjarfulltrúar meirihlutans
studdu, kom fram löngu síð-
ar.
Það er ekkert einsdæmi, að
bæjarfulltrúi meirihluta hafi
greitt atkvæði með minnihlut-
anum við ráðningu í störf hjá
bænum og bæjarstofnunum,
án þess að til samvinnuslita
hafi komið.
Nú þótti hins vegar henta
að grípa tækifærið. Barði Ól-
afsson, ungi maðurinn, sem
Framsókn ætlaði að leiða til
áhrifa í bæjarstjóm Isafjarð-
ar, er nú yfirlýstur, sem póli-
tízkur óbótamaður í höfuð-
málgögnum meirihlutaflokk-
anna.
Þessar ásakanir voru jafnvel
birtar í Tímanum, án þess að
Barða væri jafnframt gefinn
kostur á að láta í ljós álit
sitt í sama blaði.
Slík framkoma er hlutað-
eigandi aðilum til skammar.
Trúi þeir, sem trúa vilja,
að kosning í starf skrifstofu-
stjóra bæjarins hafi raunveru
lega leitt til samvinnuslita
meirihlutaflokkanna. Þeir,
sem trúa, bera ekki mikið
skynbragð á stjómmál.
Á fölskn nótunum
Orðrétt sagði Jón Á. Jó-
hannsson, skattstjóri, þessi
orð á framboðsfundinum í
Alþýðuhúsinu fyrir bæjar-
stjórnarkosningarnar:
„Mig langar til að skjóta
því hérna inn í, að áróður-
inn gegn unga fólkinu er m.a.
sá, að annar maður á listan-
um, Barði, jú hann spili. Ég
fullyrði, að við Barði spilum
ekki falskt, við látum þeim
það eftir þessum herrum, sem
sitja hérna beggja megin við
mig.“
Barði hefur hingað til verið
talinn sæmilega lagviss, en
Tilkynning
FRÁ BARNASKÖLA ÍSAFJARÐAR
Samkvæmt tillögu Fræðsluráðs Isafjarð-
ar hefir bæjarstjórn samþykkt „að
bæjarsjóður ísafjarðar greiði 3/4 hluta
af kostnaði við almennar tannviðgerðir
skólabarna frá 1. marz sl.”
En þar sem enginn samningur við tann-
lækni er nú í gildi varðandi tannviðgerð-
ir nemenda í barnaskólanum, verða að-
standendur barnanna sjálfir að koma
þeim til tannlæknis.
Isafirði, 7. október 1970.
Skólastjóri.
Bændnr
Stofnlánadeild landbúnaðarins vill minna bændur
á það, að frá og með árinu 1971 þurfa teikningar
samþykktar af Teiknistofu landbúnaðarins, að
fylgja með Iánsumsóknum til deildarinnar.
STOFNLÁN ADEILD
LANDBÚNAÐARINS.
Dánardægur
Gísli Jónsson, fyrrum al-
þingismaður lést í Reykja-
vík hinn 7. október sl.
Þessa merka athafna- og
stjórnmálamanns verður
minnst nánar í næsta blaði.
hvernig hefur skattstjóranum
gengið að stilla sína strengi?
HVAÐ ER FRAMUNDAN ?
Ekki er líklegt að formlegur
meirihluti verði myndaður inn
an bæjarstjórnar í bráð.
Sameining Isafjarðar og Eyr
arhrepps virðist nú skammt
framundan, ef vel er á mál-
um haldið.
Þá verður að sjálfsögðu
efnt til bæjarstjómarkosninga
í hinu nýja sveitarfélagi, og
jafnframt gefst ísfirðingum
lækifæri, til þess að leggja
dóm á þá atburði, sem nú
hafa gerzt.
Þeim dómi kviði ég ekki.
Högni Þórðarson.
Dánardægur
Hinn 13. þ.m. andaðist
Kristjana S. Gísladóttir,
Smiðjugötu 1, Isafirði, kona
Arnórs Magnússonar, skip-
stjóra.
Þeim hjónum varð 8 bama
auðið, en auk þess ólu þau
upp sonarson sinn. Eru 7 af
börnum þeirra á lífi.
Kristjana var fædd 4. júlí
árið 1900 og átti heima á ísa-
firði alla ævi.
Hún var hin mætasta kona
í hvívetna.
Húseignir til sölu
við Aðalstræti, Túngötu og
Seljalandsveg á ísafirði.
Upplýsingar gefur
Jón Grimsson
Aðalstræti 20, ísafirði.