Fréttablaðið - 27.03.2010, Blaðsíða 47

Rómantísk gisting
Mörg brúðhjón kjósa að gista á hóteli brúðkaupsnóttina sjálfa í stað þess að sofa heima hjá sér. Mörg-
um þykir það gera nóttina og morguninn eftir eftirminnilegri en ella. Flest hótel bjóða upp á sérstaka til-
boðspakka sem ætlaðir eru brúðhjónum og innihalda þeir gjarnan einhvers konar dekur í tilefni dagsins.
Hótel Glymur
Í náttúrufegurðinni í Hvalfirði stendur Hótel Glymur sem er vin-
sæll staður meðal brúðhjóna. Þar geta þau valið milli minni
brúðarsvítu á tveimur hæðum sem skreytt er sérstaklega í til-
efni dagsins eða stærri lúxussvítu. Hansína B. Einarsdóttir,
framkvæmdastjóri Hótels Glyms, segir brúðhjónin fá að dvelja
í herberginu til klukkan fimm næsta dag og því geti þau tekið
það rólega morguninn eftir. „Það er mikið um að brúðhjón
komi og eyði nóttinni hjá okkur. Mest höfum við leigt út sjö
brúðarsvítur sama daginn. Það er einnig mjög vinsælt að gestir
beri upp bónorðið hér hjá okkur og við höfum mikið verið í því
að fela hringa hingað og þangað,“ segir Hansína. Aðspurð segir
hún ekki mikinn mun á bókun brúðarsvíta eftir árstíðum því
erlend brúðhjón dvelji gjarnan á hótelinu á haustin og vorin.
FRÉTTABLAÐIÐ/VILHELM
Hótel Borg
Hið sögufræga Hótel Borg er vinsæll gististaður meðal brúðhjóna og býður upp á rómantískan brúðkaupspakka sem
innifelur freyðivín við komu, máltíð á Silfri og ávaxtakörfu á herbergið. Ragnhildur Gunnarsdóttir, gestamóttökustjóri
á Hótel Borg, segir brúðhjón einnig bóka venjulegar svítur við þetta tilefni auk þess sem turnsvítan sé oft bókuð fyrir
brúðhjón. „Hún er á tveimur hæðum og þaðan er útsýni yfir alla borgina. Við fáum mikið af erlendum brúðhjónum til
okkar sem gista þá oftast lengur en eina nótt og bókun brúðarsvíta dreifist nokkuð jafnt yfir árið,“ segir Ragnhildur.
FRÉTTABLAÐIÐ/STEFÁN
Hótel
Saga
býður upp á
tvo mismun-
andi brúð-
kaupspakka
fyrir brúðhjón,
annars vegar
er hægt að
velja um gist-
ingu í svokall-
aðri junior-
svítu eða for-
setasvítunni.
Innifalið í
pakkanum er
miðnætur-
snarl, freyðivín,
morgunverður
upp á herbergi, súkkulaðikonfekt, rós og
baðsloppur. Anna Kristín Kristinsdóttir, sölu-
fulltrúi á Hótel Sögu, segir junior-svíturnar
vera hvað vinsælastar enda séu þær með-
alstórar og fallegar. „Það er mjög vinsælt að
brúðhjón gisti hjá okkur á brúðkaupsnótt-
inni sjálfri. Bókun brúðarsvíta dreifist nokk-
uð jafnt yfir árið en það er auðvitað mest
um slíkar bókanir yfir sumartímann.“ Einnig
er hægt að panta rómantískan pakka sem
innifelur að auki rómantískan málsverð á
veitingastaðnum Grillinu.
FRÉTTABLAÐIÐ/ANTON
BRÚÐKAUPSGJAFALISTI er bæði brúðhjónum
og gestum til gagns. Slíka lista er hægt að útbúa
hjá allflestum verslunum sem selja húsbúnað.
Ef haldin
er lítil brúð-
kaupsveisla
er tilvalið að
allir sitji við eitt
langborð. Á milli
rétta geta allir,
nema brúðhjón-
in og foreldrar,
skipt um sæti.
Þannig hitta allir
alla og allir tala
saman.
brudurin.is
Afgreiðslutími: Virka daga 10-18 og laugardaga 11-15
Reykjavík: Mörkin 4, s: 533 3500 Akureyri: Hofsbót 4, s: 462 3504
Afgreiðslutí i: Virka daga 10-18 og laugardaga 11-15
Reykjavík: Mörkin 4, s: 533 3500 Akureyri: Hofsbót 4, s: 462 3504
H O M E F A S H I O N
Zeus heildverslun - Sia
Austurströnd 4 • 170 Seltjarnarnes