Fréttablaðið - 18.08.2010, Side 6

6 18. ágúst 2010 MIÐVIKUDAGUR
FRÉTTASKÝRING
Hverjar eru afleiðingar monsún-
flóðanna í Pakistan?
PAKISTAN Monsúnflóðin í Pakistan
hafa kostað meira en 1500 manns
lífið. Nærri 900 þúsund hús hafa
gereyðilagst eða skemmst illa og
uppskeran af meira en þremur
milljónum hektara af ræktarlandi
er ónýt. Flóðin hafa haft alvarleg
áhrif á líf nærri 20 milljóna manna
og meira en 700 þúsund manns
hefur þurft að bjarga úr beinni
hættu.
Milljónir manna bíða enn eftir
neyðaraðstoð, þrátt fyrir þrot-
laust starf heimamanna og víð-
tæka aðstoð að utan. Alþjóðastofn-
anir og innlend líknarfélög hafa
unnið hörðum höndum að því að
koma matvælum, vatni og lyfjum
til fólks á þeim svæðum sem verst
hafa orðið úti.
Verst hefur ástandið verið í hér-
uðunum Púnjab og Sind, og enn má
búast við auknum flóðum í Sind-
héraði neðarlega í Indusfljóti
næstu tvo daga.
Alþjóðlegar hjálparstofnanir
segja þó að viðbrögðin við beiðni
um fjárhagsaðstoð frá öðrum lönd-
um hafi ekki verið jafn rausnarleg
og vonast var til.
Asaf Ali Zardari, forseti Pak-
istans, viðurkenndi sömuleiðis
í gær að stjórnvöld heima fyrir
hefðu ekki brugðist við af nægum
krafti.
„Jú, ástandið gæti verið betra.
Jú, gera hefði mátt frekari ráð-
stafanir. Jú, allt hefði getað verið
betra. Því miður,“ sagði hann á lok-
uðum fundi með innlendu hjálpar-
starfsfólki. „Við verðum samt að
halda áfram þrátt fyrir þá gagn-
rýni sem við fáum,“ bætti hann
svo við.
Zardari beið mikinn álitshnekki
þegar hann ákvað að halda í ferða-
lag til Evrópu í síðustu viku þegar
flóðin voru að komast í hámark.
Venjulega færir monsúntíðin
Pakistan langþráða úrkomu síð-
sumars í kjölfar steikjandi sum-
arhitanna. Oft fylgja úrhellinu þó
flóð, en þau eru mismikil og þetta
árið eru þau verri en þekkst hefur
í áttatíu ár.
Tjónið af völdum flóðanna í ár
verður meira en tjónið sem varð af
jarðskjálftanum mikla þar í landi
árið 2005.
Ban Ki-moon, framkvæmda-
stjóri Sameinuðu þjóðanna, heim-
sótti flóðasvæðin á sunnudag og
sagði þessi flóð ekki eiga sér for-
dæmi, þess vegna þurfi líka meiri
aðstoð þangað en áður eru for-
dæmi fyrir.
Sameinuðu þjóðirnar óskuðu í
síðustu viku eftir fjárframlögum
upp á 459 milljónir dala, eða um
55 milljarða króna, til neyðarhjálp-
ar. Stjórnvöld í Pakistan fullyrða
að nú þegar hafi borist fé eða lof-
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
Vilt þú að lögregla fái heimildir
til að rannsaka einstaklinga án
þess að grunur sé um ákveðið
brot?
Já 45,0%
Nei 55,0%
SPURNING DAGSINS Í DAG:
Fannst þér rétt að færa yfir-
mann kynferðisbrotadeildar
til í starfi eftir ummæli hans í
fjölmiðlum?
Segðu þína skoðun á visir.is
Milljónir manna
bíða enn aðstoðar
Monsúnflóðin í Pakistan hafa raskað lífi 20 milljón manna og meira en 700
þúsund hefur verið bjargað úr beinni hættu. Zardari viðurkennir að viðbrögð
stjórnvalda hafi ekki verið nógu góð. Íslenska ríkið gefur 23 milljónir króna.
Monsúnflóðin í Pakistan
Flóðin í ár eru þau mestu sem orðið
hafa í 80 ár. Tjónið er meira en jarð-
skjálftinn mikli árið 2005 olli.
KÍNA
KASMÍR-HÉRAÐ
(stjórnað af Pakistan)
KASMÍR-HÉRAÐ
(stjórnað af Indlandi)
Kýber Paktúnva
Ættbálkasvæðin
BALÚKISTAN
PÚNJAB
SIND
INDLAND
Indusfljót
Arabíuflói
© Graphic News Heimild: Sameinuðu þjóðirnar
Taunsa
Multan
Chashma
Kalabagh
Lahore
Islamabad
Peshawar
Guddu
Sukkur
Kotri
Hyderabad
Karachi
Quetta
P A K I S T A N
Mikil áhrif
Nokkur áhrif
Stíflur í Indusfljóti
160 km
BÚSLÓÐINNI BJARGAÐ Nærri 900 þúsund hús hafa gereyðilagst eða skemmst illa
í flóðunum. NORDICPHOTOS/AFP
LÖGGÆSLUMÁL „Ég hafna ekki hug-
myndum um forvirkar rannsóknar-
heimildir lögreglu, en geld engu að
síður varhug við þeim. Ef af verður
er mikilvægt að strangt og gott eft-
irlit verði með þeim sem hafa slíkar
heimildir.“
Þetta segir Þórunn Sveinbjarn-
ardóttir, formaður þingflokks Sam-
fylkingarinnar, um hugmyndir
Rögnu Árnadóttur, dómsmála- og
mannréttindaráðherra, um forvirk-
ar rannsóknarheimildir til handa
lögreglu.
Þórunn undirstrikar að mjög var-
lega verði að stíga til jarðar þegar
um slíkar ráðstafanir sé að ræða.
„Við jafnaðarmenn höfum ætíð
viljað standa vörð um mannréttindi
fólks þegar heimildir lögreglu eru
annars vegar,“ segir hún og hrósar
jafnframt dóms-
mála- og mann-
réttindaráð-
herra fyrir að
setja jafn mik-
ilvæg mál og
þetta í almenna
umræðu áður en
réttarfarsnefnd
hafi fengið málið
til skoðunar.
„Ég geri mér
hins vegar vel grein fyrir því að
í baráttu við skipulagða glæpa-
starfsemi telur lögregla sig vanta
betri tæki og víðtækari heimildir
til að vinna gegn henni. Það eru
mikilvæg rök af hálfu lögreglu.
En þetta verður örugglega skoðað
mjög vandlega af hálfu ráðuneytis
og Alþingis.“
Stjórn Ungra vinstri grænna á
höfuðborgarsvæðinu sendi hins
vegar frá sér hörð mótmæli í gær
vegna hugmynda ráðherrans um
auknar rannsóknarheimildir lög-
reglu. „Með því að heimila njósnir
um einstaklinga án þess að fyrir
liggi rökstuddur grunur um sak-
næmt athæfi er ríkisvaldið komið
út á næfurþunnan ís,“ segir meðal
annars í yfirlýsingunni. - jss
ÞÓRUNN SVEIN-
BJARNARDÓTTIR
Þingflokksformaður Samfylkingar styður hugmyndir dómsmálaráðherra en Ung vinstri græn mótmæla harðlega:
Vill strangt eftirlit með forvirkum rannsóknum
orð um fé sem nemur 352 milljón-
um dala, jafngildi ríflega 42 millj-
arða króna.
Alþjóðabankinn sagðist í gær
ætla að leyfa að 900 milljónir dala
af þeim lánum, sem Pakistan hefur
þegar fengið hjá bankanum, megi
nota til hjálpar- og uppbyggingar-
starfs í staðinn fyrir önnur verk-
efni í landinu, sem féð var ætlað
til.
Samkvæmt tilkynningu frá utan-
ríkisráðuneytinu í gær hefur verið
ákveðið að íslenska ríkið leggi 23
milljónir króna til neyðarastoðar í
Pakistan. gudsteinn@frettabladid.is
Ég hafna ekki hug-
myndum um forvirkar
rannsóknarheimildir lögreglu,
en geld engu að síður varhug
við þeim.
ÞÓRUNN SVEINBJARNARDÓTTIR
ÞINGFLOKKSFORMAÐUR SAMFYLKINGAR
KJÖRKASSINN