Vísbending - 29.06.2009, Blaðsíða 4

4 V í s b e n d i n g • 2 6 . t b l . 2 0 0 9
framhald af bls. 3
framhald af bls. 1
Aðrir sálmar
Þetta er merkilegt
Margir halda því fram að mikil
ógn steðji að íslenskum landbúnaði ef
Íslendingar ganga í Evrópusambandið.
Um það er ekki deilt að búskaparhættir
munu breytast. Oft virðist það gleymast
í umræðunni að sú þróun hefur staðið
býsna lengi. Það virðist hafa farið framhjá
sumum. Þór Vigfússon, fyrrverandi
skólameistari á Selfossi, er alinn upp
í sveit og lærði á sínum tíma í Austur-
Berlín. Hann er trauðla einn af forkólfum
nýfrjálshyggjunnar. Í þættinum Út og
suður í sjónvarpinu 28. júní 2009 talaði
hann um mjólkurframleiðslu í Ölfusinu
þar sem hann býr:
„Ölfusið er einhver besta sveit
til hefðbundins búskapar á Íslandi.
Feykilega landmikil jörð, grasgefin og
það er nóg af heitu vatni og köldu vatni.
Þegar Jarðabókin fræga var gerð árið
1707 voru 90 býli í Ölfusinu, fleiri en í
nokkrum öðrum hreppi. Árið 1960 eru
í Ölfusinu 62 mjólkurframleiðendur
og hafa aldrei verið fleiri í nokkrum
hreppi á Íslandi. Svo hefur framþróunin
verið hraðari en nokkru sinni fyrr
og fyrir ellefu árum gerði ég sérstaka
könnun á því hvað það væru margir
mjólkurframleiðendur í Ölfusinu. Þá
voru þeir fjórir. Þá var komið mjög til
siðs að koma upp gistihúsum allskyns
með alls konar veitingum og það vildi svo
til að í Ölfusinu voru fjórir barir. Núna
er einn mjólkurframleiðandi í Ölfusinu,
raunar með margar kýr og framleiðir
mikið af mjólk, bar á öllum öðrum
bæjum og margir barir á sumum. Svona
er þetta. Afkoma Ölfusinga hefur aldrei
verið betri. Þetta er svolítið merkilegt.“
Skólameistarinn er örugglega
hliðhollur bændum. Íslendingar mikla
fyrir sér vandann við breytingar, en
gleyma því að hugsa hvort það sem við
tekur sé kannski miklu betra. Á sínum
tíma greiddu sumir þingmenn atkvæði
á móti litasjónvarpi. Sala á bjór mætti
mikilli andstöðu og var margfelld í
þinginu. Þúfnabaninn var tæki sem
sléttaði tún. Margir bændur voru mikið
á móti honum vegna þess að yfirborð
þýfðra túna væri stærra en sléttra. Sá sem
hefði sagt Ölfusingum það árið 1960
að afkoma þeirra yrði miklu betri, ef
mjólkurbúskapur legðist nánast af, hefði
verið talinn geggjaður. bj
Ritstjóri og ábyrgðarmaður: Benedikt Jóhannesson
Útgefandi: Heimur hf., Borgartúni 23,105 Rvík.
Sími: 512 7575. Myndsendir: 561 8646.
Net fang: visbending@heimur.is.
Prentun: Heimur. Upp lag: 700 eintök.
Öll réttindi áskil in. © Ritið má ekki afrita
án leyfis út gef anda.
Mynd 3: Útgjöld ríkissjóðs vegna atvinnuleysisbóta.
Upphæðirnar eru í milljörðum króna

Áætlað út frá meðal fjölda atvinnulausra og atvinnuleysisbótum á hverjum tíma
Áætlað út frá meðalfjölda atvinnulausra og atvinnuleysisbótum á hverjum tíma.
til muna þegar stutt er í að tímamörk á
bótum renni út. Líkurnar minnka hins
vegar talsvert ef bæturnar hækka. Enn
berast fréttir af atvinnurekendum sem
eiga í vandræðum við að manna störf.
Margir hafa ekki enn sætt sig við að
þurfa að taka verra starfi en þeir höfðu.
Þá hefur andinn í þjóðfélaginu breyst í
þá veru að mönnum þykir ekki lengur
skammarlegt að vera atvinnulausir
og þiggja bætur. Aukið eftirlit gerir
takmarkað gagn við að koma fólki aftur í
vinnu. Stærra bil milli atvinnuleysisbóta
og lágmarkslauna myndi ef til vill hafa
vinnuhvetjandi áhrif.
Kári S Friðriksson
styrkja krónuna. Því miður hafa væntingar
um þetta ekki gengið eftir. Ástæðan er
væntanlega sú að gjaldeyrisforði Íslendinga
er mjög takmarkaður og Seðlabankinn
hefur heykst á því að grípa inn í markaðinn
með gjaldeyriskaupum. Auk þess sem
gjaldeyrisforðinn er takmarkaður er ótti
erlendra en ekki síður innlendra fjárfesta
við krónuna svo mikill að þeir grípa
öll tækifæri til þess að kaupa öruggan
gjaldmiðil fegins hendi.
Raungengi það sem Íslendingar búa
við núna hlýtur að hafa mjög alvarlegar
afleiðingar ef það festist. Það þýðir að
laun hér á landi eru mun lægri en erlendis.
Margir eru tilbúnir að leggja á sig byrðar
tímabundið til þess að sigla gegnum
erfiðleikana, en til lengri tíma litið leiðir
núverandi ástand til fólksflótta. Ungt fólk
mun leita starfa í útlöndum að námi loknu
og þeir einstaklingar sem eiga auðvelt með
að fá vinnu erlendis munu eflaust ekki
hugsa sig tvisvar um, þegar þeim bjóðast
störf utan landsteinanna. Þar er ekki síst
um að ræða hámenntað fólk eins til dæmis
og lækna og tölvunarfræðinga.
Raungengið er nú um það bil helmingi
lægra en fyrir þremur árum. Erlendar
skuldir hafa því að jafnaði tvöfaldast á
þessum tíma. Enn og aftur ýtir þetta
undir það að allra leiða sé leitað til þess að
ná tökum á peningamálum þjóðarinnar.
Eina raunhæfa leiðin í því er að ganga í
Evrópusambandið og myntbandalagið.
Verðlag úr böndum?
Verðbólgan hefur nú aftur látið á
sér kræla. Hún er nánast öll vegna
stjórnvaldsákvarðana. Álögur á áfengi
og tóbak annars vegar og lækkað gengi
hins vegar valda meira en helmingi
hækkunarinnar. Í pípunum er hækkun á
bensíngjaldi og svonefndur „sykurskattur“
sem leggjast mun á kolsýrt vatn og
sykurlausa gosdrykki. Það veldur miklum
áhyggjum að við verðbólgumælinguna
mun vera notað húnæðisverð sem byggir
á makaskiptum. Þetta eru svipuð vísindi
og þegar verðið á Sterling-flugfélaginu
hækkaði stöðugt vegna þess að á móti
voru settar eignir sem sagt var að kostuðu
miklu meira en þær gerðu í raun og veru.
Sú aðferð til verðlagningar gafst illa í
hlutabréfaviðskiptum og hún er ekki betri
við fasteignakaup. Allra síst ætti Hagstofan
að nota slíkar tölur.
Þrátt fyrir allt er gott að ríkisstjórnin
sýnir loks með sér lífsmark. Stjórnmálamenn
verða að hætta að láta eins og ástandið sé
skárra en það er. Enginn stjórnmálamaður
getur boðið upp á annað en þrengingar
næstu árin. Þær eru hins vegar til einskis,
ef þær duga ekki til þess að komast út úr
vandanum.
Fimm mán. 2009