Lesbók Morgunblaðsins - 07.03.2009, Blaðsíða 1
LAUGARDAGUR 7. MARS 2009
STOFNUÐ 1925
10. TBL. 85. ÁRGANGUR
LESBÓK
Myndir vikunnar Rússneskur
djöfladans Gogols. 4
Halló Hálönd!:
Surgandi melódískt
nýbylgjurokk5
8Eymd og auður:Nöturleg sýn Hornstra í Síberíu
9Bill Holm:Of mikið rafmagn,ekki nægileg birta.
Berklasjúkur
Andrei var sprautufíkill
sem bjó í Yekaterinburg í
Rússlandi. Sex vikum
síðar var hann látinn.
Ljósmynd/Rob Hornstra
Í
sland ögrum skorið, eg vil nefna þig,“ orti
Eggert Ólafsson fyrir rúmlega 200 árum og
hélt síðan út á land með nestispoka, göngu-
staf og skrifblokk og nefndi fjöll og firnindi
eins og hann ætti lífið að leysa. Mér duttu þess-
ar ljóðlínur í hug á dögunum þegar fréttir bár-
ust af frekar skringilegu félagi í Lúxemborg,
Black Sunshine svokölluðu, sem stjórnendur
Kaupþings eru sakaðir um að hafa stofnað til að
fela gríðarlegt tap af undirmálslánum og
skuldavafningum. Ef satt reynist um hlutverk
félagsins, er ekki annað hægt en að taka hattinn
ofan fyrir þeim sem á heiðurinn að nafngiftinni.
Sá hinn sami hefur haft gaman af skáldskap og
veröldinni sem safni merkingarbærra tákna.
Hann hefur e.t.v. verið skáld. Kannski frábært
skáld sem leiddist því miður út í kaupmennsku
– líkt og Rimbaud.
Burtséð frá hugrenningartengslum við sól-
myrkva, váboða sem í eina tíð sagði fyrir um
þurrka, farsóttir og hungursneyð, er ekki ann-
að hægt en að tengja nafngiftina fjármála-
hruninu. Sáu þeir hinir sömu hrunið fyrir þegar
félagið Black Sunshine var stofnað? Eða var
þetta einfaldlega svartur húmor lögfræðings í
Lúxemborg sem hafði jafnvel stofnað félagið í
kjölfar sólmyrkva? Satt að segja finnst manni
merkilegt að annað eins nafn hafi ekki hringt
bjöllum í fjármálaeftirlitinu í Lúxemborg.
Hversu vel má til dæmis koma auga á slæma
fjárfestingarkosti í kauphöllum heimsins út frá
nöfnum þeirra fyrirtækja og félaga sem þar
eru?
Þrátt fyrir að sú vinna sem Eggert hóf með
skipulögðum hætti fyrir um 200 árum sé enn í
fullum gangi, hefur mér sýnst að hæfileiki okk-
ar Íslendinga til að nefna hlutina hafi dvínað.
Kannski er það vegna þess að opinberir emb-
ættismenn hafa tekið við keflinu af Eggerti –
eða eru nöfn á borð við Landspítali – háskóla-
sjúkrahús og Landsbókasafn Íslands – háskóla-
bókasafn, merki um mikla hugmyndaauðgi. Á
þessum síðustu og verstu felst lausnin e.t.v. í
því að leita aftur í rómantíkina. Hugsa stórt.
Hugsa í táknum. Líkt og lögfræðingurinn góði í
Lúxemborg. hoskuldur@mbl.is
Hvað felst
í nafni?
ORÐANNA HLJÓÐAN
HÖSKULDUR ÓLAFSSON