Norðurland - 19.02.1986, Blaðsíða 5

Fjárhagsáætlun Akureyrarbæjar
Verkefnin næg - fjárráðin þröng
Á bæjarstjórnarfundi 11.
febrúar sl. var samþykkt fjár-
hagsáætlun Akureyrarbæjar
fyrir þetta ár. Norðurland
náði tali af Sigríði Stefáns-
dóttur, fulltrúa Alþýðubanda-
lagsins í bæjarstjórn og spurði
hvort hún væri ánægð með
þessa fjárhagsáætlun. Hún
sagði að það væri auðvitað
langt í land með það.
Sigríður Stefánsdóttir bæjarfulitrúi Aiþýðubandalagsins.
- í þetta sinn standa allir
flokkar að samþykkt fjárhags-
áætlunar eins og oftast áður.
Það virðist vera orðin lenska
hér. Hefðum við í Alþýðubanda-
laginu ráðið ein, liti fjárhags-
áætlun öðru vísi út. En hún væri
líka öðruvísi ef við hefðum ekki
komið þarna nálægt. Þegar
svona margir flokkar með ólík
sjónarmið reyna að ná saman,
verður maður alltaf að sam-
þykkja fleira en gott þykir.
Framkvæmdafé er allt of lítið
m.a. vegna þess hve ríkið
stendur sig illa í sameiginlegum
verkefnum. Sem lið í því að
reyna að ná endum saman var sú
leið farin, að gera átak til að
minnka yfirvinnu og sumar-
afleysingar hjá bænum. Sá liður
ætti að geta fært bæjarsjóði um 3
milljónir, sem eru 10% af
yfirvinnugreiðslum.
Þörfin fyrir nýjar dag-
vistir er gífurleg
í nýframkvæmdum höfum við
Alþýðubandalagsmenn lagt
mikla áherslu á skólamál og
málefni aldraðra. Þetta eru
málaflokkar sem verið hafa í
miklum ólestri hér á Akureyri
og verður umsvifalaust að bæta
úr í framtíðinni.
Á þessu kjörtímabili höfum
við líka reynt eftir megni að
vinna að auknu dagvistarrými
fyrir börn. En þar er við
ramman reip að draga. Því
miður er ekki gert ráð fyrir
neinum nýframkvæmdum þar.
En fátt er svo með öllu illt, því
að á síðastliðnum þremur árum
hefur verið gert átak í því að
koma núverandi dagvistum í
viðunandi horf. Verulegar
endurbætur hafa farið fram á
Pálmholti, Árholti og Iða-
völlum, auk þess sem ný dag-
vist, Flúðir, var byggð á síðasta
ári. Vonandi verður hún komin í
fulla notkun um páska en þar
bætast við rúmlega 90 pláss á
einni dagheimilisdeild og
tveimur leikskóladeildum. En
betur má ef duga skal, því bið-
listinn er langur og þörfin gífur-
leg.
Einn ljósan punkt má nefna
til viðbótar í dagvistarmálum.
Það var samþykkt tillaga frá
Félagsmálaráði um 500 þúsund
króna viðbótarfjárveitingu til
niðurgreiðslu dagvistargjalda
fyrir þá einstæðu foreldra, sem
eiga börn í gæslu hjá dag-
mæðrum. Þetta þýðir minni
mun á þeim gjöldum sem
foreldrar greiða dagmæðrum
annarsvegar og á dagvistum
hinsvegar.
Skólamálin
- Eins og allir vita sem vilja,
ríkir ófremdarástand í skóla-
málum hér á Akureyri, sagði
Sigga, þegar talið barst að fram-
kvæmdum við Síðuskóla. Og
þarna á ríkið stóra sök. Lög-
bundin fjárframlög ríkisins til
skólamála hér hafa ekki hækkað
í krónutölu undanfarin þrjú ár.
Það má segja að Akureyrarbær
hafi sjálfur kostað Síðuskólann
að langmestu leyti. Og það nær
auðvitað ekki nokkurri átt. Mér
finnst það vera grundvallar
mannréttindi að börn á skóla-
skyldualdri fái lögboðna
kennslu í sínu hverfi.
Að áliti Alþýðubandalagsins
er Síðuskólinn algjört forgangs-
verkefni. Mér. finnst óskiljan-
legt hvernig Sjálfstæðismenn
hafa getað klifað á því allt
kjörtímabilið að skólinn sé allt
of stór, að hann sé of dýr og þar
fram eftir götunum. En það er
kannski ekki að marka. Mér
gengur oft illa að skilja hugs-
unargang Sjálfstæðismanna.
Hvað Verkmenntaskólann
varðar, hefur verið ákveðið að
fullgera bóknámsálmu skólans.
Stefnt er að því að þeim
framkvæmdum verði lokið í
haust. Þá bætast við 11 kennslu-
stofur og verður það einnig til að
létta verulega á Gagnfræða-
skólanum, en hluti kennsl-
unnar í Verkmenntaskólanum
hefur farið þar fram.
Þessa dagana er verið að setja
niður „vélarhúshermi“ i Verk-
menntaskólanum, en ríkið
greiddi hluta í honum. Þegar
þetta framtak okkar Akureyr-
inga fréttist suður fyrir heiðar,
fór Vélskólinn í Reykjavík af
stað og vildi líka fá svona tæki.
Þetta er eins og litlu krakkarnir:
„Eg vil fá svona líka! “ Og
auðvitað var bara að nefna það.
Þetta er lýsandi dæmi um
stefnu stjórnvalda í skólamálum
Einn svona hermir hefði nægt
öllu landinu. En hann mátti
ekki vera á Akureyri. Reyk-
víkingar urðu að fá svona líka.
Hvað hefði gerst ef Vélskólinn í
Reykjavík hefði átt frumkvæðið
og fengið þetta tæki á undan
okkur? Dettur nokkrum lifandi
manni í hug að við Akureyring-
arnir hefðum þá fengíð leyfi til
að kaupa svona hermi? Nei, ónei.
„Þið getið bara komið suður“,
hefði verið sagt.
Bætt þjónusta
við aldraða
- Nú sagðir þú áðan að leggja
þyrfti áherslu á málefni aldraða
í framtíðinni. Hvernigeigum við
að fara að því?
- Já, það er augljóst að við
verðum að veita miklum fjár-
munum í þann málaflokk. En
það er enginn einn þáttur sem
leysir vandann. Alþýðubanda-
lagið hefur lagt áherslu á fjöl-
breytni þegar verið er að fjalla
um þessi mál.
Við gerð þessarar fjárhags-
áætlunar er aðeins leyfð ein ný
viðbótarstaða hjá bænum. Hún
er í heimilisþjónustunni og var
samþykkt samkvæmt tillögu frá
Félagsmálaráði.
En í sambandi við öldrunar-
málin eru það einkum þrjú
atriði sem marka tímamót í
þessari fjárhagsáætlun. I fyrsta
lagi er ákveðið að ljúka við þá
samninga sem þegar hafa verið
gerðir vegna nýbygginga í Hlíð.
I öðru lagi á að ljúka við
breytingar í Hlíð, sem þar eru í
gangi vegna hjúkrunardeildar.
Og síðast en ekki síst: Að byrja á
breytingum og lagfæringum í
Skjaldarvík.
Ekki er ennþá ljóst hvað við
fáum mikla peninga úr Fram-
kvæmdasjóði aldraðra. Það er
með það eins og skólamálin.
Þetta eru fjármunir sem við
eigum rétt á, en illa gengur að
innheimta. Þó liggur eitt ljóst
fyrir: Ný bæjarstjórn verður að
setja málefni aldraðra á oddinn.
Hún verður að semja framtíðar-
áætlun um þessi mál . . . og
standa við hana! n A
Eins og lesendur sáu var forsíðumyndin á jólablaðinu eftir Harald Inga Haraldsson, myndlistamann á
Akureyri. Hún var unnin í tveimur litum, rauðum og svörtum, en þegar komið var að prentun vitnaðist
útgefendum að ekki er unnt að prenta í fleiri en einum lit í prentvél Dagsprents, þegar blaðið er stærra en
16 síður eins og jólablaðið var. Jafnframt því sem NORÐURLAND ítrekar þakkir sínar til Haraldsfyrir
verkið, er hann beðinn afsökunar á þessum ágalla sem varð til þess að myndin varð allt önnur en
upphaflega var gerð. Til að lesendur sjái hina réttu mynd er hún því birt aftur hér.
NORÐURLAND - 5