Organistablaðið - 01.12.1994, Blaðsíða 5

til sjóðsins. Honum er fyrst og fremst ætlað að styrkja efnilega orgelnemendur til
náms erlendis. Einnig er félagið aðili að tónleikaröð sem nemendur Páls stóðu fyrir
til að minnast lærimeistara síns.
Félag íslenskra organleikara var Páli Isólfssyni hjartans mál, eitt af mörgum málum
sem hann kom í framkvæmd. Því er minningin um þennan mikla listamann og fyrsta
formann F.Í.O. félaginu kær og stendur það jafnan í mikilli þakkarskuld við hann.
Nemendur Páls Isólfssonar halda orgeltónleika í Dómkirkjunni
og Fríkirkjunni í Reykjavík
Vegna aldarafmælis dr. Páls Isólfssonar ákváðu nemendur hans í samvinnu við
Félag íslenskra organleikara að efna til þrennra orgeltónleika í Dómkirkjunni og
Fríkirkjunni í Reykjavík.
Tónleikarnir voru með nokkru öðru sniði en tíðkast á slíkum tónleikum þar sem
menn sögðu jafnframt í töluðu orði frá kennara sínum og kynnum sínum af honum.
Dr. Páll Isólfsson var organleikari við báðar þessar kirkjur og þótli því rétt að
vera á báðum stöðunum.
Fyrstu tónleikarnir voru föstudaginn S.október kl 18.00 í Dómkirkjunni og lék þá
Arni Arinbjarnarson á orgelið en Daníel Jónasson og Kristján Sigtryggson ræddu
um Pál og kynni sín af honurn.
Aðrir tónleikarnir í þessari röð voru sunnudaginn lO.október kl. 18.00 í
Fríkirkjunni í Reykjavík og lék Ragnar Björnsson á orgelið og ræddi jafnframt um
Pál ásamt IVIána Sigurjónssyni.
Þriðju og síðustu tónleikarnir voru svo mánudaginn ll.október kl. 18.00 í
Dómkirkjunni. Þar lék Kjartan Sigurjónsson á orgelið og ræddi um Pál ásamt Njáli
Sigurðssyni.
Kjartan Sigurjónsson.formaöur F.I.O.
Kennarinn og listamaðurinn Dr. Páll ísólfsson
Minningarbrot ttutt í Dómkirkjunni 11. október 1993
Háttvirtu kirkjugestir, góðir áheyrendur!
Það hefur ekki farið fram hjá neinum, sem á annað borð fylgist með viðburðum í
íslensku tónlistarlífi, að á rnorgun, 12. október, eru eitt hundrað ár liðin frá fæðingu
5 ORGANISTABLAÐIÐ