Monitor - 02.06.2011, Blaðsíða 14

14 Monitor FIMMTUDAGUR 2. JÚNÍ 2011
spretta upp brekku og fara í kalda sturtu. Auddi
sagði Eiði Smára frá þessu í bílnum á leiðinni á Nou
Camp og hann hló mikið að þessu. Á meðal Eiður
var pollrólegur yfir El Clásico töluðu þeir um að það
væri kannski nágrannaslagur milli Fram og Þróttar
og þá væri Hannes mættur í köldu sturtuna (hlær).
Alltaf þegar ég tala við Eið spyr hann mig hvað sé að
frétta af rútínunni. Ég hef boðist til að sýna honum
göngustíginn ef hann vill fara að gera eitthvað af viti
í boltanum.
Hvernig var að leikstýra Mannasiðum Gillz? Þetta
var í raun í fyrsta skipti sem ég tekst á við leikið
efni. Þetta var stórt og spennandi verkefni sem var
mjög gaman að takast á við. Við fengum marga góða
leikara í þættina og það var gaman að kynnast þeim.
Egill er líka hvers manns hugljúfi og það er gaman að
vinna með honum. Hann er fyndinn og skemmtilegur
og fær toppeinkunn frá mér. Það var auðvitað mjög
gaman hvað þetta gekk vel og hvað það var vel tekið
í þetta. Við renndum svolítið blint í sjóinn í byrjun,
vorum með nýtt form sem við vissum ekki hvernig
myndi ganga í fólk og Egill alltaf með einhverjar
blammeringar hægri vinstri í fjölmiðlum að pirra
einhverja femínista (hlær). En þetta gekk rosa vel
og það verður gerð önnur sería sem verður skotin í
október og sýnd væntanlega í byrjun næsta árs.
Þú gerðir Leynilöggutrailerinn með Audda og nú
hefur verið rætt um að þið ætlið að gera bíómynd.
Hvað er að frétta af því?
Við Auddi heyrumst reglulega og það er kominn
smá hópur sem ætlar að skrifa handrit að mynd og
stefnan er að gera það í sumar. Sena vill taka þátt í að
framleiða myndina. Menn eru hins vegar uppteknir í
öðrum verkefnum líka og það gengur misauðveldlega
að hóa saman hópnum. En það er kominn sögu-
þráður og það er eitthvað að malla. Ef þessi mynd
verður að veruleika held ég að hún
verði mjög fersk og eitthvað sem
við erum ekki vön í íslenskri
kvikmyndagerð. Hreinræktuð
gamanmynd en líka hasar
með spennu, spreng-
ingum, bankaránum og
geðveiki. Eftir því sem
ég hugsa
meira um þessa mynd verð ég spenntari fyrir því að
gera hana.
Eru engin misheppnuð kvikmyndaverkefni á fer-
ilskránni? Ég hef einu sinni tekið að mér að mynda
brúðkaup. Ég geri það ekki aftur. Þetta var mjög
flott brúðkaup, mikið fjölmenni og gestir frá öllum
heimshornum. Ég var búinn að mynda alla veisluna,
ræðurnar og allt þegar myndavélin varð batteríslaus.
Ég hélt ég væri búinn að standa mig rosalega vel og
væri búinn að ná flestöllu og fór út í bíl til þess að
sækja annað batterí. Þegar ég er í lyftunni á leiðinni
upp í sal heyri ég að það er eitthvað rosalegt í gangi.
Ég kem inn og þá er brúðguminn að hneigja sig undir
standandi lófaklappi og ég stóð þarna með mynda-
vélina í annarri hendi og batteríið í hinni og hugsaði
bara: „Hverju var ég að missa af hérna?“ Þá hafði
brúðguminn sem sagt farið upp á svið og sungið lag
til brúðarinnar á átta tungumálum, eitthvað svaka-
legt atriði sem var algjör hápunktur veislunnar.
Nýjasta verkefni þitt er auglýsingar fyrir Coca Cola
með leikmönnum U21-landsliðsins. Hvernig var
það? Það var æðislegt verkefni frá a til ö. Það var
„Atvinnumennirnir okkar-stemning“ yfir því, við
ferðuðumst um Evrópu í 25-30 stiga hita og hittum
atvinnumenn í fótbolta. Það er líka ákveðinn heiður
að fá að gera auglýsingu fyrir Coca-Cola, það hefur
ekki verið gerð íslensk Kók-auglýsing í næstum 10
ár, eða síðan Eiður Smári lék í auglýsingunni með
litla Blikanum. Öll verkefni fyrir Coca-Cola þurfa að
fara í gegnum mikið samþykktarferli og menn hafa
ekki fengið neitt í gegn í mörg ár. En það er greinilegt
að U21-landsliðið er að hitta á réttar taugar því það
fékkst grænt ljós á verkefnið. Síðan þarf Coca-Cola
úti að samþykkja auglýsinguna eftir að hún er tilbú-
in. Þetta er auðvitað stærsta vörumerki í heimi sem
hugsar vel um sína ímynd og það var gæðastimpill
að þeir skyldu hleypa henni í gegn óbreyttri.
Nefndu mér einhvern sem þér hefur
fundist einstaklega skemmtilegt að
vinna með. Ég kann að meta að
vinna með fólki sem hellir sér í
verkefnin af lífi og sál og maður
finnur að er tilbúið að gera allt
til að skila sem bestu verki.
Páll Óskar er gott dæmi. Við
gerðum saman tónlist-
armyndband (Allt fyrir
ástina) fyrir nokkrum
árum þar sem við
eyddum mörgum
vikum í undirbúning
og engu var til sparað.
Ef það þurfti að sauma
búning eða útbúa ein-
hverja leikmuni
voru engar
mála-
miðl-
anir, það var bara gert. Hann var algjörlega „all-in“ og
ástríðan smitaðist um leið út í verkefnið. Hann sýndi
mér endalaust af ljósmyndabókum og DVD-myndum
í undirbúningnum. Það er gaman að segja frá því að
eina sjónvarpið sem hann á er inni í svefnherbergi og
það var eftirminnileg stund að liggja uppi í rúmi með
Páli Óskari að horfa á DVD.
Þú hefur verið valinn í landsliðið en átt eftir að
spila landsleik. Hvenær sjáum við það gerast? Ég
er farinn að horfa aðeins öðruvísi á landsliðið en
áður. Einu sinni var það takmark númer eitt, tvö
og þrjú að komast í landsliðið. Núna er ég hættur
að hugsa þannig og vil bara einbeita mér að því að
vinna leiki fyrir KR og ná árangri þar. Ef það gengur
og við stöndum okkur vel í Vesturbænum hef ég trú
á að hitt komi í kjölfarið. Maður er verðlaunaður ef
maður stendur sig vel. Það að spila fyrir landsliðið er
auðvitað markmið allra sem eiga möguleika á því og
yrði draumur að upplifa, en það er ekki eitthvað sem
ég horfi á dags daglega og ég er ekki að stressa mig
á því.
Gætir þú hugsað þér að fara út í atvinnumennskuna
núna ef þú fengir gott tilboð? Já það væri mjög gam-
an að prófa það. Ef ég fer aldrei í atvinnumennskuna
held ég að ég eigi alltaf eftir að vera svolítið pirraður
yfir því að hafa ekki náð að áorka því. Ég myndi
örugglega láta reyna á það þótt það myndi kosta
einhverja fjarveru frá kvikmyndabransanum.
Hvar verður þú á þrítugsafmælinu þínu?
Væntanlega blindfullur einhvers
staðar. En þú meinar í lífinu? Ég verð
örugglega að spila fótbolta með KR.
Ég er með fjögurra ára samning í
Vesturbænum og verð vonandi
búinn að fagna glæstum
sigrum þar. Verð búinn að
gera bíómynd og með fullt
af járnum í eldinum.
HVERJIR FÁ HLUTVERKIN?
Þú átt að leikstýra spennumynd með þremur íslensk-
um knattspyrnumönnum í hlutverki hetjunnar, vonda
karlsins og heimsku löggunnar. Hverjir fá hlutverkin?
Hetjan verður Hermann Hreiðarsson.
Gunnleifur Gunnleifsson leikur vonda
kallinn en hann myndi þurfa að
krúnuraka sig fyrir hlutverkið. Ég sé
lögguna fyrir mér með derhúfu þannig
að Kristján Guðmundsson hreppir
hlutverkið.
Í sömu spennumynd þarftu að ráða
tvo íslenska knattspyrnuþjálfara,
annan í hlutverk forseta Bandaríkj-
anna og hinn í hlutverk gjörspillts
útsendara FBI. Hverjir fá hlutverkin?
Forseti Bandaríkjanna yrði óstrípaður
Heimir Hallgrímsson. Hið fullkomna
hlutverkaval verður svo Eyjólfur Sverr-
isson sem gjörspilltur FBI-útsendari.
KR-liðið er að fara að spila bikar-
úrslitaleik en sóknarmennirnir og
þjálfarinn eru frá með magakveisu.
Þú þarft að velja einn leikara til
að leika þjálfara KR og annan leikara til að leika
sóknarmann KR-liðsins. Hverjir fá hlutverkin? Þetta
eru mjög steiktar aðstæður. Þjálfari KR yrði drykkfelldur
og leikinn af Þresti Leó sem myndi flytja hádramatíska
hvatningarræðu í hálfleik sem snýr töpuðum leik okkur í
hag. Framherjinn sem skorar sigurmarkið verður leikinn
af Þorvaldi Davíð sem þyrfti þó að massa sig upp um 20
kíló fyrir hlutverkið.