Saga - 2004, Blaðsíða 13

ið féll og Þýzkaland sameinaðist, eða þá að Evrópusambandið hafi
hreinlega aldrei haft neinn raunverulegan pólitískan tilgang — að
Evrópuríkin hafi pólitískan tilgang sambandsins aðeins að yfir-
varpi fyrir efnahagslegri verndarstefnu sinni. Þeir fræðimenn sem
halda þessu fram hafa að mínu mati flestir rangt fyrir sér en þessi
kenning er mjög í tízku í Bandaríkjunum um þessar mundir og
reyndar er núverandi valdhöfum í Bandaríkjunum hún mjög að
skapi. Mér virðist þetta vera mjög varasöm túlkun.
— En þú gagnrýnir hvernig sagnfræðingar í Bretlandi og öðrum Evrópu-
löndum hafa einblínt á það sem gerist innan landamæra síns eigin heima-
lands og við hefðbundin milliríkjasamskipti.
Já, vissulega. Það er reyndar svo, að sú ESB-þjóð sem líklegust er til
að fara nærri því að styðja þá túlkun sem Bandaríkjamenn fylgja
[og lýst var hér að framan] eru Bretar; frá þeirra bæjardyrum séð
hafa viðskipti ávallt verið meginatriðið í Evrópusamvinnunni. En
hver gerir greinarmun á efnahagslegum og pólitískum styrkleika?
Þegar deilt er um aðild að sambandinu eru efnahagslegu rökin jafn-
an mest áberandi.
— Nú fæstu við það, í umboði brezkra stjórnvalda, að skrifa um þátt Bret-
lands í Evrópusamvinnunni. Geturðu sagt okkur nánar frá þessu verk-
efni?
Ég veit ekki hvers vegna ríkisstjórnin vildi fá mig til að sinna þessu
verkefni. Ég tók það að mér án þess að hafa hugmynd um hvers
vegna mér var falið það. Það sem mér finnst spennandi við þetta er
að það veitir mér aðgang að öllum gögnum í skjalasöfnum ríkisins
sem snerta þetta efni.
— Er aðgangur að þessum gögnum almennt óheimill?
Já, það gildir um mörg þeirra. En ég fæ að skoða allt sem mig lyst-
ir. Að minnsta kosti hef ég fengið að sjá allt sem ég hef beðið um
hingað til. Eina landið sem ég veit til að heimili eins greiðan aðgang
að trúnaðarskjölum ríkisins og Bretland er Holland. Í öllum hinum
ESB-löndunum er aðgangurinn miklu takmarkaðri. Ég hef rekið
mig á þetta þar sem ég er jú að skrifa jafnmikið um ESB og Bretland.
Þar sem ég þarf í skrifum mínum að fjalla um þátt annarra ESB-
landa styðst ég því fyrst og fremst við það sem fram kemur um
hann í brezku gögnunum. Það er örugglega ekki fyllilega tæmandi
en það gefur býsna góða mynd af honum, tel ég. Ég held því að það
MENN ÆTTU ALDREI AÐ SKRIFA Í VONDU SKAPI 13
Saga 2004 - NOTA 1.12.2004 9:39 Page 13