Morgunblaðið - 06.06.2011, Blaðsíða 9

FRÉTTIR 9Innlent
MORGUNBLAÐIÐ MÁNUDAGUR 6. JÚNÍ 2011
Golfkortið 2011
Spilað um Ísland - 23 golfvellir
Upplýsingar á golfkortid.is
Sumartilboð
Einstaklingskort 9.000 kr.
Fjölskyldukort 14.000 kr.
STANGVEIÐI
Einar Falur Ingólfsson
efi@mbl.is
Laxveiðitímabilið hófst í gærmorgun en þá tóku
veiðimenn að kasta agni sínu í Blöndu, Norðurá og
Straumana, ármót Norðurár og Hvítár. Fyrsti lax-
inn tók eftir rúman hálftíma og það var norðan
heiða, hjá Páli Magnússyni útvarpsstjóra. Páll
landaði 12 punda hrygnu sem tók í Holunni. Síðar
landaði Páll öðrum á sama stað og var þeim laxi
gefið líf. Þriðja laxinn fékk hann á Breiðunni.
„Þetta er búið að vera fínt hjá okkur,“ sagði
Stefán Sigurðsson sölustjóri Lax-ár í hádegishléinu
en þá var hollið komið með sex fiska, allt „alvöru
laxa“ að hans sögn, tíu til þrettán punda.
„Fjórir þeirra voru nýgengnir, með halalús,“
sagði hann. „Í meðalári hefur opnunarhollið oft
fengið um tíu laxa á tveimur og hálfum degi; að
vera með sex eftir fyrstu vaktina er því býsna gott.
Laxinn virðist vera að hellast inn.“
Svalt var við Blöndu í gærmorgun og kalsa-
rigning þegar leið á vaktina.
Formaðurinn spáir fimmtán löxum
Bjarni Júlíusson, formaður SVFR, hóf veiðar í
Norðurá í gærmorgun, en samkvæmt hefð opnar
stjórn félagsins ána. Bjarni tók að kasta á Brotið á
mínútunni sjö en hafði áður spáð fyrir um veiðina í
opnunarhollinu; hann taldi hollið veiða 15 laxa alls,
„einn til tveir nást á Brotinu en þrír á Eyrinni,“
sagði hann, óð út í ána og tók að kasta nýrri flugu,
Avatar II eftir Óskar Pál Sveinsson, en forveri
hennar gaf eiginkonu Bjarna, Þórdísi Klöru
Bridde, fyrsta laxinn í Norðurá í fyrra.
Laxar höfðu sést á Brotinu í fyrrakvöld en
þeim leist ekki á þessa nýju flugu og heldur ekki á
tommulangar Frances-túpurnar sem Bjarni kast-
aði. Þeim hugnuðust heldur ekki aðrar flugur sem
stjórnarmenn sýndu þeim á Brotinu og Eyrinni
næstu tvær klukkustundirnar.
Sá fyrsti á brúðkaupsafmæli
Stjórnarmennirnir Ragnheiður Thorsteinsson
og Ásmundur Helgason hófu veiðar á Stokkhyls-
broti þegar klukkan var langt gengin í níu. Fljót-
lega tyllti Ragnheiður í lax, en hann lak af eftir
nokkrar sekúndur. Ásmundur tók næsta rennsli,
með frumsaminni flugu sem hann kallar Glaða tví-
burann. Á sama stað fékk hann töku og lax var á.
Þetta var barnings-viðureign, hátt í tuttugu
mínútna tog undir eftirliti fjölmiðlamanna, en að
lokum höfðu þau Ásmundur og Ragnheiður hendur
á spegilgljándi 84 cm langri hrygnu.
„Við hjónin eigum 18 ára brúðkaupsafmæli í
dag,“ sagði hann kampakátur og rak eiginkonunni,
Elínu Ragnarsdóttur, rembingskoss þegar hann
hafði sleppt laxinum.
„Þetta var mjög sterkur fiskur, 13 til 15
punda. Það var skrifað í skýin að ég fengi fyrsta
laxinn,“ sagði Ásmundur og hló.
Skömmu síðar kastaði Ragnheiður að nýju og
setti í um 12 punda lax sem hún landaði. Þá landaði
Hörður Vilberg 74 cm hrygnu á Brotinu.
„Skrifað í skýin að ég
fengi fyrsta laxinn“
 Páll Magnússon veiddi þann fyrsta í Blöndu og Ásmundur Helgason í Norðurá
Morgunblaðið/Einar Falur
Átök við Norðurá Ásmundur Helgason togast á við fyrsta lax sumarsins í Norðurá, 84 cm hrygnu sem
tók flugu hans, Glaða tvíburann, á Stokkhylsbroti. Ragnheiður Thorsteinsson aðstoðar við löndunina.
Ljósmynd/Höskuldur Birkir Erlingsson
Sá fyrsti Páll Magnússon útvarpsstjóri veiddi fyrsta laxinn, 12 punda hrygnu, í Blöndu í gærmorgun.
Hópur Kjalnesinga kom saman á
dögunum og stofnaði með sér félag
um atvinnuþróun á Kjalarnesi. Fé-
lagið hlaut nafnið Þróunarfélag
Kjalnesinga, félaginu voru settar
samþykktir og kosin stjórn.
Íbúar á Kjalarnesi hafa áhyggjur
af þróun atvinnumála á svæðinu.
Þar er nú nærri 12% atvinnuleysi,
sem er með því mesta í hverfum
borgarinnar. Stórum vinnustöðum
hefur verið lokað á liðnum árum og
mikið af atvinnuhúsnæði á Kjalar-
nesi stendur ónotað, segir í tilkynn-
ingu frá félaginu.
Stjórn félagsins skipa þau Guðni
Indriðason, formaður, Ólafur Ás-
mundsson, Kolbrún B. Halldórs-
dóttir, Ólafur Þór Zoega og Frantz
Pétursson.
12% atvinnuleysi á Kjalarnesi
Kjalarnes Hópurinn sem kom saman nýverið á stofnfundi Þróunarfélags
Kjalnesinga. Félaginu er ætlað að efla atvinnu og nýsköpun á svæðinu.
 Íbúar hafa stofnað Þróunarfélag Kjalnesinga til að efla
atvinnu og nýsköpun  Stórum vinnustöðum verið lokað
Opnuð hefur ver-
ið vefsíða stuðn-
ingsmanna Geirs
H. Haarde, fv.
forsætisráð-
herra, vegna
réttarhalda sem
bíða hans fyrir
landsdómi. Slóð-
in er malsvorn.is.
Stuðnings-
mennirnir hafa
stofnað samnefnt félag, Málsvörn,
sem ætlað er að safna fé til að
standa straum af málsvörn Geirs og
veita honum stuðning. Ábyrgðar-
menn söfnunarinnar eru Pétur J.
Eiríksson, Anna Kristín Trausta-
dóttir og Gísli Baldur Garðarsson.
Vefsíða stofnuð til
stuðnings Geir
Geir H. Haarde
Þyrla Landhelgisgæslunnar, TF-
LÍF, fór í langt sjúkraflug eftir
spænskum sjómanni í fyrrinótt sem
hafði slasast um borð í togaranum
Hermanos Grandon. Barst aðstoð-
arbeiðni frá Medical Center í Madr-
íd á Spáni. Togarinn var þá staddur
170 sjómílur suðvestur af Reykja-
vík. TF-LÍF fór í loftið kl. 7:20 og
flaug beint að togaranum. Lent var
aftur við flugskýli Gæslunnar í
Reykjavík kl. 10:22 og sjómaðurinn
fluttur þaðan á Landspítalann.
Hlaut hann beinbrot á handlegg og
fæti en er ekki með lífshættulega
áverka.
Flogið eftir bein-
brotnum sjómanni
Morgunblaðið/Kristinn
Mennta- og
menningar-
málaráðherra
hefur skipað í
fjölmiðlanefnd til
næstu fjögurra
ára, samkvæmt
ákvæði nýrra
fjölmiðlalaga.
Fimm manns
sitja í nefndinni.
Formaður hennar, skipaður af ráð-
herra, er Eiríkur Jónsson, dósent
við lagadeild HÍ. Vilhjálmur H. Vil-
hjálmsson lögmaður og Þorgerður
Erlendsdóttir dómari eru skipuð af
Hæstarétti, Arna Schram og Björn
Vignir Sigurpálsson eru skipuð af
Blaðamannafélaginu og Salvör
Nordal frá samstarfsnefnd há-
skólastigsins.
Eiríkur Jónsson yfir
nýrri fjölmiðlanefnd
Eiríkur Jónsson