Birtingur - 01.09.1954, Síða 17

heimurinn væri að verða lielzti léttúðugur! —
í Listvinasalnum rekur hver myndlistarsýning-
in aðra, og sýningar eru einnig tíðar í skálan-
um við Austurvöll. Nútímastefnan ■— modern-
ismi í víðtækustu merkingu — má heita alls
ráðandi í myndlist yngri manna og sumra
hinna ágætustu í hópi þeirra eldri líka. — Ball-
ettskóli Þjóðleikhússins hefur nú starfað í tvo
vetur, og hafa færri nemendur komizt að en
vildu. Fyrsti árangur af starfi skólans og braut-
ryðjendastörfum einstakra danskennara er að
byrja að koma í ljós, og má gera sér vonir um,
að við eignumst frambærilegan ballettflokk eft-
ir einn til tvo áratugi. Tugir nemenda stunda
nám í leikskólum bæjarins, og þótt þar séu
margir kallaðir, en fáir útvaldir, mun íslenzk
leiklist örugglega njóta góðs af þeim mikla
leikáhuga, sem gripið hefur um sig hér á síð-
ustu árum. Annars hefur leiklistarlífið verið svo
aumlegt í vetur — ef Mýs og menn er undan-
skilið — að leikdómarar landsins neyddust til
þess nýlega að stofna með sér varnarbandalag
gegn ósköpunum. Þjóðleikhúsið ber það ekki
við að stæra sig af öðru en góðri aðsókn, og er
raunar vert að virða það. Vonir standa þó til,
að ljósi bregði fyrir í sölum musterisins með
vordögunum: Villiöndin er í vændum — Hús-
gagnagerð hefur tekið miklum og skjótum
framförum hér á allra síðustu árum. Sveinn
Kjarval, húsgagnaarkitekt hefur með skrifuin
sínum og störfum unnið þarft verk, og margir
fleiri — einkum ungir menn — eiga miklar
þakkir skildar fyrir að koma sköpulagi og list-
brag á þessa iðngrein. Víða í bænum eru til
sýnis og sölu einföld, létt og hentug húsgögn
gerð af listrænni smekkvísi. Reyndar munu
talsverð brögð að því ennþá, að fólk sligi íbúð-
ir sínar með þessum hryllilegu þrjátíuþúsund-
króna hlössum, sem kaupahéðnar fluttu inn í
heilum skipsförmum eftir stríðið. En einhvern
veginn finnst mér þó sem flestir fari hjá sér nú
orðið, þegar þeir ganga fram hjá búðarglugg-
um, þar sem þessi ferlegi óskapnaður er hafður
til sýnis. — Einn og einn ungur arkitekt er far-
inn að rísa gegn stríðsgróðaglundroðanum, og
Vefnaðarvara
í fjölbreyttu
úrvali
jafnan
fyrirliggjandi
fslenzk-erlenda
verzlunarfélagið
GarSastræti 2—4 . Sími 5333
árangur þess má þegar sjá hér og hvar um bæ-
inn, einkum í úthverfunum: stílhrein látlaus
hús, er henta mönnum til íbúðar, en eru kannski
verr fallin til frumlegra kokkteilpartía en part-
húsin á Melunum. — Og Birtingur, eina ís-
lenzka mánaðarritið um bókmenntir og listir
nýtur góðs af allri þessari gróandi. Líf hans
fyrstu vikurnar minnti ískyggilega mikið á síð-
ustu stundir skóarans litla frá Villefranche-sur-
Mer: Flestir hugðu honum bráðan bana búinn.
og var ekki laust við að þeir móðguðust í hvert
sinn sem nýtt hefti birtist, spottandi allar and-
látsspár. En alltaf hækkar hagur Strympu:
Flestar bókabúðir landsins hafa orðið að ráða
sér aukastarfslið til að hafa undan að afgreiða
Ritið. Áskriftarbeiðnir streyma til afgreiðsl-
unnar í hundraðatali dag hvern, og fylgja flest-
um þeirra fyrirframgreiðslur til fimm ára.
Prentsmiðjan hefur orðið að neita öðrum
verkefnum en prentun Ritsins og hefur þó ekki
undan. Auglýsendur standa í biðröðum á hverj-
um morgni fyrir framan skrifstofudyrnar, svo
BIRTINGUR
53