Húsfreyjan - 01.04.1962, Blaðsíða 29
hana til en að teygja sig svo lkngt, að
hætta sé á falli.
Venjið yður á að bera aldrei meira en
svo, að þér sjáið hvar þér stígið niður.
Ef til vill hafa börnin gleymt leikföngum
sínum, þar sem þér ætlið að ganga.
Gætið að því, að góð lýsing sé á öllum
vinnustöðum. Sjáið um að alltaf sé hægt
að kveikja ljós, einkum í stigagöngum,
og sjálfsagt er, að góð handrið séu með
öllum stigum. Það hefur valdið mjög al-
varlegum slysum, ef handrið hefur vant-
að með fram háum tröppum.
Mottur með hornum eða brúnum, sem
vefjast upp og þvælast fyrir fótum okk-
ar eru mjög hættulegar.
Lausar smámottur á trégólfi eða bón-
uðu og hálu gólfi eru einnig stórhættu-
legar.
Nú er auðvelt að fá plastræmur eða
lím, sem borið er neðan í mottur, renn-
inga og teppi, svo að þau verði stöðug á
gólfinu.
Geymið alla beitta hnífa á öruggum
stað, og þar sem óvitar ná ekki í þá. —
Varizt að geyma búrhnífa í skúffum inn-
an um ausur, sleifar og annað, nema þar
sé ákveðið slíður fyrir þá, því að annars
er hætta á, að menn skeri sig, er þeir
þurfa að ná í eitthvað úr skúffunni. —
Kannski veldur sjónskekkja, ef yður
hættir mjög til að skera yður.
Farið varlega með cld.
Á hverju ári deyja margir af völdum
eldsvoða og oft hefur orsökin legið í hirðu-
leysi í umgengni.
Hellið aldrei benzíni eða olíu á opinn
eld. Hellið aldrei eldfimum vökvum í
vaska nema skola niður um leið. Látið
kalt vatn renna um stund á eftir.
Reykið aldrei í rúminu. Það hefur vald-
ið dauðaslysum. Hafið gát á rafmagns-
leiðslum t. d. í rafmagnshitapúða. Þær
geta valdið ikviknun.
Oft hefur strokjárn, sem gleymzt hef-
ur í sambandi, valdið miklum eldsvoða.
Skiljið aldrei við járnið án þess að rjúfa
strauminn — taka það úr sambandi. —
Látið járnið ætíð standa á undirstöðu úr
eldföstu efni.
Húsjreyjan
29