Litli Bergþór - 01.12.2009, Blaðsíða 24

sóttar og án þess að drykkjuskapar-ófögnuður vœri
þar áberandi. “
Og þar með lýk ég tilvitnunum í Sigurlaugu, þá
frómu og hreinskilnu kvenfélagskonu.
Síðan tók hvert verkefnið við af öðru sem þurfti
að styrkja, safna fyrir, vinna að.
Sjúkrahúsið á Selfossi var í uppbyggingu frá
1956 og oft var safnað fyrir ýmsu sem vantaði þar.
Félagsheimilið var byggt, og vígt 1961 og það
gjörbreytti starfi og aðstöðu Kvenfélagsins. í fyrstu
var vinnan við að innrétta húsið: sauma gluggatjöld,
kaupa leirtau, hnífapör, og annað sem til þurfti,
síðan tók veitingareksturinn við og endalaus
umræða um bakstur og veitingar, sem var aðal fjár-
öflunarleið Kvenfélagsins um langt árabil. En
Kvenfélagið telst eiga hlut í Aratungu fyrir sitt
vinnuframlag.
Og það var fleira: Fyrst var gengist fyrir endurbót-
um á gömlu sundlauginni, síðan byggð ný sundlaug,
íþróttahús og stofnaður leikskóli.
Það var byggt við barnaskólann, nýbygging vígð
1990 og önnur viðbygging nú fyrir tveimur til þre-
mur árum. Það hafa því alltaf verið nóg verkefni til
að styrkja og Kvenfélagið hefur lagt þar sitt af mör-
kum.
Líknarmálin hafa verið hugleikin Kvenfélaginu
gegnum árin. Stuðningur innansveitar við heimili
sem eiga í erfiðleikum eða lenda í óvæntum áföllum
og eins stuðningur við hin^ýmsu líknarfélög á lands-
vísu, t.d. Þroskahjálp og SIBS.
Kvenfélagið hefur staðið fyrir námskeiðum af
ýmsu tagi, þau eru niðurgreidd fyrir kvenfélag-
skonur, en þó oftast opin öllum konum í sveit-
arfélaginu.
Aður en Aratunga komst í gagnið voru nám-
skeiðin haldin heima hjá kvenfélagskonunum, á
Brautarhóli, Torfastöðum, Vatnsleysu og víðar, en á
seinni árum hafa Aratunga og Bergholt verið aðal
samkomu- og fundarstaðir kvenfélagskvenna.
Eitt af því sem Kvenfélagið hefur gert í mörg ár,
er að fara í skemmtiferðir með eldri borgurum sein-
ni part sumars og hefur verið gerður góður rómur að
þeim ferðum. Enda vandfundnir hressari ferðaféla-
gar en gamla fólkið. Vísur og gamanmál ávallt á
hraðbergi.
Svo hefur verið stunduð skógrækt um árabil í
Kvenfélagsreitnum á Spóastöðum, sem Áslaug og
Þorfinnur á Spóastöðum, voru svo vinsamleg að
veita félaginu notarétt af. Verður þarna skjólgott og
fallegt útivistarsvæði við þjóðveginn í framtíðinni.
Til gamans má lrka geta þess, að það var veitinga-
nefnd Kvenfélagsins sem ákvað að á Þorrablótum í
Aratungu skyldi borðað úr trogum og að fólk kæmi
með matinn með sér þegar Aratunga var tekin í
notkun 1961. Hefur sá siður haldist fram á þennan
dag.
Kvenfélagskonur hafa gert ýmislegt sér til
skemmtunar í gegnum tíðina til að efla félagsan-
dann. Má þar nefna: fræga útreiðartúra, 19. júní fer-
ðir/ gönguferðir, jólaferðir á aðventu, heimsóknir til
nágrannakvenfélaga, leikhúsferðir, skemmti- og
menningarferðir. Hafa margar þessar ferðir orðið
eftirminnilegar og kannski ekki síst þær þar sem
veðurguðirnir voru ekki alveg hliðhollir! Verða
sögur af þeim fræknu ferðum að bíða betri tíma.
Formenn Kvenfélags Biskupstungna eru orðnir 15
frá upphafi og hafa verið mis lengi. Eins og fram
kom í upphafi þessa pistils var fyrsti formaður
félgsins Anna Eggertsdóttir læknisfrú í Laugarási.
Var hún formaður til ársins 1932 eða í þrjú ár. Við
tók af henni frú Sigurlaug Erlendsdóttir, prestsfrú á
Torfastöðum, sem vitnað var í hér að framan, og var
hún formaður í 23 ár, eða til ársins 1955. Einn form-
ann enn vil ég nefna, sem setti mikið mark á
Kvenfélagið sem formaður í mörg ár, en það var frú
Anna Magnúsdóttir, prestsfrú á Torfastöðum og
síðar í Skálholti, sem var formaður í 12 ár, eða til
ársins 1969. Reyndar gegndi varaformaður, Guðný
Pálsdóttir, embættinu í tvö ár á tímabilinu í veikin-
dum Önnu. Aðrir formenn hafa verið skemur, eða
tvö til fimm ár.
Þegar lesið er í gegnum fundargerðarbækur og
minningabækur Kvenfélagsins er svo ótal margt sem
segja mætti frá og bæta inn í þessa upprifjun.
Eg vona þó að þið séuð nokkuð fróðari um
Kvenfélagið og starfið þar, þetta er skemmtilegur
félagsskapur. Og ef þið konur viljið kynnast öðrum
konum í sveitinni og vinna samfélaginu hér í
Biskupstungum gagn, þá er þetta vettvangurinn.
En, - góðir sveitungar. - Ef við nytum ekki stuðn-
ings ykkar til góðra verka, myndi lítið vinnast. Fyrir
ykkar stuðning erum við ævinlega þakklátar.
Geirþrúður Sighvatsdóttir, Miðhúsum.
Litli Bergþór 24