Tímarit Þjóðræknisfélags Íslendinga - 01.01.1961, Page 42

24
TÍMARIT ÞJÓÐRÆKNISFÉLAGS ÍSLENDINGA
Ég heimsókti Hólmavað síðast
í hásumars blíðu og kyrrð.
— Við sátum og sáum hið liðna
með samúð — á óljósri firð.
því alúðin lá þar í lofti
hjá látlausri góðvina hirð.
Og skilnaðargjöfin hin góða
mun gleðja mig — hvert sem mig ber.
— Ég eignaðist hólma í ánni,
sem áður hét Háasker.
En nefndi hann óðar að nýju —
svo nú er þar Draumasker!
Aldimm er nótt
(All Through íhe Night. Old Welsh Air.)
Værðar njót þú, ást mín unga.
— Aldimm er nótt.
Englar bægi angurs þunga.
— Aldimm er nótt.
Hljóð er stund og hvergi tefur,
hlíð og leiti rósemd vefur.
Ein ég vaki’ en ást mín sefur.
— Aldimm er nótt.
Máninn vakir öllu yfir.
— Aldimm er nótt.
Svefninn yngir allt sem lifir.
— Aldimm er nótt.
Sælir draumar sálu þinni
sýni himnesk friðar-kynni.
Athvarf dýrðlegt önd þín finni.
— Aldimm er nótt.