Árbók VFÍ - 01.01.1995, Page 328
326 Arbók VFI 1993/94
lagsins og GATT sem nefnist TED (Tenderers Electronic Daily). Gagnabanki þessi er
ætlaður öllum þeim sem hafa áhuga á að nálgast útboðsgögn á opinberum framkvæmdum í
löndum EES og aðildarríkjum GATT. Að lokum var ákveðið að haldinn skyldi kynningar-
fundur í samvinnu við Skýrsluvélar ríkisins og var það gert í lok maí sl.
Kynningin fór fram í húsnæði SKÝRR enda bjóða þeir viðskiptamönnum sínum upp á
tölvuaðgang að TED, sem staðsettur er í Lúxemburg. Gagnagrunnurinn er uppfærður daglega
með nýjum útboðum sem birt eru í málgagni TED í samræmi við ákvæði fjölþjóðasamninga.
Jafnframt annast SKÝRR útgáfu á upplýsingariti um útboð, sem kallað er „Útboði“ sem birta
mun tilkynningar og niðurstöður innlendra útboða til að auðvelda bjóðendum yfirsýn yfir þau
útboð sem eru á markaðnum með ódýrum og öruggum hætti. i
Asgeir Jóhannesson, fyrrverandi forstjóri Rfkiskaupa og ráðgjafi stjórnvalda um opinber
innkaup kynnti TED-bankann og möguleika þá sem felast í notkun hans fyrir íslenska verk-
fræðinga í verkefnaútflutningi. Fulltrúi frá SKÝRR fjallaði um notkun á fslandi og kostnað
og að lokum fór fram sýnikennsla í notkun bankans í beintengingu við TED-bankann í
Lúxemburg. Því miður var aðsókn að þessum fundi afar dræm en fundargestir voru aðeins 10
talsins. Því hefur verið ákveðið að fjalla betur um þessi mál í fréttabréfi VFÍ og TFÍ næsta
vetur (6).
8 Gagnkaupaviðskipti - ígildisverslun
Útflutningsnefndin hefur beitt sér fyrir því að kynna kosti svokallaðra gagnkaupaviðskipta,
sér í lagi ígildisverslunar. Igildisviðskipti er það nefnt þegar innflutningsland krefst þess af
seljanda vöru og þjónustu að hann felli inn í tilboð sitt að tiltekin hráefni, hlutir eða samsetn-
ing komi frá eða fari fram í landi kaupandans (bein viðskiptaígildi) eða að hann skapi á annan
hátt þjónustu í því landi (óbein viðskiptaígildi) upp að fyrirfram ákveðinni prósentu af
upphaflegri sölu. Málefni þetta, gagnkaup og ígildisviðskipti, hefur fengið litla kynningu hér-
Iendis og er þess vegna lítið stundað.
Einn af nefndarmönnum, Edgar Guðmundsson, hefur beitt sér í þessu máli og kynnt það
opinberlega m.a. í nokkrum blaðagreinum.
Að gefnu tilefni tók nefndin sér fyrir hendur að kynna ígildisverslun í tengslum við þyrlu-
kaup Landhelgisgæslunnar. Var forstjóra Landhelgisgæslunnar, Hafsteini Hafsteinssyni,
skrifað bréf þar sem nefndin taldi að fyrirhuguð þyrlukaup kynnu að henta vel til slíkra
viðskipta og benti m.a. á hönnun ýmiskonar staðsetningarkerfa til öryggisgæslu á sjó og landi
sem hentuga ígildisafurð sem bjóða megi þyrluframleiðendum til kaups.
Edgar beitti sér fyrir því m.a. að ígildisverslun var tekin fyrir í kandidatsritgerð Guðmund-
ar Pálmasonar, lögfræðinema við lagadeild Háskóla íslands. Nefndin fékk Guðmund Pálma-
son til fundar þar sem hann gerði grein fyrir efni kandidatsritgerðarinnar um ígildisviðskipti.
Nefndin komst að þeirri niðurstöðu að efni ritgerðarinnar félli vel inn í kynningaráform
nefndarinnar um ígildisviðskipti (7).
Samþykkt var að nefndin gæfi út samantekt um ígildisviðskipti á vegum VFÍ og var
Edgari Guðmundssyni ásamt Guðmundi Pálmasyni falið að skrifa þessa grein. Leitað verður
eftir styrkjum frá aðilum sem þessi mál varðar (Aflvaki, Iðnaðarráðuneyti og fyrirtæki).
Síðan verði samið við Guðmund Pálmason um rétt útflutningsnefndar VFÍ til afnota af kandi-
datsritgerðinni og greiðslu fyrir hana.