Árbók VFÍ/TFÍ - 01.06.1995, Page 59

Skýrsla formanns VFI 57
15.9 Neyðarnefnd - samstarfsnefnd við Almannavarnir
I framhaldi rústabjörgunamámskeiða sem haldin voru á afmælisári var ljóst að tryggja þyrfti
áframhaldandi samstarf við björgunarsveitir landsins og skipuð var Neyðarnefnd VFÍ.
Nefndin sat fund með félagsmálanefnd Alþingis íslendinga þar sem verið er að endurskoða
frumvarp til laga um snjóflóðavamir og skriðuföll. Norskur sérfræðingur kom til landsins
fyrir atbeina eins nefndarmanna og í undirbúningi er ráðstefna um snjóflóð og vamir.
15.10 Skáknefnd VFÍ
Vonandi verður skákstarfið kröftugt á næsta starfsári, en ekkert var teflt á árinu.
15.11 Bridsnefnd VFÍ
Ekkert var spilað á starfsárinu, en þennan þátt í félagsstarfinu þarf endilega að taka upp að
nýju. Til stóð að halda bridsnámskeið fyrir áhugasama félagsmenn. Tilraunin gekk ekki upp
og námskeiðið féll niður.
15.12 Talsmannakerfi VFÍ
Fastur dagskrárliður á fundum framkvæmdastjórnar er „Málefni talsmannaráðs" og hefur eitt
og annað komið upp sem stjórn hefur ýmist leyst sjálf eða vísað áfram.
15.13 Laganefnd VFÍ
Félagslög þarf að færa í betri búning en nú er og þau þarf að samræma því verklagi sem skap-
ast hefur í tímans rás. Hér er þörf á átaki og var laganefnd ætlað að semja tillögur að sam-
ræmingu félagslaga og eyða misræmi sem þar er að finna, svo og að samræma og eyða mis-
ræmi í lögum VFI og sérgreinadeilda og hagsmunafélaga. Minna hefur orðið úr, en til stóð og
starfaði nefndin ekkert á þessu stjórnartímabili og er það annað árið í röð.
Mynd 24 Árshátið VFÍ haldin 4.febrúar 1995; Prúðbúnir veislugestirfrá Linuhönnun hf.
(Ljósm.: Gústaf Vifússon).