Árbók VFÍ/TFÍ - 01.06.2008, Page 201

Framkvæmdin
Utfærsla og upgsetning friðarsúlunnar í Viðey er samstarfsverkefni margra innlendra og
erlendra aðila. I fyrstu var unnið með mismimdandi útfærslur af upplýstum turni eða
súlu. Sú útfærsla reyndist þó vera of flókin og kostnaðarsöm í framkvæmd auk þess sem
óskabrunnurinn vafðist fyrir mönnum í þeirri útfærslu.
Verkfræðistofa Sigurðar Thoroddsen var fengin að verkinu til að aðstoða við tæknilegar
úrlausnir og kom með fyrstu tillögurnar að hönnun verksins í þessari mynd. Yoko Ono
leist vel á þessa hugmynd og vildi láta reyna á hvort hægt væri að mynda ljóssúluna ein-
ungis úr ljóskösturum. Það olli nokkrum erfiðleikum sökum tærleika íslenska loftsins,
því í því sést ljós illa nema það skíni á fastan flöt. Fleiri áttu stóran þátt í þróunarvinnu
og tilraunum til að mynda súluna með ljóskösturum einum saman, m.a. tæknilegur ráð-
gjafi Yoko Ono, Japaninn Tetsuo Hamada, sem stjórnaði hugmynda- og hönnunarþróun
verksins.
Pálmar Kristmundsson arkitekt var fenginn til liðs við hönnunarhópinn, en hann hann-
aði m.a. hleðslu úr íslensku blágrýti, grágrýti og líparíti sem umlykur verkið, en plöt-
urnar sem klæða brunnvegginn eru japönsk hönnun.
Það eru samtals 15 ljóskastarar sem mynda ljósgeisla Friðarsúlunnar. Þeir eru af tveimur
stærðum, sem skiptast í sex 2.000 W kastara annars vegar og níu 7.000 W kastara hins
vegar. Stærri gerðin myndar þéttan ljósaklasa á botni verksins, en smærri kastararnir eru
ofanjarðar, felldir niður í steinstétt sem umlykur verkið. Ljósgeislunum frá þeim er síðan
varpað til himins með aðstoð rhodium húðaðra spegla. Auk þess að leggja geisla sína til
ljósasúlunnar, lýsa þeir einnig skemmtilega upp stétt verksins.
I báðum tilvikum er um að ræða Leukos-ljóskastara frá ítalska framleiðandanum Space
Cannon. Stærri gerðin er reyndar sú sama og notuð er 11. september ár hvert til að
minnast árásanna á tvíburaturnana í New York.
Verkfræðistofa Sigðurðar Thoroddsen sá urn undirbúning, verkefnisstjórn, verkáætlana-
gerð og framkvæmdaeftirlit verksins ásamt allri verkfræðihönnun, en Istak var verktaki.
Félagsmál Vfl/TFl
1 9 9