Sveitarstjórnarmál - 01.12.2001, Blaðsíða 36

Menningarmál

Þjóðhildur að skjóta af boga.
hjálm og taka sverð í hendi, en þá finnst þeim þau
vera orðin alvöru víkingar. Sl. vor bauð ég upp á
söguratleik fyrir skólakrakka, kom það mjög vel
út, en slíkan ratleik er hægt að bjóða upp á í þurru
veðri.
Menningarhátíðir
Dagana 12. og 13. ágúst 2000 var haldin Leifs-
hátíð að Eiríksstöðum til að minnast Vínlands-
siglingar Dalamannsins Leifs heppna. Hápunktur
hátíðarinnar var formleg opnun Eiríksstaða og
forseti íslands, Ólafúr Ragnar Grímsson, afhjúpaði
styttu af Leifi heppna eftir Nínu Sæmundsson.
Á svæðinu voru um 60 víkingar með ýmsar uppá-
komur. í ljósi þess hve vel tókst til við hátiðina og
góð aðsókn var að henni, var hún jafnframt mikil
lyftistöng fyrir byggðarlagið. Hefur því verið
ákveðið að viðhalda henni sem sérstakri menning-
arhátíð á Eiríksstöðum. Fjölskylduhátíð Dala-
mannsins Leifs Eiríkssonar var haldin í annað sinn
14.-15. júlí sl. Er hér um Ijölskylduvæna hátíð að
ræða þar sem horfið er aftur í tíma víkinga og
valkyrja. Innlendir og erlendir víkingar voru að
störfúm við handverk og leiki, boðið upp á sögu-
gönguferðir o.m.fl. Heimafólk skartar sínum
fínustu víkingaklæðum. Mikill hugur er í heima-
mönnum að festa i sessi þessa menningarhátíð í
Dölum. Árið 2002 verður þriðja hátiðin haldin
13. og 14. júlí.
Sveitarfélagið Dalabyggð sér um skipulagningu
Leifshátíðar.
Markmið verkefnisins er að styrkja byggð í
Dalasýslu, kynna menningu forfeðra okkar,
víkinganna, ungum sem öldnum og innlendum
sem erlendum gestum að Eiríksstöðum. Mun slík
hátíð einnig styrkja mikið uppbyggingu menning-
artengdrar ferðaþjónustu á svæðinu.
Áframhaldandi rannsóknir
á Eiríksstöðum
í ágúst 2000 var fornleifarannsóknum að Eiríks-
stöðum haldið áfrarn, fannst þá vísir að litlu húsi
vestan við rústir Eiríksstaða. Talið er að húsið sé
frá tíundu öld. Smáhýsi þetta er tengt stærri skála.
Ekki er vitað til hvers smáhýsið var notað og er
talið að Eiríkur rauði hafi verið nýbúinn að byggja
það áður en hann þurfti að yfirgefa dalinn. Fyrir
neðan skálann fór einnig fornleifauppgröftur fram
og fannst þar dyngja kvennanna, þar sem talið er
Þjóðhildur að vefa á vefstað með kljásteinum.