Morgunblaðið - 10.08.2012, Blaðsíða 25
UMRÆÐAN 25
Bréf til blaðsins
MORGUNBLAÐIÐ FÖSTUDAGUR 10. ÁGÚST 2012
ÞAÐ KOSTAR LÍKA AÐ ÞVO SJÁLFUR!
LÁTTU OKKUR SJÁ UM ÞÍNAR SKYRTUR.
350 KR. SKYRTAN
hreinsuð og pressuð
-ef komið er með fleiri en 3 í einu
Fullt verð 580 kr.
Hverafold 1-3, 112 Reykjavík
Grettisgötu 3, 101 Reykjavík
Smáralind, 201 Kópavogur
- NÚ Á ÞREMUR STÖÐUM
Hverafold 1-3 | Grettisgötu 3 | Smáralind | 511 1710 | svanhvit@svanhvit.is | svanhvit.is Efnalaug - Þvottahús
GLUGGAR OG GLERLAUSNIR
idex.is - sími: 412 1700
- merkt framleiðsla
• tré- eða ál/trégluggar
og hurðir
• hámarks gæði og ending
• límtré úr kjarnaviði af norður
skandinavískri furu
• betri ending
— minna viðhald
• lægri kostnaður þegar fram
líða stundir
• Idex álgluggar eru íslensk
framleiðsla
• hágæða álprófílakerfi
frá Schüco
• Schüco tryggir lausnir
og gæði
• Þekking og þjónusta
• Áralöng reynsla
Fjölbreytilegt útlit hentar mismunandi tegundum bygginga
Byggðu til framtíðar
með gluggum frá Idex
Það er auðséð að stefna Angelu
Merkel, kanslara Þýskalands, er
rétt. Sterkari tök sambandsins á
fjármálum aðilarríkjanna er eðlileg
og nauðsynleg eftir óráðsíu margra
ríkja, sérstaklega í Suður-Evrópu,
sem hefur stofnað efnahag og sjálf-
stæði þeirra í voða. Ísland er ekki
nein undantekning frá þessari óráð-
síu, orðið sjálfbærni var gleymt og
grafið og allir voru samþykkir því
að hægt væri að reka efnahag þjóða
með eintómum lánum og gríðar-
legum viðskiptahalla. Eyðsla var
einkunnarorðið og mældi hagvöxt
eftir því sem eytt var meira. Því
miður var þetta lenska um allan
hinn vestræna heim og gert í nafni
frelsishugsunar þar sem engin tak-
mörk máttu setja við athafnasemi í
þessu kerfi.
Hugmynd um fjármálamiðstöð
heimsins á Íslandi var mikið til um-
ræðu og virtust flestir ráðamenn
halda að það væri draumur sem
gæti ræst. Hér voru truflaðir menn
á ferð sem sýndi sig í afleiðing-
unum. Í suð-
urríkjum Evrópu
var þetta því mið-
ur látið af-
skiptalaust af
Evrópusamband-
inu þangað til allt
var að komast í
hönk hjá þessum
ríkjum vegna
endalausrar
eyðslu og skulda-
söfnunar. Evrunni hefur verið kennt
um þar en það er fáránleg afstaða
því efnahagsstjórn þessara ríka var
auðvitað mikið ábótavant þar sem
skynsamir menn máttu sjá að ekki
væri hægt að greiða niður þessar
skuldir í náinni framtíð. Allt efna-
hags- og fjármálakerfi í hinum vest-
ræna heimi var rekið eins og um
ræningjasveit væri að ræða. Him-
inháar bónusgreiðslur í fjármála-
kerfunum og vinnubrögðin eins og
hjá glæpahópunum í Suður-
Ameríku á sínum tíma.
Stærsta mál framtíðar er að
endurskipuleggja alla fjármála-
starfsemi í heiminum. Þessi starf-
semi þarf að vera fyrir fólkið og at-
vinnulífið en ekki fyrir einhverja
ræningjaflokka. Evrópusambandið
er lausnin. Þar eru góðir menn á
ferð. Stöðugleiki og sjálfbærni er
svarið og burðir einstakra ríkja í að
koma því á eru ekki raunhæfir eins
og sakir standa nema fyrir atbeina
Evrópusambandsins. Þessir menn,
þar á ég við fjármála- og efnahags-
ráðherra ríkjanna, verða að fara í
endurhæfingu og læra að ríkin
verða að standa saman að koma á
jafnvægi í efnahag ríkjanna og
einkunnarorðin verða að vera að
eyða ekki meir en aflað er. Það er
því nauðsynlegt að ríkin, þar á með-
al Ísland, geti notað innri markað
Evrópu til að þróa vörur og nýta
tollfrjálsan markaðinn til að koma
sínum vörum til neytenda og aflað.
En það er mikið að hér í nýsköp-
unarmálum. Stöðugleikinn er lausn-
arorðið til framtíðar. Undirstaða
efnahags hverrar þjóðar er nýsköp-
un og markaður. Fyrir Ísland er
þetta gríðarleg nauðsyn til fram-
tíðar að geta unnið úr hráefni til
matvælaframleiðslu og komið því á
tollfrjálsan markað Evrópu eins og
til annarra markaða lika. Ekkert vit
er í því að þeir sem kaupa frystan
makríl í Evrópu frá Íslandi þurfi að
borga 20% toll eins og er í dag. Hér
eru Íslendingar í einangrun sem
kemur niður á hagvexti okkar og
takmarkar sölumöguleika. Þess
vegna verðum við að vera með í að
endurbyggja Evrópu í stöðugleika
og eðlilegum hagvexti. ESB er
framtíðin.
ÁRNI BJÖRN GUÐJÓNSSON,
húsgagnasmíðameistari
og listmálari.
Evrópusambandið verði enn sterkara
Frá Árna Birni Guðjónsyni
Árni Björn
Guðjónsson
Flestir eru sammála
um að tíminn frá hruni
til þingkosninganna
2009 hafi verið allt of
skammur. Hið raun-
verulega uppgjör í
stjórnmálunum hafi
því aldrei farið fram.
Spegilmynd þess blasir
því við. Aldrei hefur
ríkt eins mikið van-
traust í íslenzkum
stjórnmálum og ein-
mitt nú þegar aðeins rúm 9% kjós-
enda segjast bera traust til Alþingis
Íslendinga.
Fyrir okkur sem aðhyllumst þjóð-
holl borgaraleg viðhorf og gildi eru
það því ánægjuefni, að fram hefur
komið nýr flokkur á hægri kanti ís-
lenzkra stjórnmála. Hægri grænir.
Segja má að þetta sé
raunverulega eina al-
vöru framboðið til
hægri síðan gamli góði
Íhaldsflokkurinn var
og hét.
Hægri grænir skil-
greina sig sem flokk
fólksins, sem boðar
miklar breytingar fyrir
fólkið í landinu. Á
heimasíðu flokksins
www.xg.is er afar
vönduð og ítarleg út-
listun á stefnu flokks-
ins. Þar sem m.a. kem-
ur fram afar skýr og afdráttarlaus
þjóðleg stefna í Evrópumálum, nýj-
ungar í skattamálum, nýr gjaldmiðill
„ríkisdalur“, afnam gjaldeyrishafta
fyrir 1. des. 2013, afnám verðbólgu-
viðmiða og almennrar verðtrygg-
ingar. Tillögur flokksins um lausn á
aflandskrónuvandanum eru afar at-
hyglisverðar með tilkomu nýs gjald-
miðils. Þá boðar flokkurinn breyt-
ingar í sjávarútvegi, „Kínamúra“
milli smábátaútgerðar og stór-
skipaútgerðar, og að allar meirihátt-
ar kerfisbreytingar í sjávarútvegi
fari í þjóðaratkvæðagreiðslu. Svo að
fátt eitt sé nefnt.
Þörfin á uppstokkun í íslenzkum
stjórnmálum blasir því við nú í kom-
andi þingkosningum. Hinn sósíal-
demókratíski fjórflokkur þarf þar að
fá sín maklegu málagjöld. Á hægri
kanti íslenzkra stjórnmála þarf því
að myndast alvöru þjóðhollt hægri-
sinnað borgaralegt afl, í fyrsta sinn
frá gamla íhaldsflokknum. Sem
myndi breiðfylkingu, varanlegan
„turn“ gegn vinstriöflunum í land-
inu! Stjórnmálaumhverfi eins og
tíðkast víða þar sem hinar bláu og
rauðu blokkir takast á. En þar hefur
Sjálfstæðisflokkurinn gjörsamlega
brugðist með tilheyrandi efnahags-
hruni. Enda hafa sósíaldemókratísk
öfl fengið að grassera þar innan-
borðs ótakmarkað í áratugi. Með
skelfilegum afleiðingum fyrir land
og þjóð.
Þúsundir borgarasinnaðs þjóð-
hyggjufólks hafa því orðið fyrir
miklum vonbrigðum með Sjálfstæð-
isflokkinn. Líka þjóðhollir fram-
sóknarmenn með sinn miðjumoðs-
flokk. Nýtt þjóðhollt afl til hægri
gæti því orðið þessu fólki og kjós-
endum nýr pólitískur vettvangur.
Þar sem þjóðholl viðhorf og kristin
gildi eru höfð að leiðarljósi. Og að
grasrót slíkra lífsviðhorfa fái notið
sín í slíku flokkslegu uppbygginga-
starfi um land allt á næstu miss-
erum.
Hvort Hægri grænir valdi slíku
ákalli á nú eftir að koma í ljós. Von-
andi.
Því tækifærin virðast þeim í hag,
takist þeim að höndla þau. Spurn-
ingin um hvort raunveruleg upp-
stokkun á hægri kanti íslenzkra
stjórnvalda verði að veruleika virðist
því vera í höndum Hægri grænna og
forystu þeirra í dag. Því þar á bæ
virðast blása þeir nýju fersku vind-
ar, sem íslenzk þjóð þarf einmitt svo
mikið á að halda nú í siglingu sinni
inní 21. öldina.
Áfram hægri grænir.
Verður uppstokkun til hægri?
Eftir Guðm. Jónas
Kristjánsson » Segja má að þetta sé
raunverulega eina
alvöru framboðið til
hægri síðan gamli góði
íhaldsflokkurinn var og
hét.
Guðm. Jónas
Kristjánsson
Höfundur er bókhaldari og félagi í
Hægri grænum.