Morgunblaðið - 20.08.2012, Blaðsíða 16

16 UMRÆÐAN
MORGUNBLAÐIÐ MÁNUDAGUR 20. ÁGÚST 2012
Krossinn sem eitt
sinn var hryllilegt
pyntingar- og aftöku-
tæki, morðtól, varð við
upprisu Jesú Krists frá
dauðum sigurtákn lífs-
ins. Krossinn minnir
okkur þannig á frelsið
og hve dýru verði það
var keypt. Krossinn
minnir okkur þannig á
hina algildu fórn Jesú
Krists og á hina takmarkalausu fyr-
irgefningu Guðs. Því enginn á meiri
kærleika en þann að leggja líf sitt í
sölurnar fyrir vini sína, hvað þá svo
þeir fái lifað um eilífð.
Þú ert þannig frjáls maður, ekki
bundinn einhverjum kvöðum. Þú hef-
ur verið valinn í lið lífsins. Þú ert í sig-
urliðinu, því að þér hefur verið til-
einkaður sigur lífsins.
Hefurðu gert þér grein fyrir því?
Það er að vísu ekki þér að þakka. það
er náðargjöf Guðs.
Hvað veist þú annars háleitara og
dýrmætara en það að vera valinn í lið
lífsins af höfundi þess og fullkomn-
ara?
Þitt eigið ágæti og verk, þótt mik-
ilvæg séu, skera ekki úr um það hvað
um þig verður, heldur frelsisverk
Jesú Krists, sem er gjöf Guðs til þín.
Það er svo á þínu valdi hvort þú vilt
meðtaka gjöfina, og gefa þannig kost
á þér í sigurliðið eða bara þakka pent
fyrir annars gott boð og ákveða að
sitja hjá eða halda aðra leið, á vit ann-
arra ævintýra.
Öllum stendur til boða að mega
kallast Guðs börn og gerast þannig
himneskir borgarar. Mundu bara að
Guð á aðeins börn en engin barna-
börn.
Trúarjátning
Þess vegna er svo gott að mega
signa sig kvölds og morgna og jafnvel
um miðjan dag. Merkja sig sig-
urtákninu og fela sig þannig höfundi
og fullkomnara lífsins í auðmýkt og
þakklæti, í trausti þess að hann muni
vel fyrir sjá. Honum
sem er með okkur alla
daga allt til enda ver-
aldar og sleppir ekki
hendi sinni af okkur.
Minna sig þannig á hver
maður er, hverjum mað-
ur vill tilheyra og hvert
maður þráir að stefna í
lífinu.
Leyfa þannig tákni
krossins og kærleika
Guðs að tendrast í hjört-
um okkar og hafa áhrif á
okkur, Guði til dýrðar,
samferðafólki okkar til blessunar og
sjálfum okkur til heilla.
Því að signingin er ekki eitthvert
marklaust handapat út í loftið. Hún
er trúarjátning, bæn til Guðs. Bæn án
orða sem þó er hlaðin djúpri og inni-
haldsríkri merkingu. Með henni fær-
um við Guði þakkir fyrir lífið. Hún er
bæn um fyrirgefningu, æðruleysi og
auðmýkt, varðveislu og blessun. Vitn-
isburður okkar í umhverfinu um kær-
leika Guðs, lífið sjálft.
Eins og galdur
Segja má að ást Guðs sé þannig
eiginlega eins og galdur sem við skilj-
um ekki en getum upplifað, megum
hvíla í, meðtaka og njóta dag hvern,
um alla ævi og eilífð.
Fegraðu því umhverfi þitt með
gjöfum. Stráðu fræjum kærleika og
umhyggju. Og þín verður minnst sem
þess sem elskaði. Þess sem bar raun-
verulega umhyggju fyrir fólki.
Sigurtákn lífsins
Eftir Sigurbjörn
Þorkelsson
Sigurbjörn Þorkelsson
»Hvað veist þú annars
háleitara en að vera
valinn í lið lífsins af höf-
undi þess og fullkomn-
ara? Hefurðu gert þér
grein fyrir að þú ert í
sigurliðinu?
Höfundur er ljóðskáld og rithöfundur
og áhugamaður um almenna og öfga-
lausa guðrækni.
Ólympíumót fatlaðra fer fram í
London dagana 29. ágúst til 9. sept-
ember 2012 og er hluti af 45 daga
samfelldri íþróttahátíð sem hefst
með opnunarhátíð Ólympíuleikanna
27. júlí og lýkur með lokahátíð Ól-
ympíumóts fatlaðra þann 9. sept-
ember. Fyrir íþróttamenn er þátt-
taka í Ólympíuleikum eða
Ólympíumóti fatlaðra hápunkturinn
á ferli hvers og eins og þátttakan í
London 2012 verður þar engin und-
antekning.
Fjórir íslenskir íþróttamenn
munu keppa á Ólympíumótinu þau
Helgi Sveinsson og Matthildur Ylfa
Þorsteindóttir í frjálsum íþróttum
og Jón Margeir Sverrisson og Kol-
brún Alda Stefánsdóttir í sundi.
Ljóst er að kostnaður Íþrótta-
sambands fatlaðra vegna undirbún-
ings við þátttökuna í mótinu er um-
talsverður og því hefur bréf verið
sent til fyrirtækja á Íslandi „Í góðri
trú“.
Fyrsta Ólympíumót fatlaðra var
haldið í Róm 1960 og síðan þá hafa
mótin ávallt verið haldin sama ár og
Ólympíuleikarnir. Frá árinu 1988
hafa Ólympíumót fatlaðra verið
haldin í beinu framhaldi af Ólympíu-
leikunum, í sömu borg og sömu
íþróttamannvirkjum og frá árinu
1992 einnig í vetraríþróttum.
Íslendingar hafa verið sigursælir
á Ólympíumótum fatlaðra en þeir
tóku fyrst þátt í Ólympíumótinu sem
haldið var í Arnhem í Hollandi árið
1980. Þó má segja að uppgangur
íþrótta fatlaðra hér á landi hafi fyrir
alvöru hafist 1988 í Seoul í Suður-
Kóreu þar sem Ísland vann til
tveggja gullverðlauna á mótinu. Frá
1980 hafa fatlaðir íslenskir íþrótta-
menn unnið til 97 verðlauna á Ól-
ympíumótum fatlaðra og af þessum
verðlaunum eru 36 gullverðlaun. Þá
hafa Íslendingar unnið 66 verðlaun á
heimsmeistaramótum fatlaðra og 73
verðlaun á Evrópumeistaramótum –
ekki slæmur árangur það!
Nú þegar lokaundirbúningur
stendur sem hæst langar íslensku
keppendurna að leita eftir styrk frá
þessum fyrirtækjum að upphæð
5.000,- kr. eða því sem nemur 1250,-
kr. á hvern keppanda. Um leið og
greitt er fyrir hinn valfrjálsa
greiðsluseðil öðlast viðkomandi fyr-
irtæki hlutdeild í afrekum þessa
mikla íþróttafólks. Fatlaðir íslenskir
íþróttamenn hafa á undanliðnum ár-
um vakið aðdáun og eftirtekt vegna
framgöngu sinnar á stórmótum er-
lendis.
Ólympíumótið í London er hið
fjórtánda í röðinni og til þess að öðl-
ast þátttökurétt á Ólympíumóti fatl-
aðra þurfa keppendur að ná þeim
lágmörkum sem tilskilin eru af hálfu
mótshaldara. Einungis þeir íþrótta-
menn sem staðist hafa ströng al-
þjóðleg lágmörk öðlast þátttökurétt.
Því keppir aðeins besta íþróttafólk
heimsins úr röðum fatlaðra á
Ólympíumótunum.
Þá er öllum þeim sem ekki fá
greiðsluseðlana senda í pósti frjálst
að leggja þessu öfluga íþróttafólki
lið með frjálsum framlögum. Nálg-
ast má þær upplýsingar á heimasíðu
sambandsins, ifsport.is.
Í London gerum við okkar besta
og treystum á stuðning þinn!
ÓLAFUR MAGNÚSSON,
aðalfararstjóri Ólympíuhóps fatl-
aðra og framkvæmdastjóri fjármála-
og afrekssviðs Íþróttasambands
fatlaðra.
Í góðri trú
Frá Ólafi Magnússyni
Móttaka aðsendra greina
Morgunblaðið er vettvangur lifandi umræðu í landinu og
birtir aðsendar greinar alla útgáfudaga.
Þeir sem vilja senda Morgunblaðinu greinar eru vin-
samlega beðnir að nota innsendikerfi blaðsins. Kerfið er
auðvelt í notkun og tryggir öryggi í samskiptum milli
starfsfólks Morgunblaðsins og höfunda. Morgunblaðið
birtir ekki greinar sem einnig eru sendar eru á aðra
miðla.
Að senda grein
Kerfið er aðgengilegt undir Morgunblaðslógóinu efst í
hægra horni forsíðu mbl.is. Þegar smellt er á lógóið
birtist felligluggi þar sem liðurinn "Senda inn grein" er
valinn.
Í fyrsta skipti sem innsendikerfið er notað þarf not-
andinn að nýskrá sig inn í kerfið. Ítarlegar leiðbeiningar
fylgja hverju þrepi í skráningarferlinu. Eftir að viðkom-
andi hefur skráð sig sem notanda í kerfið nóg að slá inn
kennitölu notanda og lykilorð til að opna svæðið. Hægt
er að senda greinar allan sólarhringinn.
Nánari upplýsingar veitir starfsfólk Morgunblaðsins
alla virka daga í síma 569-1100 frá kl. 8-18.