Morgunblaðið - Sunnudagur - 24.11.2013, Page 50
Glæstur ferill
Eiður Smári Guðjohnsen • Fæddur: 15. september 1978 • Hæð: 1,85 m
Ár Félag Leikir/Mörk
1994 Valur Reykjavík 17 / 7
1995–1997 PSV 13 / 3
1998 KR Reykjavík 6 / 0
1998–2000 Bolton Wanderers 59 / 19
2000–2006 Chelsea 186 / 54
2006–2009 Barcelona 72 / 10
2009–2010 Monaco 9 / 0
2010 Tottenham (lán) 11 / 1
2010–2011 Stoke City 4 / 0
2011 Fulham (lán) 10 / 0
2011–2012 AEK Athens 10 / 1
2012–2013 Cercle Brugge 13 / 6
2013– Club Brugge 26 / 3
U-17
Leikir :
27
Mörk:
6
U-19
Leikir :
9
Mörk:
2
U-21
Leikir :
11
Mörk:
5
A-landslið
Leikir :
76
Mörk:
24
H
eimspressan beindi sjónum sínum að knattspyrnuliði Íslands í apríl 1996
þegar feðgarnir Arnór og Eiður voru valdir í A-landsliðsverkefni gegn
Eistlandi. Arnór byrjaði leikinn en Eiður sat á bekknum því það hafði
komið skipun frá knattspyrnuforustunni; það átti að láta þá byrja gegn
Makedónum á heimavelli í leik sem fór fram í júní. Þeir feðgar höfðu átt
þann draum um að spila saman landsleik en Arnór sagði frá þeim draumi nokkrum árum fyr-
ir leikinn gegn Eistlandi. Í millitíðinni, 7. maí, spilaði Eiður nánast nauðbeygður af KSÍ ung-
lingalandsleik gegn Norður-Írum en þar fótbrotnaði hann illa og var frá knattspyrnuiðkun í
mörg ár. Sperrileggur hægri fótar brotnaði og liðbönd slitnuðu.
Viðbrögð Eiðs við brotinu voru eftirminnileg. „Það fyrsta sem ég hugsaði þegar ég brotnaði
var: þar fór leikurinn með pabba,“ sagði hann í viðtali við Morgunblaðið 1998 þegar hann var bú-
inn að vera frá keppni í tvö ár. PSV vildi ekki sleppa Eiði í leikinn en KSÍ bar
fyrir sig reglur UEFA. Eiður átti að hjálpa U-18 ára liðinu að komast einu skrefi lengra en hann
hafði ekki spilað með því landsliði í tvö ár en var eðlilega þeirra besti maður. PSV átti bikarleik
skömmu síðar og hafði engan áhuga á að missa einn af sínum dáðustu sonum en með Eiði í framlín-
unni hjá PSV var Ronaldo, sem síðar varð besti knattspyrnumaður heims.
Á glæstum landsliðsferli þeirra feðga er þetta eini skugginn sem bar á þeirra feril.
Draumurinn um að spila landsleik saman rættist ekki og það hefur þeim sviðið lengi – og svíður
enn.
Eiður kom næst inn í landsliðshópinn gegn Andorra fjórða september 1999 og skoraði sitt fyrsta
landsliðsmark á 90. mínútu. Síðan bættust 23 landsliðsmörk til viðbótar en hann er langmarka-
hæstur íslenskra landsliðsmanna. Ríkharður Jónsson er næstur á markalistanum með 17 mörk.
Eiður Smári spilaði alla leiki Íslands í undankeppninni fyrir heimsmeistaramótið í Japan árið
2002, eða tíu talsins, og skoraði í þeim tvö mörk. Hann var leiðtogi liðsins um þetta
leyti og tók Atli Eðvaldsson, þáverandi landsliðsþjálfari, þá ákvörðun að gera Eið Smára að
landsliðsfyrirliða í júní árið 2003. Alls var hann fyrirliði í 26 leikjum. Alls gladdi
Eiður Smári íslenska landsliðsstuðningsmenn í 17 ár en nú er tjaldið fallið – einn besti knatt-
spyrnumaður Íslandssögunnar hefur kvatt landsliðið þó að allir voni að hann endurskoði þá
ákvörðun og fylgi landsliðinu á EM í Frakklandi 2016.
Eiður Smári
í 17 ár
EINN FREMSTI KNATTSPYRNUMAÐUR
ÍSLENSKRAR KNATTSPYRNUSÖGU,
EIÐUR SMÁRI GUÐJOHNSEN, HEFUR
LÍKLEGA LAGT LANDSLIÐSSKÓNA Á
HILLUNA EFTIR TAPIÐ GEGN KRÓAT-
ÍU Í VIKUNNI. EIÐUR ER MARKAHÆSTI
LEIKMAÐUR ÍSLANDS FRÁ UPPHAFI
EN LANDSLIÐSFERILL HANS HÓFST
ÞEGAR HANN KOM INN Á FYRIR
FÖÐUR SINN Í EISTLANDI 1996.
Benedikt Bóas benedikt@mbl.is
Í Prag í undirbúningi fyrir leik gegn Tékklandi með Ríkharði Daðasyni.
Morgunblaðið/Kristinn
Alls hefur
Eiður Smári
leikið 123
landsleiki
fyrir Ísland.
Atli Eðvaldsson gerði Eið Smára að fyrirliða íslenska landsliðsins.
Morgunblaðið/Kristinn Morgunblaðið/Brynjar Gauti
Ísland vann Ítalíu 2:0 í vináttuleik þar sem Eiður skoraði.
2000
50 MORGUNBLAÐIÐ SUNNUDAGUR 24.11. 2013
Í myndum
20042000