Morgunblaðið - 23.05.2014, Blaðsíða 19
Morgunblaðið/Skapti Hallgrímsson
Akureyri Horft úr Hlíðarfjalli yfir
bæinn, Pollinn og til Vaðlaheiðar.
Akureyringar eru í dag rúmlega 18 þús-
und og hefur fjölgað talsvert síðustu ár.
MORGUNBLAÐIÐ FÖSTUDAGUR 23. MAÍ 2014
Rétt rúm vika er í komandi sveit-
arstjórnarkosningar en þær verða
haldnar 31. maí næstkomandi og má því segja að lokasprettur kosningabaráttunnar sé hafinn. Næstu
daga verður farið yfir stöðu mála í stærstu sveitarfélögum landsins. Rætt verður við oddvita helstu
framboða á hverjum stað um þau mál sem helst hafa komið til umræðu í kosningabaráttunni. Í dag
verður farið yfir stöðuna á Akureyri, Akranesi og í Fjarðabyggð.
SVEITARSTJÓRNARKOSNINGAR
Stefán Gunnar Sveinsson
sgs@mbl.is
Gott samstarf hefur verið á milli meirihlutans og
minnihlutans í Fjarðabyggð á síðasta kjörtímabili um
að ná tökum á fjármálum bæjarins. Oddvitar framboð-
anna segja lítið um bein deilumál í kosningabaráttunni,
en þó séu ýmis atriði þar sem komi fram skýr áherslu-
munur á milli stefnu flokkanna, einkum þegar kemur
að almenningssamgöngum.
Svigrúm fyrir fjölskyldur
Jens Garðar Helgason, oddviti Sjálfstæðisflokksins,
segir að góður meðbyr sé með flokknum í sveitarfé-
laginu. „Við erum að fá góðar og miklar undirtektir við
þau störf sem við höfum sett á oddinn á kjör-
tímabilinu,“ segir Jens Garðar og nefnir sem dæmi
ákvörðun olíuvinnslu- og rannsóknafyrirtækisins Ey-
kon Energy um að staðsetja sig á Reyðarfirði, sem
kynnt var fyrr í mánuðinum.
Jens Garðar segir að ekki hafi verið nein stór-
vægileg deilumál á kjörtímabilinu, og að hópurinn sé
samhentur. Þó megi greina ákveðinn áherslumun á
milli framboðanna þriggja í kosningabaráttunni. „Við
leggjum til dæmis áherslu á það að nota það svigrúm
sem hefur skapast í fjármálum sveitarfélagsins til að
koma til móts við ungar fjölskyldur í Fjarðabyggð og
lækka álögur á þær og eldri borgara,“ segir Jens
Garðar sem er bjartsýnn á lokasprettinn.
Stuðningur við atvinnulíf
„Ég fer alltaf bjartsýnn í kosningabaráttu. Maður
verður bara að útskýra sína sýn og sína vinnu og vona
að fólk meti það og styðji,“ segir Jón Björn Há-
konarson, oddviti Framsóknarflokksins í Fjarðabyggð.
Hann bætir við að framboðin þrjú hafi nú verið á sam-
eiginlegum framboðsfundum í byggðakjörnunum sex
sem myndi Fjarðabyggð og þeir hafi verið jákvæðir og
góðir.
„Við viljum halda áfram með það sem vel hefur
gengið, að ná niður skuldum sveitarfélagsins,“ segir
Jón Björn. „Við setjum málefni fjölskyldunnar í víðasta
skilningi á oddinn, bæði með því að halda úti skóla-
starfi í öllum byggðakjörnum, og einnig með stuðningi
við tónlistarstarf, þar sem mikil rót er til staðar.“
Flokkurinn vilji einnig styðja við atvinnulíf sveitarfé-
lagsins, sem byggist einkum á Fjarðaáli og sjávar-
útvegi. Hins vegar sé þar einnig að bætast við ferða-
þjónusta og olíuleitin.
Stórátak þarf í stoðþjónustu
Elvar Jónsson, oddviti Fjarðalistans, segist vera
ánægður með stöðuna og vel gangi að kynna stefnu
listans. Elvar segir að bæjarstjórnin hafi í sameiningu
lagt áherslu á ábyrga fjármálastjórn á kjörtímabilinu
„Við höfum bent á að það þurfi að gera stórátak í stoð-
þjónustu við ungmenni sem þurfa á félagsþjónustu að
halda,“ segir Elvar. Þá hafi listinn einnig lagt mikla
áherslu á íbúalýðræði og nýsköpun í atvinnumálum,
einkum ferðaþjónustu. Elvar segir helstu átakamálin
vera tvö. Þar beri að nefna fyrst umferðaröryggi við
skólamannvirki, þar sem Elvar nefnir færslu á Nes-
götu suður fyrir fyrirhugaða leikskólabyggingu, en
gatan muni öðrum kosti liggja á milli leikskólans og
grunnskólans. Þá þurfi Fjarðabyggð að verða eitt
gjaldsvæði í almenningssamgöngum, þar sem kerfið
sem nú sé mismuni eftir vegalengdum, þannig að þeir
sem þurfi að sækja lengst í miðlæga þjónustu borgi
hærra gjald.
Kosningabaráttan jákvæð
Morgunblaðið/Sigurður Bogi
Frá Neskaupstað Samstarf meirihluta og minnihluta
hefur gengið vel í Fjarðabyggð á kjörtímabilinu.
Áherslumunur þegar kemur að almenningssamgöngum
Þórunn. Hún nefnir að skipulagsmál
séu á meðal þess sem sé í brenni-
depli, en þar þurfi til dæmis að skoða
hvernig farið verði með sementsreit-
inn sem sveitarfélagið hafi nú til um-
ráða. Þá muni þurfa að huga að fram-
tíðarskipan grunnskólamála og
húsnæðis þess. „Þeir eru komnir upp
að sársaukamörkum hvað varðar
fjölda, og það þarf að byrja á því
verkefni,“ segir Vilborg Þórunn. Þá
leggi Björt framtíð áherslu á að ný-
samþykkt mannréttindastefna Akra-
nesbæjar verði lifandi plagg.
Fegrun bæjarins
Ingibjörg Valdimarsdóttir, oddviti
Samfylkingarinnar á Akranesi, segir
að fólk þar sé bjartsýnt fyrir loka-
sprettinn. Hún segir Samfylkinguna
eiga töluvert inni, en þær kannanir
sem gerðar hafi verið hafi komið áður
en kosningabaráttan fór á flug.
Frambjóðendur hafi verið duglegir
að tala við fólk og fengið góðar við-
tökur. Ingibjörg segir að helstu mál
sem brenni á fólki séu skólamál, mál-
efni fjölskyldna og aldraðra og fegr-
un bæjarins. Um skólamálin segir
Ingibjörg alla sammála um að þar
þurfi að taka á málum, en að greint
sé á um hvernig eigi að gera það.
„Við viljum byrja á samræðu við bæj-
arbúa um það áður en ákveðið er að
byggja,“ segir Ingibjörg og telur að
stíga þurfi varlega til jarðar. „Allir
bæjarbúar þurfa að koma hér að, því
þetta snertir bæjarfélagið í heild
sinni.“
Spurning um forgangsröðun
Bjart var yfir Ingibjörgu Pálma-
dóttur, oddvita Frjálsra með Fram-
sókn, en hún var á fundi með stuðn-
ingsmönnum sínum sem haldinn var
úti í blíðviðrinu í gær. „Við finnum
ekki betur en landið sé að rísa,“ segir
Ingibjörg og bætir við að vel hafi ver-
ið tekið í þau málefni sem framboðið
hafi sett fram. Mikið sé um að vera á
næstu dögum, og frambjóðendur séu
að kynna sig.
Ingibjörg segir að engin átakamál
séu í bænum, en spurning frekar um
forgangsröðun. Mál framboðsins séu
færri en hnitmiðaðri. „Þær tillögur
sem við leggjum fram eru ígrund-
aðar, tímasettar og kostnaðar-
greindar,“ segir Ingibjörg.
„Við búum í ört vaxandi bæ, og
þurfum að taka tillit til þess að það
koma ýmsir vaxtarverkir í ljós þegar
bærinn stækkar,“ segir Ingibjörg og
nefnir þar einkum skólamálin og svo
heilbrigðismálin. Ingibjörg segir
brýnt fyrir sveitarfélagið að styðja
við stjórnendur heilbrigðisþjónust-
unnar til þess að halda úti góðri
heilsugæslu. Ekki náðist í Þröst
Ólafsson, oddvita Vinstri grænna.
Morgunblaðið/Árni Sæberg
Akranesbær Bæjarfélagið hefur verið í örum vexti að undanförnu og eru
flest málefnin sem þar eru rædd tengd ákveðnum „vaxtarverkjum“.
Flokkunarílát
sem einfalda ferlið
Viðarhöfða 2 110 Reykjavík | Sími 577 6500 | www.takk.is | takk@takk.is
ýmsar stærðir
og gerðir