Víkurfréttir - 01.07.2010, Blaðsíða 10

AUGLÝSINGASÍMINN ER 421 0000VÍKURFRÉTTIR I 26. TÖLUBLAÐ I 31. ÁRGANGUR10
Garðbúar og gestir
þeirra skemmtu sér vel
á fjölmennri Sólset-
urshátíð um helgina.
Þessi árlega fjölskylduhátíð fór vel fram að venju
þó sólskinið léti á sér standa. Þungamiðjan í
dagskránni var á laugardaginn þar sem skemmti-
kraftar og hljómsveitir stigu á svið og skemmtu
viðstöddum langt fram á kvöld. Kvöldinu lauk
svo með varðeldi og útihátíðarstemmningu sem
Árni Johnsen sá um að skapa eins og honum er
lagið. - VFmyndir/elg
MannlífiÐ í myndum
Gengið milli vita á Jónsmessunótt
Góð mæting var í Jónsmessugöngu sem efnt var til í tilefni Sólseturshátíðar í
Garði um helgina. Um 80 manns gengu frá Stafnesvita að
Garðskagavita í fylgd val-
inkunnra manna sem
þekkja vel til stað-
hátta og sögu svæð-
isins. Komið var að
Garðskagavita um kl.
hálf fimm um morg-
uninn eftir rúmlega
fjögurra tíma göngu
og þar beið ljúffengur
morgunverður eftir
fólkinu.
Ljósm/Reynir Sveins-
son.
Eigi verður kvartað yfir lélegri þátttöku í Jónsmessugöngu Bláa lónsins og
Grindavíkurbæjar síðastliðið laugardagskvöld því hátt í þrjú hundruð manns
mættu í gönguna í ljómandi fínu veðri. Stemmningin var góð að vanda. Gengið
var frá Sundlaug Grindavíkur og upp á Þorbjörn þar sem kveikt var í varðeldi
og hljómsveitin Árstíðir sá um brekkusönginn við góðar undirtektir. Síðan var
haldið af stað í Bláa lónið en þar var opið fram eftir kvöldi.
Ljósm/Þorsteinn Gunnarsson.
Ekki vantaði einbeitinguna
og ánægjuna þegar knatt-
spyrnusnillingar á aldrinum
3 - 6 ára mættu til leiks á
Iðavöllum í vikunni. Lið
Grindavíkur, Keflavíkur
og Breiðabliks í 8. flokki
háðu þar keppni. Ljóst
var að þarna voru knatt-
spyrnumenn framtíðarinnar
á ferð.
VFmyndir/elg
Knattspyrnusnillingar
framtíðarinnar
Um 300 manns í Jónsmessugöngu
Ljósmyndir frá þessum viðburðum og öðrum er að finna á ljósmyndavef Víkurfrétta á vf.is. Varst þú með myndavél á skemmtilegum
mannlífsviðburði á Suðurnesjum? Endilega sendu okkur myndir á vf@vf.is og leyfðu okkur hinum að njóta þeirra.
Sólarlaust en gaman