Bæjarins besta - 18.10.2007, Blaðsíða 8

FIMMTUDAGUR 18. OKTÓBER 20078
STAKKUR SKRIFAR
Sprakk á heita vatninu
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Hann er víðar hitinn frá orkufyrirtækjunum en í heitavatnspípunum. Svo
heitt var að borgarstjórn Reykjavíkur hélt hitaþrungna fundi um dótturfyrir-
tæki Orkuveitu Reykjavíkur. Í ljós kom að stoðir pólitíska meirihlutans í
höfuðborginni voru ótraustar og þoldu ekki hitann. Vilhjálmur fyrrum
borgarstjóri hefur fengið á sig hvern skellinn öðrum þyngri í síðustu viku og
er nú landlaus.
Spurning vaknar um meðferð almannafjár og spillingu stjórnmálamanna
eða grun þar um. Oft hefur verið haldið fram hér að fjölmiðlar fjalli um póli-
tík en gleymi að lang stærsti hópur stjórnmálamanna á Íslandi er ekki á Al-
þingi heldur í sveitarstjórnum og fer þar höndum um almannafé og tekur
ákvarðanir sem snerta marga með mun beinni hætti en þær sem alþingismenn
taka. Sveitarstjórnarmenn eru í frekari hættu en alþingismenn að verða
spillingu að bráð. Hagsmunir eru oftast ógnarsmáir, greiðasemi við nágranna
og vini, að ráða börn í sumarstarf eða eiginkonur í ræstingu í skólanum. Oft
hangir meira á spýtunni, sem látið er viðgangast í fámenni og sést ekki í fjöl-
mennari sveitarfélögum, nema kjörnir fullturúar hafi kjark til að vekja á því
athygli. Slíkt dæmi er uppi í Kópavogi nú og snertir einnig mun á launum
kynjanna.
Hvaða rétt hafa fulltrúar almenningsfyrirtækja til að selja athafnamönnum,
þótt allra góðra gjalda séu verðir, hluti í fyrirtækjum almennings fyrir hálf-
an milljarð svo dæmi sé tekið? Spurningin beinist að kjörnum fulltrúum en
ekki athafnamanninum.
Þarf nokkurn að undra þótt almenningi hitni í hamsi við tíðindi af sam-
runa Reykjavík Energy Invest og Geysir Green Energy, sem mun færa fjár-
festum tífaldan hagnað. Maðurinn sem augu þjóðarinnar hljóta fyrr eða
síðar að beinast að er forstjóri REI, Guðmundur Þóroddsson, er áður stýrði
Orkuveitunni. Hann virðist telja sig yfir kjörna fulltrúa hafinn. Treglega
gekk að fá hann til að upplýsa um 4 milljarða umfram kostnað við bygg-
ingu húss Orkuveitunnar. Þingmenn berjast fyrir fé til jarðgangagerðar
víða um land þar sem byggð stendur höllum fæti. Fé til skóla er af skornum
skammti og heilbrigðisstofnanir stynja þungan. Líklegur hagnaður athafna-
mannsins nemur meira en það kostar að klára Óshlíðargöngin milli Bolung-
arvíkur og Ísafjarðar. Sá kostnaður liggur ekki fyrir enn.
Spillingin, hverjum sem um er að kenna, varð Sjálfstæðisflokknum að
falli í borgarstjórn. Jarðgöngin bíða ákvörðunar um allt land og sá sem ekki
virðist hafa hreint mjöl í pokahorninu er enn á sínum stað í borgarstjórninni.
Þeir sem sjá fólkið sitt fara af landsbyggðinni skilja ekki milljarðapólitíkina.
Halli landsbyggðarinnar eykst á meðan.
Samdráttur í bílasölu á Ísafirði
Samdráttur hefur orðið á sölu bifreiða á Ísafirði í ár miðað við sama tíma í fyrra.
Bergmann Ólafsson, hjá bílasölunni Bílatangi, segir að um 15% samdráttur hafi orðið
á sölu nýrra bíla það sem af er ári. „Það er minni hreyfing á þessum tíma árs. Núna er
útsölur í fullum gangi í Reykjavík og maður finnur að salan minnkar á þessum tíma árs.
Við bjóðum upp á sama verð en erum hins vegar með minna úrval þannig að fólk er
mikið að fara suður til að fjárfesta í nýjum bílum.“ Sömu sögu er að segja um notaða
bíla, en Bergmann segir að um 10-12% samdrátt sé að ræða í sölu á notuðum bílum.
Styrkja endurbætur að Fjarðargötu 5
Veittur verður styrkur að upphæð 220.000 krónur vegna
endurbóta á húseigninni Fjarðargötu 5, Þingeyri, þar sem
beiðnin fellur að reglum við auglýsingu og sölu/afhendingu
gamalla húsa í eigu Ísafjarðarbæjar. Þetta var samþykkt á fundi
bæjarráðs Ísafjarðarbæjar eftir tillögu Halldór Halldórssonar
bæjarstjóra. Bæjarráð fól bæjarstjóra á 545. fundi sínum að
kanna hvort beiðni félli að ofangreindum reglum.
Veðurstofa Íslands hef-
ur útbúið sér veðurkort
fyrir Ísafjarðardjúp sem
hægt er að nálgast á vef
Veðurstofunnar. „Þar
sem veðurstöðvar eru
mjög þéttar í Djúpinu er
erfitt að koma veðurupp-
lýsingum vel til skila á
vefnum. Þetta eru vita-
skuld mjög mikilvægar
stöðvar og við ákváðum
því að útbúa sérkort sem
myndi nýtast heima-
mönnum sem eiga ferð
um Djúpið“, segir Helgi
Borg, verkefnastjóri hjá
Veðurstofunni.
Um er að ræða staðar-
spákort, sem eru sjálf-
virkar veðurspár fyrir
ákveðna staði, og athug-
unarkort sem búin eru til
með samtímaathugunum
til að gefa sem gleggsta
mynd af veðrinu á hverj-
um tíma. Er þetta fyrsta
sérkortið sem gert er fyrir
utan höfuðborgarsvæðið
en að sögn Helga eru
fleiri í vændum. „Við
ætlum að búa til fleiri kort
af þessu tagi í framtíðinni
og við vonum að heima-
menn geti nýtt sér þessa
þjónustu.“
Sér veður-
kort fyrir
Djúpið
Grimm framtíðarsaga
Rithöfundurinn Eyvindur
P. Eiríksson hefur gefið út
nýja skáldsögu sem ber heitið
Glass. Um er að ræða grimma
framtíðarsögu um ofboðs-
kennt tæknisamfélag sem er
farið úr böndunum. „Vara-
samir þættir okkar ofboðs-
kennda nútímasamfélags hafa
í sögunni þróast óheppilega
og samfélagsgerðin er farin
úr böndunum með slæmum
afleiðingum. M.a. er „The
Language“ endanlega orðið
opinbert mál fyrirtækja og
stjórnsýslu á Íslandi og ís-
lenskan lítið annað en skrýtin
mállýska, sem tvítyngdur al-
menningur notar þó daglegu
tali en mjög útlenskuskotna,
reyndar algengt í dag“, segir í
umsögn um söguna. Að sögn
Eyvindar þorði enginn hinna
stóru útgefanda að gefa þessa
bók út þar sem hún þótti of
mikil ádeila.
Glass sem er hans sjöunda
skáldsaga og að hans eigin
sögn sú grimmasta. Hún er
skrifuð í Arnardal, Kaup-
mannahöfn, La Minerve, og
Reykjavík með hléum á árun-
um 1990 til 2007. Þess má
geta að sagan gerist að hluta
til í Arnardal.
Eyvindur P. Eiríksson er
fæddur 19935 ættaður af
Hornströndum og hefur unnið
flest til sjós og lands. Lengst
af stundaði hann kennslu við
háskóla bæði hérlendis og er-
lendis. Eftir 1987 hefur hann
aðallega stundað ritstörf og
sent frá sér meira en 30 skáld-
verk. Þá hefur hann unnið með
myndlistarmönnum hér heima,
í Québec og á Ítalíu. Hann
hefur m.a. fengið Laxness-
verðlaunin og tilnefningu til
íslensku bókmenntaverðlaun-
anna.
Eyvindur gefur út bókina
sjálfur en þess má til gamans
geta að kápuna hannaði Erpur
Þ. Eyvindarson sem þekktur
er sem rappari, en færri vita
að hann er lærður margmiðl-
unarmaður. – thelma@bb.is
Landvernd mælir með jarðgöng-
um við vegagerð á Vestfjörðum
Landvernd mælir með því að
við vegagerð á Vestfjörðum verði
í ríkari mæli horft til jarðganga
sem valkosts. Með jarðgöngum á
milli fjarðarborna mætti víða
stytta vegalengdir og bæta um-
ferðaröryggi á sama tíma og kom-
ið yrði í veg fyrir óþarft umhverf-
isrask. Þetta segir í ályktun frá
aðalfundi Landverndar.
Í Kríunni, riti Landverndar sem
kom út um síðustu helgi eru birtar
hugmyndir að hugsanlegri veg-
gangavæðingu á Vestfjörðum til
skoðunar og umræðu. Eru þau
flokkuð í forgangsveggöng, veg-
göng sem huga beri að síðar,
veggöng og vegaframkvæmdir
sem komnar eru á framkvæmda-
stig og veggöng sem huga hefði
mátt betur að áður en ákvarðanir
um göng eða vegi voru teknar.
Frá þessu var sagt í fréttum ruv.is.
– thelma@bb.is Frá Vestfjarðagöngunum.