Frjáls verslun - 01.07.2011, Blaðsíða 50

50 FRJÁLS VERSLUN 7.tbl.2011
Mark Zuckerberg,
einn höfunda Facebook:
GRÍNIð vaRð að
MILLJöRð UM
Liturinn á Facebook er blár. Það er vegna
þess að blátt er uppáhaldslitur Marks Zuck­
erbergs og hann sér ekki mun á rauðu og
grænu. Litblindan er eini þekkti veikleiki
yngsta milljarðamærings heims.
Mark Zuckerberg, einn höfunda Facebook, er séní. Hann er fæddur snillingur og ekki að undra þótt tölvur leiki í höndunum á honum. Hann fékk einkatíma í forritun þegar sem ungur piltur og hefur fengist við forritun allt
frá yngstu bekkjum barnaskóla. Þó eru tölvur ekki sérgrein hans.
Fornmálin eru hans grein.
Hann er jafnvígur á ensku, hebresku, forn­grísku og latínu. Auk
þess leggur hann stund á mandarín­kínversku. Það er vegna þess
að kærastan er kínversk og verðandi tengdaforeldrar tala ekki
annað en kínversku. Og svo kann hann allan Hómer utan að og
var fyrirliði í skylmingaliði nemenda í skóla. Yfirburðagreindur
náungi en um leið félagslyndur og íþróttamannslega vaxinn.
Uppvaxtarárin voru hamingjurík enda fjölskyldan vel stæð.
For eldrarnir gyðingar í New York; faðirinn tannlæknir og móðirin
geðlæknir. Zuckerberg hefur ekki neyðst til að finna upp eitthvað
nýtt til að komast áfram í lífinu. Hann fékk allt í vöggugjöf.
Heimilisfangabók nemenda
Frumgerð Facebook varð til eftir að Zuckerberg kom til Harvard
að læra sálfræði og tölvuvísindi. Hann lék sér að því að búa til
samskiptakerfi fyrir skólasystkini sín á netinu. Þar var meðal annars
hægt að raða nemendum upp í vinsældaröð eftir útliti. Myndir tók
hann úr svokallaðri Face Book á heimavistinni – bók með heimilis­
föngum nemenda og myndum af þeim. Þetta var gert í gríni en varð
að facebook.com og hefur farið eins og faraldur um heiminn.
Facebook eða Fésbókin var sett á netið 4. febrúar árið 2004
og fleiri skólafélagar Zuckerbergs slógust í lið með honum.
Samskipta vefurinn átti bara að ná til skóla í Bandaríkjunum. Þeir
fluttu til Kaliforníu til að fullkomna hugmyndina og nú er auður
Zuckerbergs talinn 13 miljarðar Bandaríkjadala.
Núna er Zuckerberg orðinn 27 ára gamall og þegar farinn að feta
í fótspor annarra milljarðamæringa. Hann gefur á báðar hendur til
góðra málefna og hefur ekki farið varhluta af málaferlum, sakaður
um að hafa stolið hugmyndinni og svo framvegis.
Einræðisstjórnir hafa á honum litlar mætur og Kínastjórn hefur
látið loka fyrir Facebook þar í landi. Í Pakistan var vefnum lokað
um tíma vegna þess að þar birtist guðlast. Þetta er alltof kröftugur
samskiptavefur fyrir lokuð einræðisríki.
Hugsjónamaður
Zuckerberg leggur áherslu á hugsjónir sínar um opin samskipti.
Hann ætlaði ekki að græða á þessari hugmynd, sem vex af sjálfu
sér og margfaldast að vinsældum hvenær sem nýr vinur er tekinn
með. Allir verða að vera á Fésbókinni.
Núna eiga sex menn Facebook. Vefurinn hefur farið fram úr keppi­
nautunum í vinsældum og gerð hefur verið vinsæl kvikmynd um
Zuckerberg og frumkvöðulsstarf hans.
Hitt er svo annað mál hvað þessi tæplega þrítugi maður ætlar að
gera næst. Hann er þegar búinn að breyta heiminum – rétt kominn
á þann aldur þegar aðrir eru að hefja starfsferilinn. Grunnurinn að
velgengni hans eru meðfæddar gáfur, hvetjandi uppeldi, alhliða
menntun og þekking á tölvum.
Sergey Brin og Larry Page
umbyltu þekkingarleit á netinu með Google:
LæRðU að HUGSa
SJÁLFSTæTT
Sögnin að gúgla er nýyrði í íslensku máli.
Orðið er búið til úr enska orðinu google, sem
er misritun á orðinu googol. Það orð er ekki
heldur eiginlegt orð; bara eins konar barna­
mál fyrir óendanlega stórar tölur rétt eins og
þegar íslensk börn tala um trilljónir. Google
er eitthvað stórt.
Ef þú gúglar orðin sergey brin larry page án gæsalappa koma upp 2.690.000 síður á 0,24 sekúndum. Þetta er miðað við afkastagetuna á venjulegri borðtölvu. Fyrir nokkrum árum hefði heil mannsævi ekki dugað til að finna á þriðju milljón síðna um tilteknar persónur.
Síðurnar voru ekki einu sinni til. En leitarvél þeirra Sergeys Brins
og Larrys Pages er ekki fyrsta leitarvélin og ekki sú eina heldur.
Eldri leitarvélar kölluðu líka fram milljónir af síðum ef vinsæl orð
voru slegin inn. Nýjungin með Google er forgangsröðun síðna eftir
kerfi sem höfundarnir kalla „PageRank“ og gerir leitina markvis­
sari. Það er ekkert gagn í að fá upp 2.690.000 síður í einum haug.
Leyndarmálið að baki Google varð til árið 1996 meðan höfund­
arnir voru enn stúdentar við Stanford­háskóla. Það tók átta ár að
fullgera hugmyndina og Google­leitarvélin hefur staðið almenn­
ingi opin til notkunar frá árinu 2004. Google ber höfuð og herðar
yfir aðrar leitarvélar og tengd þjónusta eins og þýðingavél og
Mark Zuckerberg var undrabarn.