Víkurfréttir - 04.01.2008, Blaðsíða 19

VÍKURFRÉTTIR I FÖSTUDAGURINN 4. JANÚAR 2008 19STÆRSTA FRÉTTA- OG AUGLÝSINGABLAÐIÐ Á SUÐURNESJUM
Júní: Mörgum varð brugðið við
þær fréttir að Idolstjarnan Kalli
Bjarni úr Grindavík hefði verið
handtekinn í Leifsstöð með
mikið magn kókaíns sem hann
ætlaði að smygla inn í landið.
Kalli Bjarni fékk 2ja ára fangelsis-
dóm nú í desember vegna þessa.
Myndin er tekin fyrir viðtal
í Séð og heyrt aðeins örfáum
vikum áður en málið kom upp.
VF-mynd: elg.
Mars: Samkaup opnaði nýja og glæsilega verslun í Garði og menn
buðu í nefið í tilefni dagsins. Alls voru 8 nýjar Samkaupsverslanir
opnaðar á árinu. VF-mynd: elg.
Í Háskólasetrinu í Sandgerði var opnuð einkar áhugaverð
sýning um ævi og störf franska heimskautafarans Jean-
Baptiste Charcot.
Apríl
Apríl: Fögnuður í fjörunni. Wilson Muuga losnaði af strandstað í
Hvalsnesfjöru þegar um fjórir mánuðir voru liðnir frá strandi skips-
ins. Árni Kópsson og hans menn blésu á hrakspár um að skipinu
yrði náð á flot. Wilson Muuga siglir nú um heimsins höf undir öðru
nafni. VF-mynd: elg.
Apríl: Miklar breytingar hafa verið gerðar á Flugstöð Leifs Eiríks-
sonar. Auk þess átti stöðin 20 ára afmæli og var þessum tímamótum
formlega fagnað að viðstöddu fjölmenni um miðjan mánuðinn.
Árið 1983 þegar fyrsta skóflustungan var tekin að FLE fóru 460 þús-
und farþegar árlega um gömlu flugstöðina. Í dag eru þeir tvær millj-
ónir. VF-mynd: elg.
Ný sýning, Vagg og velta,
var sett upp í Poppminja-
safninu í Duushúsum.
Yfir 20 milljón króna út-
gjaldaaukning án heimildar
vegna Sundmiðstöðvarinnar
varð tilefni til harðrar
gagnrýni minnihlutans
í bæjarstjórn Reykjanes-
bæjar. Svo virtist sem eng-
inn hefði verið spurður.
Hitaveita Suðurnesja og Norð-
urál undirrituðu orkusamning
vegna álvers í Helguvík.
Geysir Green Energy átta lang-
hæsta tilboðið í hlut ríkisins
í Hitaveitu Suðurnesja. Þar
með voru stigin fyrstu skrefin
í einkavæðingu orkufyrir-
tækja. Sitt sýndist hverjum um
ágæti þess og hart var deilt á
árinu um skipan orkumála.
Maí: Háskólinn Keilir formlega stofnaður á gamla varnarsvæðinu,
sem þar með fékk nýtt hlutverk. Árni Sigfússon, bæjarstjóri, hand-
salar hér samning um stofnun Keilis við þrjá ráðherra þáverandi rík-
isstjórnar, Þorgerði Katrínu Gunnarsdóttur, Árna Matthiesen og Jón
Sigurðsson. VF-mynd: elg.
Maí: Starfsmenn Brunavarna Suðurnesja lögðu land undir fót til
styrktar Ara Elíasyni, samstarfsfélaga sínum, og fjölskyldu hans, en
þau þurftu að halda með nýfædda dóttur sína til Bandaríkjanna í
hjartaaðgerð. Þeir gengu allt frá Hafnarfirði til Reykjanesbæjar til
stuðnings þessu góða málefni. VF-mynd: Þorgils
Maí: Veitingahúsaeigendur, lögreglan og bæjaryfirvöld í Reykja-
nesbæ gerðu tímamótasamning um nýjar leiðir gegn ofbeldi og
fíknaefnanotkun. Samkomulagið fólst m.a. í stytti opnunartíma veit-
ingastaða og nánara samstarfi við lögreglu. VF-mynd: pket.
Maí: For svars menn
Data Íslandía og Sand-
gerðisbæjar opinbera
líkan af framúrstefnu-
legu húsnæði fyrir staf-
ræna gagna geysmslu
sem mun rísa á gamla
R o ckv i l l e - svæ ð inu.
Svæðið þykir henta mjög
vel, ekki síst vegna kulda
og hvassviðr is. Loks-
ins að það kom í góðar
þarfir.
VF-mynd: Þorgils
Börkur Birgisson úr Reykja-
nesbæ komst í fréttirnar þegar
hann brá sér eina kvöldstund
til veiða í Þingvallavatni og
landaði gríðarlegu urriða-
ferlíki upp á ein 25 pund.
Sparisjóðurinn í Keflavík
átti 100 ára afmæli á árinu
og opnaði m.a. nýtt og
glæsilegt útibú í Garði.
Að afstöðnum þingkosningum
stóðu Suðurnesjamenn uppi
með aðeins tvo þingmenn,
sem mörgum þóttu nú
heldur rýrt miðað við fjölda
kjósenda á svæðinu. Björk
Guðjónsdóttir og Grétar Mar
Jónsson komust á þing, Björk
fyrir Sjálfstæðisflokkinn og
Grétar fyrir Frjálslynda.
Fyrsta sérsverslunin með
pólskar matvörur var
opnuð í Reykjanesbæ. Hún
heitir Jubo og er til húsa á
Iðavöllum 7. Síðar bættist
við önnur á Hringbraut og
heitir sú Mini-Market.
Margur íbúinn í Innri-Njarð-
vík var lítt hrifinn af bygg-
ingaráformum um háhýsi á
Brynjólfsreitnum svokallaða.
Undirskriftum var safnað.
Mörgum þótti afar umdeilan-
leg ráðning nýs skólastjóra
við Grunnskólann í Sandgerði
þegar gengið var fram hjá
Pétri Brynjarssyni, sitjandi
skólastjóra til tveggja ára og
aðstoðarskólastjóra til 11
ára. Stöðuna fékk Fanney
Halldórsdóttir, tengdadóttir
Óskars Gunnarssonar,
forseta bæjarstjórnar.
Marta Guðmundsdóttir úr
Grindavík afrekaði að ganga
þvert yfir Grænlandsjökul til
styrktar krabbameinsrann-
sóknum. Marta lést í nóvem-
ber síðastliðnum eftir hetju-
lega baráttu við sjúkdóminn.
Maí
Júní
FRAMHALD
Í NÆSTA BLAÐI