Austurland - 09.01.2014, Blaðsíða 9
99. janúar 2014
upp á Vatnajökul og þannig aðstoða
Björgunarfélag Hornafjarðar. Auk
þess aðstoðuðu þeir við fjárleit á
Mývatnsöræfum þegar fjárskaðinn
varð þar í september 2012 því þeir
eiga bíl sem hentaði vel við það. Því
má segja að þeir fari þangað sem
þeir eru kallaðir og aðstoðar er þörf.
Fjáröflun björgunarsveitarinn-
ar felst aðallega í flugeldasölu og
gæsluverkefnum ýmiss konar á
sumrin. Þeir tína einnig og selja dósir
og ákveðinn stuðningur kemur frá
sveitarfélaginu.
BjörgunArsveitin
ársól, reyðArfirði
Ingi Lár Vilbergsson er formaður
Björgunarsveitarinnar Ársólar á
Reyðarfirði en annars er hann vél-
stjóri hjá Samherja. Í sveitinni eru
27 starfandi meðlimir.
Helstu verkefni eru óveðursút-
köll, aðstoð við vegfarendur, al-
menn fjallaverkefni svo sem aðstoð
við göngufólk óg vélssleðafólk. Auk
þess aðstoða þeir við sjúkraflutninga
og sköffuðu meðal annars einn bíl
þegar verið var að koma sjúklingi
frá Djúpavogi upp í Egilsstaði um
nýliðin jól. Ingi nefndi að mjög mikil
samvinna væri milli björgunarsveita
á Austurlandi.
Fjáröflun felst aðallega í flugelda-
sölu en það er um 60%, restin er dósir
og fjáraflanir sem falla til, gæsla og
svo framvegis. Samstarfssamning-
ur er við sveitarfélagið sem felur
meðal annars í sér endurgreiðslu
á fasteignagjöldum. Hús félagsins,
Þórðarbúð, hafa þeir verið að byggja
undanfarin sjö ár og eiga skuldlaust.
BjörgunArsveitin
BárA á djúpAvogi
Formaður Báru er Reynir Arnórsson
en hann vinnur hjá Vísi, fiskvinnslu á
Djúpavogi. Í sveitinni eru um það bil
14 á útkallsskrá. Björgunarsveitin á
Djúpavogi er þokkalega búin til leit-
ar að fólki á landi og sjó og eiga þeir
góðan bíl og einnig vel búinn bát
til að nota við leit á sjó. Björgunar-
sveitin fór í fyrsta útkallið á þessu
ári strax á nýársdag þegar fimm Jap-
anir lentu í vandræðum í Álftafirði.
Þessum sömu Japönum björguðu svo
Vopnfirðingar síðar um daginn.
Fjáröflun sveitarinnar er aðallega
fólgin í flugeldasölu, sölu á neyðar-
kallinum og móttöku á einnota
drykkjarumbúðum, auk þess sem
sveitin hefur nokkra styrktaraðila.
Þar að auki sér björgunarsveitin
alltaf um kaffiveitingar á sjó-
mannadaginn. Kökurnar baka þeir
ekki sjálfir heldur setjast þeir niður
nokkru fyrir sjómannadaginn og
skrifa nöfn 20-24 kvenna, sem búa
í þorpinu, niður á blað. Þeir banka
svo upp á hjá þessum konum og
spyrja einfaldlega: „Vilt þú baka
fyrir sjómannadaginn?“ Þeir hafa
aldrei nokkurn tímann fengið nei.
Konurnar eru alltaf boðnar og búnar
til að baka og aðstoða við hátíðar-
höld sjómannadagsins. Þær koma
svo, ásamt fjölskyldu sinni, og kaupa
sér veitingar hjá björgunarsveitinni.
Þetta er dæmi um þann velvilja sem
björgunarsveitin nýtur hjá bæjar-
búum á Djúpavogi.Björgunarsveitin
stendur ágætlega fjárhagslega og á
eigið húsnæði. Sveitarfélagið styrkir
sveitina um ákveðna upphæð á ári
eins og svo algengt er hjá sveitar-
félögum.
BjörgunArfélAg hornA-
fjArðAr á höfn
Formaður Björgunarfélagsins
Hornafjarðar er Friðrik Jónas
Friðriksson en hann er einnig raf-
virki og sjúkraflutningamaður. Í
björgunarfélaginu eru um það bil
30 virkir félagsmenn en hátt í 50
eru á útkallsskrá. Helstu verkefni
Björgunarfélags Hornafjarðar er
aðstoð við ferðamenn allt árið en
auk þess hefur aðstoð við lögreglu
aukist undanfarin ár. Það er ljóst að
lögreglan er fáliðaðri nú en hún var
áður og því kemur björgunarfélagið
að ýmsum verkefnum sem lögreglan
sá alfarið um áður. Friðriki fannst
sem aðstoð við útlenda ferðamenn
hefði minnkað eitthvað og nefndi
sem dæmi um það að þar til í fyrra
(2013) hefður þeir reglulega verið
að draga útlendinga á bílaleigu-
bílum upp úr Skyndidalsá en ekk-
ert slíkt útkall hefði komið í fyrra.
Útlendingarnir hefðu að vísu verið á
jeppum en ekki á jeppum til að fara
yfir ár. Honum datt í hug að kannski
hefðu bílaleigurnar eitthvað tekið
sig á í upplýsingagjöfinni en gat þó
ekki verið viss um það.
Björgunarfélagið fær mest út
úr flugeldasölunni. Hún er stærsti
pósturinn í fjáröflun félagsins. Auk
þess gefur flugeldasýningin við Jök-
ulsárlón í lok ágúst vel og má segja
að björgunarfélagið sé að halda upp
á lok sumarvertíðarinnar með henni.
Einnig selja þeir neyðarkall en hann
gefur ekki eins mikið og flugelda-
salan. Sveitarfélagið Hornafjörður
styrkir björgunarfélagið mjög vel
í sambandi við heilsueflingu og
-styrkingu félagsmanna auk þess sem
það fellir niður fasteignagjöld svo
eitthvað sé nefnt.
fórnfúsir einstAklingAr
Tengdar flestum björgunarsveitun-
um eru unglingadeildir auk þess sem
kvennadeildir og slysavarnadeild-
ir eru til staðar. Það er því ljóst að
einstaklega margt óeigingjarnt og
fórnfúst fólk er tengt björgunarstarf-
inu. En orkan er ekki endalaus og því
verður að gæta þess að ganga ekki að
óþörfu á þol björgunarsveitarfólks
með alls kyns óþarfa verkefnum
sem hefði verið hægt að koma í veg
fyrir hefðu aðilar aðeins spáð í að-
stæður áður en af stað var farið eða
áður en óveðrið skall á. Ég er ekki
björgunarsveitarmaður og tel mig
ekki hafa til að bera þá fórnfýsi sem
björgunarsveitarfólk hlýtur að búa
yfir. En ég kaupi flugeldana mína hjá
björgunarsveitinni og reyni að lenda
ekki í vandræðum og styrki björg-
unarsveitirnar á þann hátt. Ég trúi
því að flestir í smærri bæjarfélögum
úti á landi hugsi þannig og er þakk-
lát fyrir að til sé fórnfúst fólk sem
telur ekki eftir sér að aðstoða aðra. a
Aldamótabærinn Seyðis-
fjörður hlýtur styrk
Verkefnið Aldamótabærinn Seyðis-
fjörður – skapandi allt árið hlaut
góðan styrk á dögunum úr Þróunar-
sjóði Landsbankans og atvinnu-
vega- og nýsköpunarráðuneytis.
Um er að ræða klasasamstarf að-
ila í ferða- og menningargeiran-
um á Seyðisfirði. Unnið verður að
vöruþróun og markaðssetningu á
sviði menningar- og ferðamála á
Seyðisfirði. Meðal annars verður
ráðist í að betrumbæta vefinn www.
visitseydisfjordur.com sem er í eigu
klasans og að markaðssetja vetur-
inn á Seyðisfirði. Verkefnið hlaut
styrk að upphæð kr. 2.150.000.
Davíð Kristinsson veitti styrkn-
um viðtöku fyrir hönd hópsins en
skrifstofa ferða- og menningarmála
heldur utan um verkefnið og er Að-
alheiður Borgþórsdóttir verkefnis-
stjóri. a
Þorrablót á
Seyðisfirði
Á heimasíðu Seyðisfjarðarkaupstað-
ar er þegar farið að huga að næstu
viðburðum en þar er auglýsing frá
þorrablótsnefnd Seyðisfjarðar sem
er svohljóðandi:
Áramótin liðin og hversdagslegur
mánudagur fer að renna upp. Þá er
kominn tími til að huga að næsta
almennilega djammi! Janúar er
aldrei tími þunglyndis og trega þó
svo að skammdegið sé enn ríkjandi
því að þá er tími ÞORRABLÓTS
runninn upp. Fyrir þá sem ekki
hafa frétt af því þá er búið að bóka
Þorrablót Seyðfirðinga 25. janúar
næstkomandi og sömuleiðis búið að
bóka að það verður gleði, gaman og
glæsileiki við völd. Nefndin er á fullu
við störf og er um sérlega glæsilegan
og skemmtilegan hóp að ræða þetta
árið sem væntanlega mun bjóða upp
á eitt albesta blót sögunnar og þá
erum við ekkert að ýkja . Biðjum alla
að leggja strax inn beiðni um eina
viku í sumarfrí þar sem búast má við
lokaðri heiði og skemmtanahöldum
í eina viku eða svo.
Eins og kemur fram í þorrablóts-
auglýsingunni er fólki ráðlagt að
taka sér nokkurra daga frí í kringum
þorrablótshelgina enda mönnum það
enn í fersku minni þegar Héraðsbúa
og aðra fennti inni á Seyðisfirði í
fyrra. a
öfluGur bílafloti er mikilvægur hverri björgunarsveit
blessuð fjarðarHeiðin sér björgunarsveitum fyrir nægum verkefnum og hrellir
stundum þorrablótsgesti.