Morgunblaðið - 14.02.2015, Page 22
22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 14. FEBRÚAR 2015
56 10 000
TAXI
BSR
Góð þjónusta
yfir 90 ár
!
!
!""
"
#
"
!"#
$#
!%
&'()* (+(
,-&.&+/0 -'+(1(23& 45+(2/5
!%
!"
!
!!%
" %
!%
!
$
%
!%#
!$
!$
" $
$#
!
$"
%""
! !
Skannaðu kóð-
ann til að sjá
gengið eins og
það er núna á
● Viðræður eru í gangi við fjársterka
erlenda fjárfesta um kaup á 95% hlut
slitabús Glitnis í Íslandsbanka að sögn
Steinunnar Guðbjartsdóttur, formanns
slitastjórnarinnar. Ekki liggi fyrir skuld-
bindandi tilboð og því ótímabært að
greina nánar frá málinu.
Fullyrt var í DV í gær að skrifað hefði
verið undir viljayfirlýsingu í síðustu viku
þar sem fjárfestar frá Mið-Austur-
löndum skuldbundu sig til að kaupa
hlutinn. Steinunn vildi ekki staðfesta að
svo væri og sagði að ótímabært væri
að tjá sig um þetta núna. „Það er ekki
fyrr en við verðum komin með skuld-
bindandi tilboð sem ástæða er til að tjá
sig um þessar viðræður. Ef hins vegar
þær leiða til samkomulags munum við
ekki hika við að upplýsa kröfuhafa,
stjórnvöld og aðra hagsmunaaðila um
það,“ sagði Steinunn.
Viðræður um kaup á hlut
Glitnis í Íslandsbanka
● Fátt virðist réttlæta miklar hækkanir
á álverði miðað við núverandi efnahags-
umhverfi, að því er fram kemur í nýrri
greiningu frá IFS. Aukin framleiðsla við-
haldi lækkunarþrýstingi á álverð enn
um sinn. Spáir IFS því að álverð verði á
bilinu 1.775-1.900 dollarar tonnið á
fyrsta fjórðungi þessa árs.
Spá svipuðu álverði
STUTTAR FRÉTTIR ...
BAKSVIÐ
Stefán E. Stefánsson
ses@mbl.is
Engar breytingar hafa verið gerðar
á kröfuhafaskrá í þrotabú Icebank
(SPB) þrátt fyrir að Morgan Stanley
hafi haft milligöngu um tugmilljarða
viðskipti með kröfur í hinn fallna
banka, eins og greint var frá í Við-
skiptaMogganum hinn 29. janúar
síðastliðinn. Morgunblaðið hefur
heimildir fyrir því að hluti þeirra
krafna sem boðnar voru í skiptum
fyrir kröfurnar á SPB hafi verið í
eigu Eignasafns Seðlabanka Íslands
(ESÍ).
Í samtali við Morgunblaðið segir
Tómas Jónsson, formaður slit-
astjórnar SPB, að engar tilkynning-
ar hafi borist honum vegna viðskipta
á grundvelli tilboðs frá Morgan
Stanley og því sé engin vissa fyrir
því að viðskipti hafi átt sér stað. Slit-
astjórnin heldur utan um breytingar
þær sem verða á kröfuhafaskránni
þegar kröfur eru framseldar nýjum
eigendum. „Ég get staðfest það að
okkur hafa ekki borist neinar stað-
festar upplýsingar um að viðskipti
með kröfur í þrotabúið hafi átt sér
stað. Af þeim sökum get ég ekki full-
yrt að nein viðskipti hafi verið með
kröfur í búið.“ Á þessari stundu eru
skráðir kröfuhafar rétt rúmlega 80
talsins.
Mikil viðskipti
Fyrrnefnd viðskipti byggðu á til-
boði sem Morgan Stanley gerði í
kröfur þrotabúsins og var tilboðið
háð því að safnast myndu að lág-
marki kröfur að fjárhæð 55 milljarð-
ar króna að nafnvirði. Samkvæmt
heimildum Morgunblaðsins var því
lágmarki náð. Ekki er ljóst hvert
heildarraunvirði viðskiptanna er, en
slitastjórn SPB hefur sent kröfuhöf-
um sínum bréf vegna sáttaboðs sem
hún hefur gert ESÍ vegna ágrein-
ings sem milli aðila hefur risið og
ViðskiptaMogginn fjallaði um á
fimmtudag. Í því tilboði er gert ráð
fyrir að endurheimtur verði að jafn-
aði 28,5% og samkvæmt því nemur
raunvirði hinna keyptu krafna að
lágmarki 15,7 milljörðum króna.
Fari mál á versta veg fyrir þrotabúið
og tapi það máli sem höfðað hefur
verið fyrir héraðsdómi vegna fyrr-
nefnds ágreinings gæti virði krafn-
anna við uppgjör legið nærri 11,7
milljörðum króna.
ESÍ tjáir sig ekki
Eins og fyrr segir herma áreið-
anlegar heimildir Morgunblaðsins
að hluti þeirra krafna á Kaupþing
sem Morgan Stanley notaði til
greiðslu fyrir kröfunum á SPB hafi
verið í eigu Eignasafns Seðlabanka
Íslands. Þegar Haukur C. Bene-
diktsson, framkvæmdastjóri ESÍ,
var spurður út í hvað skýrði þá stað-
reynd sagðist hann ekki tjá sig um
málið og bar við trúnaði milli ESÍ og
þeirra aðila sem félagið ætti í við-
skiptum við á hverjum tíma. „Að svo
stöddu mun ég ekki tjá mig um þessi
mál,“ sagði Haukur.
Viðurkenna ekki kaup á 55
milljarða kröfum á Icebank
Morgunblaðið/Ómar
Þrotabú Eignasafn Seðlabanka Íslands neitar að tjá sig um viðskipti sem átt hafa sér stað með kröfur í þrotabú Icebank.
Margþættur ágreiningur
» Slitastjórn Icebank hefur ekki
viðurkennt allar kröfur ESÍ á
hendur þrotabúinu.
» Slitastjórnin telur sig eiga
kröfu á hendur ESÍ.
» Sáttaboð hafa gengið á víxl
milli aðila frá því í byrjun febrúar.
» Ef ekki verður leyst úr ágrein-
ingi slitastjórnar og ESÍ fyrir 15.
apríl verður deilan útkljáð fyrir
dómstólum.
Skrá yfir kröfuhafa hefur ekkert breyst þrátt fyrir tugmilljarða viðskipti
Wow air tilkynnti í gær kaup á
tveimur Airbus A321-211-farþega-
þotum sem afhentar verða um miðj-
an mars. Þær voru upphaflega
keyptar af rússnesku flugfélagi sem
féll frá kaupunum vegna lélegs ár-
ferðis í efnahagsmálum Rússlands.
Stefnt hafði verið að afhendingu vél-
anna til fyrirtækisins undir lok síð-
asta árs. Vegna breyttra aðstæðna í
rekstri rússneska félagsins voru vél-
arnar aldrei afhentar kaupanda en
þess í stað stuðlaði flugvélaframleið-
andinn, með milligöngu evrópsks
fjármögnunarfyrirtækis, að því að
Wow air gæti gengið inn í kaup-
samninginn sem upphaflega hafði
verið gerður um vélarnar.
Svanhvít Friðriksdóttir, upplýs-
ingafulltrúi flugfélagsins, segir að
stefnt hafi verið að kaupum af þessu
tagi allt frá því að félagið fékk flug-
rekstrarleyfi. „Við erum mjög
ánægð með niðurstöðuna enda ekki
hægt að finna hentugri flugvélar fyr-
ir Norður-Ameríkuflugið okkar
heldur en nýju Airbus A321-vélarn-
ar.“
Vélar af þessari tegund eru fram-
leiddar til að flytja allt að 220 far-
þega en í vélum Wow air eru aðeins
200 sæti. Breyta þurfti vélunum til
þess að þær hentuðu í hið langa flug
yfir Atlantshafið og var það gert með
aukaeldsneytistönkum. Rýmið sem
þeir taka hefur ekki áhrif á nýting-
armöguleika farangursrýmis þar
sem vélar Wow air taka tæplega 10%
færri farþegar en vélarnar geta bor-
ið við fulla nýtingu.
Fyrstu ferðir vélanna verða til
Boston 27. mars næstkomandi en
svo bætast við ferðir til Washington
frá og með 8. maí.
Morgunblaðið/Ómar
Flug Skúli Mogensen segir draum
rætast með kaupum á flugvélunum.
Þotur Wow áttu að
fara til Rússlands
Aukaeldsneytis-
tönkum verður
komið fyrir um borð