Húnavaka - 01.05.2004, Blaðsíða 163

MUNAVAKA
161
yrðunum bar prjónaskapinn hæst en þar afkastaði hún miklu á sinni lífs-
göngu. Lesturinn var henni einnig mikið yndi og hafði hún gaman af
lestri góðra bóka sem auðguðu andann og gáfu augnablikinu.
Agnes var jarðsungin frá Höskuldsstaðakirkju 25. október.
Sr. Magnús Magnússon.
Anna Sigurbjörg Hafsteinsdóttir
frá Gunnsteinsstöðum.
Fœdd 9. janúar 1935 - Dáin 2. desember 2003
Anna fæddist að Gunnsteinsstöðum. Foreldrar hennar voru, Pétur Haf-
steinn Pétursson bóndi á Gunnsteinsstöðum og kona hans, Guðrún Ingi-
björg Björnsdóttir.
Anna ólst þar upp með fimm systkinum í leik og starfi þar sem góðvild
og mannkærleikur var hafður í fyrirrúmi.
Barnaskólanám sótti hún í farskóla sveitarinnar og síðan í unglinga-
skóla á Blönduósi. Haustið 1954 fór Anna til Reykjavíkur og vann á skrif-
stofu ásamt því að stunda nám í kvöldskóla. Arið 1956 hóf hún síðan
nám í Hjúkrunarkvennaskóla Islands og lauk þar námi 1959.
Hún vann við Sjúkrahúsið á Akureyri árið 1960. Einnig vann hún um
tíma við hjúkrun í Svíþjóð og Noregi en aðallega helgaði hún Landspítal-
anum krafta sína. Þar var hún deildarstjóri á lyfjadeild frá árinu 1967 til
1998. Vorið 1986 lauk Anna stjórnunarnámi
við Hjúkrunarskóla Islands.
Anna var mikils metinn stjórnandi í starfi
sínu og vil ég vitna í grein eftir Bjarna Þjóð-
leifsson lækni þar sem hann segir: „Hún skap-
aði gott vinnuumhverfi sem laðaði að
starfsfólk og það var gæfa að fá að stíga sín
fyrstu læknisspor á þessari deild.“ A öðrum
stað í greininni segir liann: „Mannkostir
Onnu komu vel fram í þessu erilssama starfi
en hún skapaði sterka liðsheild með metnaði
og góðum starfsanda sem við búum enn að.“
Þá skrifaði Tryggvi Asmundsson læknir:
,Anna er meðal bestu hjúkrunarfræðinga
sem ég hef kynnst. Sjúklingurinn var ávallt í
fyrirrúmi.“
Stuttu eftir 1970 keypd Anna íbúð að Dúfnahólum 4 á annarrri hæð
þar sem útsýni er mjög fagurt yfir Reykjavík og út á sundin. Þar skapaði
hún fallegt og hlýlegt heimili sem stóð opið vinum hennar og frænd-
fólki. Hún hafði yndi af að elda góðan mat sem við öll sem þekktum