Dagblaðið Vísir - DV - 23.09.2011, Qupperneq 19

Fréttir | 19Helgarblað 23.–25. september 2011
Margfalt hagstæðara
að kaupa en leigja
F
yrir um viku kynnti
Ársæll Valfells, lektor
við viðskiptafræði­
deild Háskóla Íslands
greiningu á íslenska
íbúðarhúsnæðismarkaðin­
um. Niðurstaða hans var sú að
íbúðarhúsnæði á Íslandi væri
ekki arðbær fjárfestingarkost­
ur. Ekki borgaði sig að kaupa
íbúðarhúsnæði á höfuðborgar­
svæðinu ef ætlunin væri að
hagnast á útleigu. Þyrfti leiga
að hækka um þriðjung til þess
að fjárfesting kæmi út á sléttu.
Kynnti hans niðurstöður sínar
á fundi hjá VÍB, eignastýring­
arþjónustu Íslandsbanka.
Mun hagstæðara fyrir
hjón að kaupa
Samkvæmt útreikningum sem
sjá má í töflu með frétt virðist
hins vegar borga sig að kaupa
íbúðarhúsnæði nú árið 2011 í
stað þess að leigja ef fasteignin
er ætluð til eigin nota. Ef hækk­
un íbúðaverðs er tekin inn í
dæmið yrði kostnaður af því
að taka 20 milljóna lán í upp­
hafi árs 2011 um 300 þúsund
krónur. Er þá miðað við hjón
sem hafa hvert um sig 400 þús­
und krónur í mánaðartekjur. Ef
umrædd hjón væru hins vegar
á leigumarkaði yrði kostnaður
við að leigja svipað stórt hús­
næði um 1.800 þúsund krónur
árlega.
Þannig að miðað við að
íbúðarhúsnæði á höfuðborg­
arsvæðinu hækki um tæplega
sjö prósent árið 2011, sem er
nokkuð varfærnislega áætl­
að, mætti gera ráð fyrir að það
yrði sex sinnum hagstæðara
að hafa keypt sér íbúð í upp­
hafi árs 2011 í stað þess að
vera á leigumarkaði. Skýrist
það meðal annars líka af því
að hjón með árstekjur upp á
9,6 milljónir króna myndu fá
um 330 þúsund krónur í vaxta­
bætur vegna 20 milljóna króna
láns, en ef þau væru á leigu­
markaði fengju þau ekkert í
húsaleigubætur. Þrátt fyrir að
íbúðaverð muni hækka um sjö
prósent á árinu má gera ráð
fyrir að raunhækkun verði ekki
nema 1,4 prósent, sé tekið til­
lit til verðbólgu en nýjustu spár
gera ráð fyrir að hún verði um
5,6 prósent í árslok.
Miklu hagstæðara
að kaupa í Noregi
Líkt og flestir vita hafa margir
Íslendingar flutt til Noregs
vegna slæms efnahagsástands
hér á landi. Fluttu um 3.200 ís­
lenskir ríkisborgarar þangað á
árunum 2008 til 2010. Norska
blaðið Verdens Gang fjallaði í
vikunni um fasteignamarkað­
inn í Noregi og sagði frá því að
um þessar mundir væri afar
hagsætt að kaupa sér húsnæði
þar í landi. Samkvæmt Verdens
Gang gera þeir ráð fyrir að hús­
næði í Noregi muni hækka um
11,6 prósent árið 2011.
Eins og sjá má í töflu með
frétt má segja að það sé mun
hagstæðara að kaupa sér íbúð­
arhúsnæði í Noregi núna en á
Íslandi. Ef miðað er við að fólk
taki 20 milljóna fasteignalán
yrði kostnaður vegna þess 300
þúsund krónur á Íslandi árið
2011 en ef jafn hátt lán hefði
verið tekið í Noregi yrði ágóði
upp á um 1.800 þúsund krón­
ur. Munar þar mikið um að
lánið í Noregi myndi lækka um
500 þúsund krónur en íslenska
lánið hækka um 920 þúsund
krónur sé miðað við að verð­
bólga á Íslandi verði 5,6 pró­
sent árið 2011, líkt og nýjasta
verðbólguspá greiningardeild­
ar Íslandsbanka gerir ráð fyr­
ir. 830 þúsund krónur skýrast
síðan af því að stuðst er við
það að íbúðaverð hækki um
ellefu prósent í Noregi en sjö
prósent á Íslandi.
Fjórum sinnum hag­
stæðari vextir í Noregi
Ef síðan er gerður samanburð­
ur á íslensku verðtryggðu láni
og norsku óverðtryggðu miðað
við það að íbúðaverð standi í
stað verður samanburðurinn
enn verri fyrir Ísland. Þá yrði
kostnaður af 20 milljóna verð­
tryggðu íslensku láni um 1.700
þúsund krónur árið 2011 en
einungis um 400 þúsund krón­
ur af norska láninu. Er þá búið
að taka tillit til vaxtabóta. Skýr­
ist það af því að íslenska lánið
myndi hækka um rúmlega 900
þúsund krónur en það norska
lækka um rúmlega hálfa millj­
ón króna. Þannig má sjá að ís­
lenska verðtryggingin veldur
því að íbúðalán hérlendis eru
um fjórum sinnum óhagstæð­
ari en í Noregi þegar búið er að
taka tillit til verðbóta. Því er lík­
lega ekki að ástæðulausu sem
margir velta fyrir sér hvort ís­
lenska krónan sé heppilegur
framtíðargjaldmiðill fyrir okk­
ur eða ekki.
Kostnaður við að kaupa á Íslandi
Greiðslubyrði af íslensku 40 ára láni hjá Íbúðalánasjóði
með 4,4 prósenta verðtryggðum vöxtum
Lánsupphæð: 20.000.000 kr.
Greiðsla 2011: 1.096 þús kr.
Meðalgr. á mánuði: 91.372 kr.
Tekjur hjóna: 9.600.000 kr.
Vaxtabætur fyrir hjón: 332.400 kr.
Staða láns í árslok 2011: 20.922.190 kr.
Verðmæti íbúðar í árslok 2011: 21.372.992 kr.
Kostnaður: 313.262. kr.
(20.922.190-21.372.992)+1.096.464-332.400= 313.262. kr.
Hjón leigja íbúð sömu stærðar á Íslandi
Heildarleiga í 12 mánuði: 1.800 þús. kr.
Húsaleigubætur: 0 kr.
Mismunur á leigu
og kaupum: 1.800.000-313.262 = 1.486.738 kr.
Kostnaður við að kaupa í Noregi
Greiðslubyrði af 40 ára láni hjá Swedbank
með 3,9 prósenta óverðtryggðum vöxtum:
Lánsupphæð: 20.000.000 kr.
Greiðsla 2011: 1.279 þús kr.
Meðalgr. á mánuði: 106.616 kr.
Tekjur: Í Noregi er borgað 28% til baka af vaxtak. óháð tekjum
Vaxtabætur fyrir hjón: 372.242 kr.
Staða láns í árslok 2011: 19.494.704 kr.
Verðmæti íbúðar í árslok 2011: 22.200.000 kr.
Kostnaður: -1.798.151 kr.
(19.494.704-22.200.000)+1.279.000-372.242= -1.798.151 kr.
Kostnaður í Noregi og Íslandi
með hækkun íbúðaverðs
Ísland
Staða láns í árslok 2011: +20.922.190 kr.
Verðmæti íbúðar í árslok 2011: -21.372.992 kr.
Greiðsla: +1.096.464 kr.
Vaxtabætur: -332.400 kr.
Samtals: 313.262. kr.
Noregur
Staða láns í árslok 2011: 19.494.704 kr.
Verðmæti íbúðar í árslok 2011: -22.200.000 kr.
Greiðsla: 1.279.000 kr.
Vaxtabætur: 372.242 kr.
Samtals: -1.798.151 kr.
Mismunur: 313.262-(-1.798.151)= 2.111.412 kr.
Kostnaður í Noregi og Íslandi
án hækkunar íbúðaverðs
Ísland
Staða láns í árslok: +20.922.190 kr.
Staða láns í upphafi: -20.000.000 kr.
Greiðsla: +1.096.464 kr.
Vaxtabætur: -332.400 kr.
Samtals: 1.686.254 kr.
Noregur
Staða láns í árslok: +19.494.704 kr.
Staða láns í upphafi: -20.000.000 kr.
Greiðsla: +1.279.387 kr.
Vaxtabætur: -372.242 kr.
Samtals: 401.849 kr.
Mismunur: 1.686.254 - 401.849 = 1.284.405 kr.
n Íbúðaverð á höfuðborgarsvæðinu mun líklega hækka um sjö prósent að lágmarki árið 2011
n Kostnaður af 20 milljóna láni 300 þúsund krónur n Húsaleiga yrði 1.800 þúsund krónur
Annas Sigmundsson
as@dv.is
Úttekt „Ef miðað er
við að fólk
tæki 20 milljóna
fasteignalán yrði
kostnaður vegna
þess 300 þúsund
krónur á Íslandi árið
2011 en ef jafn hátt
lán hefði verið tekið í
Noregi yrði ágóði upp
á um 1.800 þúsund
krónur.
Fasteignir í Reykjavík
Reiknað er með að fasteignaverð á
höfuðborgarsvæðinu hækki um sjö
prósent árið 2011.