Lögmannablaðið - 01.12.1998, Blaðsíða 10

10 Lögmannablaðið
Hinn 1. júlí sl. var undirrituð sam-
starfsyfirlýsing milli annars vegar
Lögmannafélags Íslands og Lög-
fræðingafélags Íslands og hins veg-
ar Endurmenntunarstofnunar Há-
skóla Íslands, þar sem ákveðið var
að taka upp samstarf á sviði endur-
menntunar fyrir lögmenn og aðra
lögfræðinga.
Í kjölfar undirritunar þessarar
samstarfsyfirlýsingar undirbjuggu
félögin og stofnunin í sameiningu þau námskeið sem
auglýst voru í bæklingi Endurmenntunarstofnunar á
haustmisseri 1998. Í samstarfsyfirlýsingunni er tekið
fram að árangur af þessu samstarfi verði metinn í lok
haustmisseris og á grundvelli þess teknar ákvarðanir
um frekara samstarf. Námskeiðin yrðu ýmist haldin í
salarkynnum Endurmenntunar-
stofnunar eða í húsnæði L.M.F.Í.
Ástæðan fyrir því að slíkt samstarf
hefur verið tekið upp er fyrst og
fremst sú að tryggja að lögmönnum
standi ávallt til boða fjölbreytt úrval
af góðum fræðslunámskeiðum.
L.M.F.Í. hafði áður boðið uppá
námskeið á vegum félagsins og
höfðu þau verið vel sótt, en stjórn
og fræðslunefnd töldu að nást
mundi betri árangur ef L.M.F.Í., Lögfræðingafélagið og
Endurmenntunarstofnun myndu sameina krafta sína á
þessu sviði. Það er þó skýrt tekið fram af hálfu L.M.F.Í.
að félagið getur að sjálfsögðu haldið sjálft sérstök nám-
skeið og fræðslufundi fyrir félagsmenn sína.
Á haustmisseri var boðið uppá mörg klassísk nám-
skeið og má þar m.a. nefna námskeið um vitna- og að-
ilaskýrslur fyrir dómi, námskeið um hlutafélagarétt,
námskeið um mál skv. hjúskaparlögum og námskeið
um tekjuskatt atvinnurekenda. Þá voru ný námskeið,
svo sem um samningsveð og ábyrgðir, þar sem fjallað
var um reynsluna af nýju samningsveðlögunum.
Ef félagsmenn hafa hugmyndir um námskeið eða
málaflokka, sem félagið ætti að taka upp, þá eru þeir
vinsamlega beðnir að hafa samband við fræðslunefnd-
armenn eða framkvæmdastjóra félagsins.
Í sambandi við fræðslumálin er rétt að geta þess að
fyrir síðustu áramót var undirritað samkomulag
L.M.F.Í., Lögfræðingafélags Íslands og Dómarafélags Ís-
lands við Lagastofnun Háskólans um nám lögfræðinga
í kjörgreinum við lagadeildina. Um þetta samstarf hef-
ur áður verið fjallað á þessum vettvangi en með sam-
komulaginu var lögmönnum tryggður réttur til að skrá
sig í þær kjörgreinar sem boðið er uppá í fjórða hluta
laganáms. Nú fer fram skráning á skrifstofu L.M.F.Í. fyr-
ir vormisseri 1999.
Í fræðslunefnd félagsins eiga sæti auk undirritaðs,
Andri Árnason, hrl. og Benedikt Guðbjartsson, hdl. Þá
hefur Benedikt Bogason, skrifstofustjóri, sótt fundi
nefndarinnar frá því að samstarfið hófst við Endur-
menntunarstofnun. Það er von mín að með samkomu-
laginu, bæði við Lagastofnun og Endurmenntunar-
stofnun, sé skotið traustari fótum undir fræðslumál lög-
manna og tryggt verði að ávallt né nægjanlegt framboð
af eftirsóknarverðum og gagnlegum námskeiðum fyrir
lögmenn.
Sigurbjörn
Magnússon,
hrl. formaður
fræðslu-
nefndar LMFÍ
Sigurbjörn Magnússon, hrl.
Fræðslumál í nýjan farveg
LÖGMENN
Löggiltar þýðingar á dómskjölum og
öðrum gögnum. Dómtúlkun.
Skjót og vönduð
vinnubrögð.
ÞÝÐINGAR OG
TEXTARÁÐGJÖF
Pósthússtræti 13, 2. hæð
101 Reykjavík • Sími: 562-6588
Bréfsími: 562-6551
Netfang: ellening@islandia.is
•
Ellen Ingvadóttir
löggiltur dómtúlkur og
skjalþýðandi